କୁପାରୀ, ୦୯/୦୭ : ପେଟ୍ରୋଲ ପମ୍ପ କର୍ମଚାରୀଙ୍କ ଠାରୁ ଦିନ ଦ୍ଵିପ୍ରହରେ ଲୁଟ୍। ବ୍ୟାଙ୍କ୍ରେ ଟଙ୍କା ଡିପୋଜିଟ୍ କରିବାକୁ ଯିବା ବେଳେ ଗୁଳିମାଡ଼ କରି ୧୨ ଲକ୍ଷ ଲୁଟ୍ ଅଭିଯୋଗ। ବାଲେଶ୍ଵର ଜିଲ୍ଲା ଖଇରା ଥାନା ବର୍ତ୍ତନା ବଜାର ଇଣ୍ଡିଆନ୍ ବ୍ୟାଙ୍କ୍ ସମ୍ମୁଖରେ ଘଟିଛି ଏଭଳି ଘଟଣା।
ସୂଚନାନୁଯାୟୀ, କୃପେଶ୍ୱର ପେଟ୍ରୋଲ ପମ୍ପ କର୍ମଚାରୀ ଅଜୟ ମହାପାତ୍ର ଓ ବିଷ୍ଣୁପଦ ମହାପାତ୍ର ମଙ୍ଗଳବାର ଦିନ ସାଢେ ୧ଟାରେ ବର୍ତ୍ତନା ଇଣ୍ଡିଆନ ବ୍ୟାଙ୍କକୁ ଟଙ୍କା ଡିପୋଜିଟ୍ କରିବାକୁ ଆସିଥିଲେ। ଏହି ସମୟରେ ୩ଟି ବାଇକ୍ରେ ୬ ଜଣ ଦୁର୍ବୃତ୍ତ ଆସି ଗୁଳିମାଡ଼ କରି ୧୨ ଲକ୍ଷ ଟଙ୍କା ଲୁଟି ନେଇଛନ୍ତି। ପେଟ୍ରୋଲ ପମ୍ପର ଜଣେ କର୍ମଚାରୀଙ୍କ ଗୋଡରେ ଗୁଳି ବାଜିଛି। ଖଇରା ପୋଲିସ ଏନେଇ ତଦନ୍ତ ଆରମ୍ଭ କରିଛି।
