ବୈପାରୀଗୁଡା,୨୧/୦୯: ଅଟୋରେ ଗଞ୍ଜେଇ ଚୋରା ଚଲାଣ ବେଳେ ମାଡ଼ି ବସିଲା ଅବକାରୀ ବିଭାଗ । ଅଟୋ ସହ ଜବତ ହେଲା ୨୫ କିଲୋ ଗଞ୍ଜେଇ । ଏହା ସହ ଦୁଇ ଜଣ ମହିଳା ମଧ୍ୟ ଗିରଫ ହୋଇଛନ୍ତି । ଗିରଫ ହୋଇଥିବା ଦୁଇ ଜଣ ମହିଳା ଲଷ୍ମୀପୁରର ସନ୍ଧ୍ୟା ହରିଜନ ଓ ସାବିତ୍ରୀ ବାଲାଜୀ ବୋଲି ଜଣାପଡ଼ିଛି । କୋରାପୁଟ ଜିଲ୍ଲା ଅନ୍ତର୍ଗତ ବୈପାରୀଗୁଡା ବ୍ଲକ ଅନ୍ତର୍ଗତ କେନ୍ଦୁପଡା ରାସ୍ତାରେ ଏଭଳି ଘଟମା ଘଠିଛି ।

ସୂଚନା ମୁତାବକ, କେନ୍ଦୁପଡା ରାସ୍ତାରେ ଅବକାରୀ ବିଭାଗ ଓଆଇସି ଭଗବାନ ମହାନନ୍ଦିଆଙ୍କ ନେତୃତ୍ୱରେ ପେଟ୍ରୋଲିଙ୍ଗ ଚାଲିଥିଲା । ଏହି ସମୟରେ କେନ୍ଦୁପଡାରୁ ବୈପାରୀଗୁଡା ଅଭିମୁଖେ ଗୋଟିଏ ଅଟୋ କ୍ଷିପ୍ରଗତିରେ ଆସୁଥିଲା । ସନ୍ଦେହ କରି ଅବକାରୀ ବିଭାଗର କର୍ମଚାରୀ ଉକ୍ତ ଅଟୋକୁ ଅଟକାଇଥିଲେ । ଏହା ଦେଖି ଘଟଣାସ୍ଥଳରୁ ଅଟୋ ଛାଡ଼ି ଡ୍ରାଇଭର ଚମ୍ପଟ ମାରିଥିଲା । ତେବେ ଅଟୋରେ ଥିବା ୨୫ କିଲୋ ଗଞ୍ଜେଇ ଜବତ କରାଯାଇଛି । ଏଥି ସହିତ ଏହି ଚାଲାଣରେ ସମ୍ପୃକ୍ତ ଥିବା ଦୁଇଜଣ ମହିଳାଙ୍କୁ ଗିରଫ କରି ଜୟପୁର କୋର୍ଟ ଚଲାଣ କରାଯାଇଛି ।