ମୈନପୁରୀ ( ୟୁପି) –ଉତ୍ତର ପ୍ରଦେଶର ଥାନା ଅନ୍ତର୍ଗତ ଗ୍ରାମ ବିରୟାମପୁରରେ ଏକ ଦୁଃଖଦ ଘଟଣା ଘଟିଛି। ଗୁରୁବାର ସକାଳ ୮.୩୦ରେ ୨ମହଲା ଥିବା କୋଠା ଘରର ଲିଣ୍ଟେଲ ( ପଡ଼ିଥିବା ଲମ୍ୱା ବିମ୍) ଭାଙ୍ଗି ଖସି ପଡ଼ିଛି। ଯାହାର ଭଗ୍ନାବଶେଷ ତଳେ ଚାପି ହୋଇ ୩ ଜଣ ମହିଳାଙ୍କ ମୃତ୍ୟୁ ହୋଇଛି ଏବଂ ଜଣେ ବୟସ୍କ ବ୍ୟକ୍ତି ଆହତ ହୋଇଛନ୍ତି।
ଟାଇମ୍ସ ଅଫ୍ ଇଣ୍ଡିଆରେ ପ୍ରକାଶିତ ଖବର ଅନୁସାରେ ,କୋଠାର ଲିଣ୍ଟେଲ ଭାଙ୍ଗି ଖସି ପଡ଼ିବାରୁ ଖୁବ୍ ଜୋରରେ ଶବ୍ଦ ହୋଇଥିଲା ଏବଂ ଗାଁରେ ଚିତ୍କାର ଶୁଣିବାକୁ ମିଳିଥିଲା। ସୂଚନା ପାଇ ପୁଲିସ ଘଟଣା ସ୍ଥଳରେ ପହଞ୍ଚି ଗ୍ରାମବାସୀଙ୍କ ସାହାଯ୍ୟରେ ଭଗ୍ନାବଶେଷକୁ ହଟେଇ ଥିଲା ଏବଂ ସେଥିରେ ଚାପି ହୋଇ ରହିଥିବା ଲୋକଙ୍କୁ ବାହାର କରି ହସ୍ପିଟାଲରେ ପହଞ୍ଚାଇ ଥିଲା।
ସୂଚନା ଆଧାରରେ ବର୍ଷା ହେଉଥିବା ବେଳେ ବିରୟାମପୁର ଠାରେ ଥିବା ଏକ ଘରର ଲିଣ୍ଟେଲ ଭୁଶୁଡ଼ି ପଡ଼ିଥିଲା। ଏହାର ଭଗ୍ନାବଶେଷରେ ଚାପି ହୋଇ ୪୦ ବର୍ଷିୟା ନେହା, ୩୪ ବର୍ଷିୟା ପ୍ରୀତି ଓ ୨୮ ବର୍ଷିୟା ଅନୁପମ ଯାଦବଙ୍କ ମୃତ୍ୟୁ ହୋଇଛି। ୬୦ କୌଶଳେନ୍ଦ୍ର ଯାଦବ (ଜଣେ ଅବସରପ୍ରାପ୍ତ ସୈନିକ) ଆହତ ହୋଇଛନ୍ତି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାର ସୂଚନା ପାଇ ପ୍ରଶାସନିକ ଅଧିକାରୀ ଘଟଣା ସ୍ଥଳରେ ପହଞ୍ଚି ଥିଲେ। ଦୁଇ ମହଲାର ପକ୍କା ଘର ୧୦ ବର୍ଷ ପୂର୍ବେ ନିର୍ମିତ ହୋଇଥିଲା। ପୁଲିସ ମୃତକ ମହିଳାଙ୍କ ମୃତଦେହକୁ ପୋଷ୍ଟମର୍ଟମ କରାଇଛି।
