ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଅନ୍ଧବିଶ୍ୱାସର କରୁଣ ପରିଣତି, ଗୁଣିଗାରେଡି ସନ୍ଦେହରେ ୨ ମହିଳା ଓ ଜଣେ ପୁରୁଷକୁ ହତ୍ୟା…

ନୀଳଗିରି/ଔପଦା ୪/୦୭: ତିନି ଦିନ ପରେ ଜଙ୍ଗଲରୁ ମିଳିଲା ୨ ମହିଳା ଓ ଜଣେ ପୁରୁଷ ଙ୍କ ମୃତଦେହ । ଗୁଣିଗାରେଡି ସନ୍ଦେହରେ ହତ୍ୟା କରାଯାଇଛି ବୋଲି ଅଭିଯୋଗ ଆଣିଛନ୍ତି ମୃତକଙ୍କ ପରିବାର ଲୋକେ। ଏମିତି ଏକ ଅଭାବନୀୟ ଘଟଣା ଘଟିଛି ବାଲେଶ୍ଵର ଜିଲ୍ଲା ଔପଦା ଥାନା ବଡ଼ପୋଖରୀ ନିକଟ ଗ୍ରାମ୍ୟ ଜଙ୍ଗଲରେ । ଘଟଣାକୁ ନେଇ ପୋଲିସର ଛାନଭିନ ପରେ ୭ ଜଣଙ୍କୁ ଅଟକ ରଖାଯାଇଛି । ସେପଟେ ଗାଁ ପୁରୁଷ ଶୂନ୍ୟ ହୋଇଥିବା ଜଣାପଡିଛି । 

ସୂଚନାଯୋଗ୍ୟ ଔପଦା ଥାନା ବଡ଼ପୋଖରୀ ଗ୍ରାମର ଜାଲିଆ ସିଂଙ୍କ ପତ୍ନୀ ସୋମବାରି ସିଂ (୩୭), ଦାମ୍ପା ସିଂ(୪୫) ଓ ତାଙ୍କ ପତ୍ନୀ ସୁକାନ୍ତି ସିଂ(୩୮)ଙ୍କୁ ଗ୍ରାମର କିଛି ବ୍ୟକ୍ତି ଗୁଣି ଗାରେଡି କରୁଥିବା ସନ୍ଦେହ କରି ଏହି ତିନି ଜଣଙ୍କୁ ହତ୍ୟା କରିଥିବାର ସମବାରିଙ୍କ ପୁତ୍ର ନିରଞ୍ଜନ ସିଂ ଆଜି ଥାନାରେ ଅଭିଯୋଗ କରିଛନ୍ତି । ଏହି ତିନି ଜଣ ଗତ ୧ ତାରିଖରୁ ନିଖୋଜ ଥିଲେ । ଖବର ପାଇ ଔପଦା ଥାନା ଆଇଆଇସି ଶ୍ରବଣ କୁମାର ମହରଣା ସଦଳ ବଳେ ଖୋଜା ଖୋଜି କରି ଗ୍ରାମ ନିକଟସ୍ଥ ଜଙ୍ଗଲରୁ ଗ୍ରାମବାସୀଙ୍କ ସହଯୋଗରେ ଉକ୍ତ ତିନିଜଣଙ୍କ ମୃତ ଦେହ ଠାବ କରିଥିବାର ଜଣାଯାଇଛି । ଜଙ୍ଗଲରେ ଅତି ନିର୍ମମ ଭାବେ ହତ୍ୟା କରିବା ସହ ମୃତଦେହ ପୋତିବାକୁ ଚେଷ୍ଟା କରାଯାଇଥିବା ଦେଖିବାକୁ ମିଳିଛି। ଗତ ୦୧ ତାରିଖ ରେ ୧୫ରୁ ଉର୍ଦ୍ଧ୍ବ ଲୋକ ପ୍ରଥମେ ମୃତକ ତିନିଜଣଙ୍କୁ ବାଡ଼ିରେ ନିସ୍ତୁକ ପିଟି ପିଟି ହତ୍ୟା କରିଛନ୍ତି । ପରେ ସେମାନଙ୍କ ପାହାଡ଼ ଉପରକୁ ନେଇ  ସେଠାରେ କଟୁରୀ ସାହାଯ୍ୟରେ ସେମାନଙ୍କର ଗଳା କାଟି ୫୦ ମିଟର ବ୍ୟବଧାନ ରେ ତିନିଜଣଙ୍କୁ ଫୋପାଡି ଦେଇଥିବା ଜଣାପଡିଛି । ତେବେ ସୋମବାରୀ ସିଂଙ୍କର ମୁଣ୍ଡ ଦେହରୁ ସମ୍ପୂର୍ଣ୍ଣ ଅଲଗା ହୋଇଯାଇଥିବା ସୂଚନା ମିଳିଛି ।

ସନ୍ଧେହରେ ପୋଲିସ ଥାନାରେ ୭ ଜଣଙ୍କୁ ଅଟକ ରଖିବା ସହିତ ଶବ ବ୍ୟବଚ୍ଛେଦ ପାଇଁ ସୋର ମେଡ଼ିକାଲକୁ ପଠାଇଛନ୍ତି । ମାରିଥିବା ପରିବାର ଲୋକଙ୍କର କାଠ ସଂଗ୍ରହ ବେଳେ ଆଘାତ ପାଇ ଏକ ଘା ନଶୁଖିବାକୁ କେନ୍ଦ୍ରକରି ଗୁଣିଗାରେଡି ସନ୍ଦେହ କରି ଏଭଳି ଘଟଣା ଘଟିଥିବା ଜଣାପଡିଛି । ଏ ଭଳି ଅନ୍ଧ ବିଶ୍ୱାସ କରି ନିର୍ମମ ହତ୍ୟା ଘଟଣାରେ ଅଭିଯୁକ୍ତଙ୍କୁ ଚିହ୍ନଟ କରି ତୁରନ୍ତ ଗିରଫ କରିବାକୁ ଗ୍ରାମବାସୀ ମାନେ ଦାବି କରିଛନ୍ତି ।

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.