ପ୍ରମୂଖ ଖବର
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ପେଶାର ଜଣେ ଚାଷୀ; ୪ର୍ଥ ଶ୍ରେଣୀ ପାସ୍, ୪୦ ବର୍ଷ ଧରି ମାଟି ଖୋଳି ଅଣ୍ଡରଗ୍ରାଉଣ୍ଡରେ ନିର୍ମାଣ କରଥିଲେ ୫୦ କୋଠରୀ

ନୂଆଦିଲ୍ଲୀ ,୧୦।୯: ଜଣେ ଚାଷୀ ପାଇଁ ମାତ୍ର, କେଇ ଏକର ଜମି କିଣିବା ସ୍ୱପ୍ନ । କିନ୍ତୁ, ଏ ଜଣେ ଏଭଳି ଚାଷୀ ୭୦ ଏକର ଜମି କିଣି ହୋଇଥିଲେ ଠକାମିର ଶିକାର । ଉର୍ବର ବଦଳରେ ଦଲାଲ ପଥୁରିଆ ଜମି ଦେଇ ଠକି ଦେଇଥିଲା । ଠକେଇର ଶିକାର ହେବା ପରେ ହାର୍ ମାନିନଥିଲେ କାଲିଫର୍ଣ୍ଣିଆ ନିବାସୀ ବାଲ୍‌ଡାସାରେ ଫରେଷ୍ଟିୟର୍ । ସେହି ପଥୁରିଆ ଭୂଇଁକୁ ୪୦ ବର୍ଷ ଖୋଳି ନିର୍ମାଣ କରିଥିଲେ ଗୁମ୍ଫା ମହଲ ।

୧୯୦୫ରେ ସିସିସଲି ଦ୍ୱୀପରୁ କାଲିଫର୍ଣ୍ଣିଆର ସହର ଫ୍ରେଶନୋ ଆସିଥିଲେ ବାଲ୍‌ଡାସାରେ । ଏଠାରେ କିଣିଥିଲେ ୭୦ ଏକର ଜମି । ଉର୍ବର ମାଟି ପାଇବା ଆଶାରେ ଫାଉଡ଼ା ଓ କୋଦାଳରେ ୨୦ ଫୁଟ୍ ତଳ ପର୍ଯ୍ୟନ୍ତ ଖୋଳିଲେ । ଖୋଳିବା ସମୟରେ ସେ ଭୂମି ତଳେ ରହିବାର ମଜାକୁ ଅନୁଭବ କଲେ । ଭୂମି ତଳେ ଖଟା ଫଳ ଚାଷ କରିବା ପାଇଁ ଉପାୟ ଚିନ୍ତା କଲେ । ଲଗାତାର ୪୦ ବର୍ଷ ଧରି ମାଟି ଖୋଳା କାର୍ଯ୍ୟ ଜାରି ରଖିଲେ । ଏହାପରେ ଭୂମିତଳେ ଚାଷବାସ କରିବା ପାଇଁ ୧୦ ଏକରରେ କୋଠରୀ, ସୁଡ଼ଙ୍ଗ, ଅଗଣା ଏବଂ ନିଜ ପାଇଁ ଘର ତିଆରି କଲେ । ନିଜେ ଅଣ୍ଡରଗ୍ରାଉଣ୍ଡ ରହିବା ପାଇଁ ଘରର ବନ୍ଦୋବସ୍ତ କଲେ । ଏକ କାଠ ଚୁଲି ସହ ରୋଷେଇ ଘର, ଶୀତଦିନ ଓ ଗରମ ଦିନ ପାଇଁ ଭିନ୍ନ ଭିନ୍ନ ଶୟନ କକ୍ଷ, ଆଲୋକ ପାଇଁ ସୁନ୍ଦର ଝୁମର୍, ଅଣ୍ଡରଗ୍ରାଉଣ୍ଡ୍ ପୋଖରୀ, ଡାଇନିଙ୍ଗ୍ ହଲ୍ ମଧ୍ୟ ନିର୍ମାଣ କଲେ । ଏସବୁକୁ କଂକ୍ରିଟ୍ ଓ ଇଟାରେ ତିଆରି କରିଥିଲେ ସେ ।

ସବୁଠୁ ବଡ଼ କଥା ହେଉଛି ବାଲଡାସାରେ ମାତ୍ର, ୪ର୍ଥ ଶ୍ରେଣୀ ପାସ୍ । ନିଜସ୍ୱ ଉଦ୍ୟମରେ ୧୯୨୦ ମସିହା ପର୍ଯ୍ୟନ୍ତ ୫୦ଟି ଅଣ୍ଡରଗ୍ରାଉଣ୍ଡ କୋଠରୀ ନିର୍ମାଣ କରିବାରେ ସେ ସଫଳ ହୋଇଥିଲେ । ଅଣ୍ଡରଗ୍ରାଉଣ୍ଡରେ ଫଳଚାଷ କରି ଏତେ ଅର୍ଥ ରୋଜଗାର କରିଥିଲେ ଯେ, ତାଙ୍କୁ ଚାକିରିର ଆବଶ୍ୟକତା ନଥିଲା । ଭବିଷ୍ୟତରେ ପର୍ଯ୍ୟଟକଙ୍କ ପାଇଁ ଅଣ୍ଡରଗ୍ରାଉଣ୍ଡ୍ ରିସର୍ଟ ନିର୍ମାଣ କରିବେ ବୋଲି ମଧ୍ୟ ଯୋଜନା ରଖିଥିଲେ । କିନ୍ତୁ, ଏହା ପୂରଣ ହେବା ପୂର୍ବରୁ ତାଙ୍କ ମୃତ୍ୟୁ ଘଟିଥିଲା । ପରବର୍ତ୍ତୀ ସମୟରେ ଏହି ସମ୍ପତ୍ତିକୁ ବାଲଡାସାରେଙ୍କ ଭାଇମାନେ କବ୍‌ଜା କରିନେଲେ । ବର୍ତ୍ତମାନ ଏହି ଗୁମ୍ଫା ମହଲ ଲୋକଙ୍କ ପାଇଁ ଏକ ପରିଦର୍ଶନ ସ୍ଥାନରେ ପରିଣତ ହୋଇଛି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.