ନୂଆଦିଲ୍ଲୀ,୧୩/୦୯ : ଗତ କିଛି ମାସ ଧରି କୌଣସି ନା କୌଣସି ସ୍ଥାନରେ ଭୂକମ୍ପ ଖବର ସାମ୍ନାକୁ ଆସୁଛି । ଫଳରେ ଅନେକ ଧନଜୀବନ ନଷ୍ଟ ହେଉଥିବା ବେଳେ ଆତଙ୍କିତ ଅବସ୍ଥାରେ ଅଛନ୍ତି ଲୋକେ । ଏହାରି ମଧ୍ୟରେ ଗତକାଲି ଦକ୍ଷିଣ କାଲିଫର୍ନିଆର ଲସ୍ ଆଞ୍ଜେଲସ ସହରରେ ଭୂକମ୍ପ ଅନୁଭୂତ ହୋଇଛି । ଯାହାର ତୀବ୍ରତା ୪.୭ ରେକର୍ଡ କରାଯାଇଛିଷ ଆମେରିକାର ଭୂତତ୍ତ୍ବବିତ୍ତ୍ମାନେ ଏହି ଭୂକମ୍ପର କେନ୍ଦ୍ରସ୍ଥଳ ମାଲିବୁ ସହରଠାରୁ ୪ କିଲୋମିଟର ଦୂରରେ ଏବଂ ପ୍ରାୟ ୭ ମାଇଲ ଗଭୀର ଥିବା ସୂଚନା ଦେଇଛନ୍ତି । 

ତେବେ ଏହି ଭୂକମ୍ପ ଏତେ ଶକ୍ତିଶାଳୀ ଥିଲା ଯେ ଅରେଞ୍ଜେ କାଉଣ୍ଟିରେ ୪୫ମାଇଲ ଦୂରରେ ଏହା ଅନୁଭୂତ ହୋଇଥିଲା । ହେଲେ ଭୂକମ୍ପ ଯୋଗୁଁ ଜୀବନହାନୀ ହେବାର କୌଣସି ଖବର ମିଳିନି । କିନ୍ତୁ ରାସ୍ତାରେ ବଡ ବଡ ପଥର ପଡିଥିବାରୁ ୟାତାୟତ ବାଧାପ୍ରାପ୍ତ ହୋଇଛି । ଯାହାକୁ ନେଇ ହଲିଉଡର ପ୍ରସିଦ୍ଧ ସେଲିବ୍ରିଟିମାନେ ମଧ୍ୟ ଟୁଇଟ୍ କରି ନିଜର ପ୍ରତିକ୍ରିୟା ପ୍ରକାଶ କରିଛନ୍ତି । ସେପଟେ କାଲିଫର୍ନିଆ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିର ବିଶେଷଜ୍ଞ କହିଛନ୍ତି ଯେ, କାଲିଫର୍ନିଆରେ ହୋଇତିବା ଭୂକମ୍ପ ଯୋଗୁଁ ଲୋକଙ୍କ ଘର ଥରି ଉଠିଥିଲା । ଏହାକୁ ନେଇ ଭୂବିଜ୍ଞାନୀମାନେ ପଡିଆକୁ ଯାଇ ଭୂକମ୍ପରେ ହୋଇଥିବା କ୍ଷୟକ୍ଷତିର ସରଭେ କରିଥିଲେ ମଧ୍ୟ ଭୂକମ୍ପରେ କୌଣସି ବଡ କ୍ଷୟକ୍ଷତି ହୋଇନଥିବା ସୂଚନା ମିଳିଛି।