ଖୋର୍ଦ୍ଧା, ୨୮।୧: ଆଦର୍ଶ ଥାନା ପୁଲିସ ରବିବାର ସକାଳୁ ଏକ କଣ୍ଟେନର ବୋଝେଇ ଗୋରୁ ଚାଲାଣ ଗାଡ଼ି ଜବତ କରିଛି । ସେହିପରି ଶିଳ୍ପାଞ୍ଚଳ ପୁଲିସ ଏକ ଗୋ-ମାଂସ ଚାଲାଣ ହେଉଥିବା ଏକ ଟ୍ରକ୍ ଜବତ କରିଥିବା ଜଣାପଡ଼ିଛି । ରବିବାର ଭୋରୁ ପାୟ ୧୮ ଗୋରୁ ନେଇ ଏକ କଣ୍ଟେନର ଗାଡ଼ି କଲିକତାରୁ ହାଇଦ୍ରାବାଦ ଅଭିମୁଖେ ଯାଉଥିଲା ।
ଠିକ୍ ଏହି ସମୟରେ ଗୋ ସୁରକ୍ଷା କର୍ମୀମାନେ ତାକୁ ୧୬ ନମ୍ୱର ଜାତୀୟ ରାଜପଥ ବରୁଣେଇ ନିକଟସ୍ଥ ଏକ ପେଟ୍ରୋଲ ପମ୍ପ ନିକଟରୁ ଧରି ପୁଲିସ ଜିମା ଦେବା ଜଣାପଡ଼ିଛି । ସେହିପରି ଶିଳ୍ପାଞ୍ଚଳ ପୁଲିସ୍ ହାଇଦ୍ରାବାଦଠାରୁ କଲିକତାକୁ ଯାଉଥିବା ଟ୍ରକ୍ ଜବତ ହୋଇଥିବା ଜଣାପଡ଼ିଛି । ଏ ଘଟଣାରେ ପୁଲିସ ୫ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି ।
