ଭୁବନେଶ୍ୱର, ୧୦।୧୨: ‘ପ୍ଲାଷ୍ଟିକ୍ ମୁକ୍ତ ଅଞ୍ଚଳ’ ପାଇଁ ପୋଖରୀପୁଟ ଅଞ୍ଚଳର ଡିଏଭି ଛାତ୍ରଛାତ୍ରୀଙ୍କ ପକ୍ଷରୁ ରାଲି । ପ୍ଲାଷ୍ଟିକ୍ ବ୍ୟବହାର କରିବା ଫଳରେ ବାୟୁମଣ୍ଡଳରେ ପଡ଼ୁଥିବା ଏହାର କୁପ୍ରଭାବ ବିଷୟରେ ଦୋକାନୀ ଓ ସାଧାରଣ ଜନତାଙ୍କୁ ଏନେଇ ସଚେତନ କରାଇଛନ୍ତି । ଛାତ୍ରଛାତ୍ରୀମାନେ ସ୍ଥାନୀୟ ଅଞ୍ଚଳରେ ଥିବା ଦୋକାନଗୁଡ଼ିକରେ ହାତ ତିଆରି କପଡ଼ା ବ୍ୟାଗ୍ ଓ ପେପର୍ ବ୍ୟାଗ୍ ବଣ୍ଟନ କରିବା ସହ ଏହାର ଉପକରିତା ବିଷୟରେ ଅବଗତ କରାଇଛନ୍ତି । ଏଥିସହ ଛାତ୍ରଛାତ୍ରୀମାନେ ‘ପୃଥିବୀ ବଞ୍ଚାଅ ଓ ପଲିଥିନ୍ ହଟାଅ’ ଭଳି ବ୍ୟାନର ଦେଖାଇ ଲୋକଙ୍କୁ ସଚେତନତା ବାର୍ତ୍ତା ଦେଇଥିଲେ ।
ପ୍ଲାଷ୍ଟିକ୍ ସାମଗ୍ରୀର ବ୍ୟବହାର ଫଳରେ ବାୟୁମଣ୍ଡଳ ଉପରେ ପଡ଼ୁଥିବା କୁପ୍ରଭାବ ବିଷୟରେ ଲୋକଙ୍କୁ ସଜାଗ କରାଇଛନ୍ତି । ସ୍ଥାନୀୟ ଅଞ୍ଚଳ ଓ ପୋଖରୀପୁଟର ସପିଂ କମ୍ଲେକ୍ସ ଯାଏ ପିଲାମାନେ ଏହି ରାଲି କରୁଥିବାର ଦେଖାଦେଇଥିଲା । ଷଷ୍ଠ ଶ୍ରେଣୀ ଓ ସପ୍ତମ ଶ୍ରେଣୀ ପିଲାଙ୍କ ସହ ସ୍କୁଲର ଶିକ୍ଷକ ଶିକ୍ଷୟିତ୍ରୀ ମଧ୍ୟ ଏହି ରାଲିରେ ସାମିଲ ଥିଲେ । ଏଥିସହ ଲୋକଙ୍କୁ ସଚେତନତା କାର୍ଡ ବାଣ୍ଟିଛନ୍ତି । ବିଦ୍ୟାଳୟର ପ୍ରଧାନ ଶିକ୍ଷକ ବିପିନ୍ନ କୁମାର ସାହୁ ବିଶୁଦ୍ଧ ବାୟୁମଣ୍ଡଳର ଗୁରୁତ୍ୱ ଓ ପ୍ଲାଷ୍ଟିକ୍ର ଅପକାରିତା ବିଷୟରେ ପିଲାଙ୍କୁ ସଚେତନ କରାଇଛନ୍ତି । ବାୟୁମଣ୍ଡଳକୁ ସବୁଜ ସୁନ୍ଦର ରଖିବା ପ୍ରତ୍ୟେକ ନାଗରିକର ଦାୟିତ୍ୱ ବୋଲି ସେ କହିଛନ୍ତି ।