ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ଡାଟା ସେଣ୍ଟର କ୍ଷମତାରେ ଲିଡର ପାଲଟିଲା ଭାରତ, ପଛରେ ପଡିଲେ ଅଷ୍ଟ୍ରେଲିଆ, ଜାପାନ ଏବଂ ସିଙ୍ଗାପୁର

ନୂଆଦିଲ୍ଲୀ,୧୭/୦୫: ଡାଟା ସେଣ୍ଟର କ୍ଷମତାରେ ଭାରତ ପାଲଟିଛି ଲିଡର । ଏ କ୍ଷେତ୍ରରେ ଆମ ଦେଶ ଅଷ୍ଟ୍ରେଲିଆ, ଜାପାନ ଏବଂ ସିଙ୍ଗାପୁର ଭଳି ରାଷ୍ଟ୍ରଗୁଡ଼ିକୁ ପଛରେ ପକାଇ ଦେଇଥିବା ଏକ ରିପୋର୍ଟରୁ ଜଣାପଡ଼ିଛି । ଏସିଆ ପ୍ରଶାନ୍ତ ଅଞ୍ଚଳରେ ଭାରତ ପାଲଟିଛି ଡାଟା ସେଣ୍ଟର ଲିଡର । ଇନ୍‌ଷ୍ଟଲ୍‌ଡ କାପାସିଟିରେ ଏହା ସିଙ୍ଗାପୁର, ଅଷ୍ଟ୍ରେଲିଆ, ଦକ୍ଷିଣ କୋରିଆ, ଜାପାନ ଏବଂ ହଂକଂକୁ ପଛରେ ପକାଇ ଦେଇଥିବା ଗ୍ଲୋବାଲ ରିୟଲ ଇଷ୍ଟେଟ୍‌ କନ୍‌ସଲ୍‌ଟାଣ୍ଟ ସିବିଆର୍‌ଇ ପକ୍ଷରୁ ପ୍ରସ୍ତୁତ ରିପୋର୍ଟରେ ଉଲ୍ଲେଖ କରାଯାଇଛି । ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ରାଷ୍ଟ୍ରରେ ବର୍ଦ୍ଧିତ ଡାଟା ଚାହିଦା ଏଥିରୁ ସ୍ପଷ୍ଟ ବାରି ହେଉଥିବା ରିପୋର୍ଟରେ କୁହାଯାଇଛି ।

 ସିବିଆର୍‌ଇର ଅଧ୍ୟକ୍ଷ ତଥା ସିଇଓ(ଭାରତ, ଦକ୍ଷିଣ ପୂର୍ବ ଏସିଆ, ମଧ୍ୟପ୍ରାଚ୍ୟ ଏବଂ ଆଫ୍ରିକା) ଅଂଶୁମାନ ମ୍ୟାଗାଜିନ୍‌ କହିଛନ୍ତି ଯେ, ଭାରତ ଏକ  ଅନୁକୂଳ ବଜାର । ତେଣୁ ନିଜ ନିଜର ଡିଜିଟାଲ ସେବାର ସମ୍ପ୍ରସାରଣ ପାଇଁ ବଡ଼ ବଡ଼ ବହୁରାଷ୍ଟ୍ରୀୟ କମ୍ପାନିଗୁଡ଼ିକ ଭାରତକୁ ଟାଣି ହୋଇଆସୁଛନ୍ତି । ଆଉ କିଛି କମ୍ପାନି ଯୋଗାଣ ଶୃଙ୍ଖଳଜନିତ ସମସ୍ୟା ଯୋଗୁ ଅନ୍ୟ ଏସୀୟ ବଜାରଗୁଡ଼ିକରୁ ମୁହଁ ଫେରାଇ ଭାରତକୁ ଆକୃଷ୍ଟ ହେଉଛନ୍ତି । ବିଏଫ୍‌ଏସ୍‌ଆଇ କମ୍ପାନି, ପ୍ରଯୁକ୍ତି ସଂସ୍ଥା ଏବଂ କ୍ଲାଉଡ୍‌ ସେବା ପ୍ରଦାନକାରୀମାନଙ୍କ ପକ୍ଷରୁ ନିରନ୍ତର ଚାହିଦା ଆଶା ରହିଥିବା ଅଂଶୁମାନ କହିଛନ୍ତି ।

୨୦୧୮ରୁ ୨୦୨୩ ମଧ୍ୟରେ ଭାରତର ଡାଟା ସେଣ୍ଟର ଶିଳ୍ପ ୪୦୦୦ କୋଟି ଡଲାରରୁ ଊଦ୍ଧ୍ୱର୍ ନିବେଶ ପ୍ରତିଶ୍ରୁତି ସାଉଁଟିଛି । ଉଭୟ ବିଦେଶୀ ଏବଂ ଘରୋଇ ନିବେଶକ ଭାରତରେ ନିବେଶ କରିବାକୁ ମନ ବଳାଇଛନ୍ତି । ଗ୍ଲୋବାଲ ଅପରେଟର, ରିୟଲ ଇଷ୍ଟେଟ୍‌ ଡେଭେଲପର୍‌ ଏବଂ ଘରୋଇ ଇକ୍ୱିଟି ଫଣ୍ଡଗୁଡ଼ିକରୁ ବିପୁଳ ନିବେଶ ଆସୁଥିବା ଅଂଶୁମାନ କହିଛନ୍ତି । 

ବିପୁଳ ମାତ୍ରାରେ ନିବେଶ ପ୍ରତିଶ୍ରୁତି ହାସଲ କରିଥିବା ପ୍ରମୁଖ ରାଜ୍ୟଗୁଡ଼ିକ ମଧ୍ୟରେ ମହାରାଷ୍ଟ୍ର, ଉତ୍ତର ପ୍ରଦେଶ, ପଶ୍ଚିମବଙ୍ଗ ଏବଂ ତାମିଲ୍‌ନାଡୁ ରହିଛି । ଭାରତ ପରେ ଜାପାନରେ ଦ୍ୱିତୀୟ ସର୍ବାଧିକ ଡାଟା ସେଣ୍ଟର କ୍ଷମତା(୮୯୨ଏମ୍‌ଡବ୍ଲ୍ୟୁ) ରହିଛି । ଏହା ପଛକୁ ଅଷ୍ଟ୍ରେଲିଆରେ ଡାଟା ସେଣ୍ଟର କ୍ଷମତା ରହିଛି ୭୭୩ ଏମ୍‌ଡବ୍ଲ୍ୟୁ । ସିଙ୍ଗାପୁରରେ ଏହା ୭୧୮ ଏମ୍‌ଡବ୍ଲ୍ୟୁ ଥିବାବେଳେ ହଂକଂରେ ୬୧୩ ଏମ୍‌ଡବ୍ଲ୍ୟୁ ଏବଂ ଦକ୍ଷିଣ କୋରିଆରେ  ଏହା ୫୩୧ ଏମ୍‌ଡବ୍ଲ୍ୟୁ ରହିଛି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.