ହାଇଦ୍ରାବାଦ – ଭାରତୀୟ ମହାକାଶ ଅନୁସନ୍ଧାନ ସଙ୍ଗଠନ (ଇସ୍ରୋ) ଖୁବ୍‌ ଶୀଘ୍ର ନୂଆ ଐତିହାସିକ ସଫଳତା ରଚିବାକୁ ଯାଉଛି। ଏବେ ମଙ୍ଗଳ ଗ୍ରହରେ ରୋଭର ଓ ହେଲିକପ୍ଟରକୁ ଅବତରଣ କରିବାର ଟାର୍ଗେଟ୍‌ ରହିଛି। ଏହି ପ୍ରୟାସରେ ଏବେସୁଦ୍ଧା କେବଳ ଆମେରିକା ଓ ଚୀନ୍‌କୁ ହିଁ ସଫଳତା ମିଳିଛି। ଏହି କ୍ରମରେ ମହାକାଶ ଦୁନିଆରେ ଏକ ବଡ଼ ଖେଳାଳି ଭାବେ ଭାରତ ନିଜର ପରିଚୟ ସୃଷ୍ଟି କରିବ। 

ଇସ୍ରୋର ଏହି ନୂଆ ପ୍ରୋଜେକ୍ଟର ନାଁ ମଙ୍ଗଳଯାନ-୨ ରଖା ଯାଇଛି। ନ୍ୟାସନାଲ ଟେକ୍ନୋଲଜି ଡେ’ରେ ସ୍ପେସ୍ ଆପ୍ଲିକେସନ ସେଣ୍ଟରରେ ଏହି ବିଷୟରେ ବିସ୍ତୃତ ଭାବେ ସୂଚନା ଦିଆ ଯାଇଛି। ଏହା ନିଜର ଏକ ଅଦ୍ଭୂତପୂର୍ବ ମିଶନ, ଯାହାକୁ ଇସ୍ରୋ ପକ୍ଷରୁ ଡେଭଲପ୍‌ କରାଯାଇ ଥିବା ସବୁଠୁ ଓଜନିଆ ରକେଟ୍‌-ଲଞ୍ଚ ଭାଇକଲ ମାର୍କ-୧୧୧ (ଏଲଭିଏମ-୩)ର ବ୍ୟବହାର କରି ପୃଥିବୀ ପୃଷ୍ଠରୁ ଲଞ୍ଚ କରାଯିବ।

ରିପୋର୍ଟ ମୁତାବିକ , ଏୟାରବ୍ୟାଗ୍‌ ଓ ରାମ୍ପ ଭଳି ପାରମ୍ପରିକ ଉପାୟକୁ ଅଲବିଦା କହିବାର ଏହା ସମୟ। ଇସ୍ରୋ ରୋଭର ଆଡଭାନ୍ସଡ୍ ସ୍କାଇ କ୍ରେନ୍‌ ମାଧ୍ୟମରେ ମଙ୍ଗଳ ଗ୍ରହରେ ଲ୍ୟାଣ୍ଡ କରିବାକୁ ପ୍ରସ୍ତୁତ। ଏହାକୁ ନାସାର ରୋଭର ଲ୍ୟାଣ୍ଡିଂରୁ ପ୍ରେରଣ ନେଇ ତିଆରି କରାଯାଇଛି। ଏହି ସିଷ୍ଟମ ଚ୍ୟାଲେଞ୍ଜପୂର୍ଣ୍ଣ ସ୍ଥିତି ଭିତରେ ମଧ୍ୟ ସୁରକ୍ଷିତ ଓ ସଠିକ୍‌ ଲ୍ୟାଣ୍ଡିଂର ସୁନିଶ୍ଚିତ କରିଥାଏ। ଏହା ବ୍ୟତୀତ , ଇସ୍ରୋ ସୁପରସୋନିକ ପାରାସୁଟ୍‌ ଡେଭଲପ୍‌ କରୁଛି, ଯାହା ଏହି ବଡ଼ ମିଶନର ସଫଳତା ପାଇଁ ଜରୁରୀ।