ନୀଳଗିରି,୨୦/୩ : କୂଳଡିହା ସୀମାନ୍ତ ଗାଁରେ ଦେଶୀ ବନ୍ଧୁକ କାରଖାନା ଠାବ ହୋଇଛି । ମଙ୍ଗଳବାର ମଧ୍ୟ ରାତ୍ରରେ ନୀଳଗିରି ପୋଲିସ ସହିତ ବନବିଭାଗ ଚଢ଼ାଉ କରି ୪ଟି ବନ୍ଧୁକ ସହ ଗୋଳାବାରୁଦ ଓ ତିଆରି ସାମଗ୍ରୀ ଜବତ କରିଥିବା ବେଳେ ଜଣେ ବ୍ୟକ୍ତିଙ୍କୁ ଗିରଫ କରିଥିବା ଜଣାପଡିଛି। ଗିରଫ ଅଭିଯୁକ୍ତ ଜଣକ ହେଲେ ଜଗବନ୍ଧୁ ସିଂ।
ଗତକାଲି ଦୁଇଜଣ ସବୁଜବାହିନୀ ଶିକାରୀ ଗୁଳିରେ ଗୁରୁତର ପରେ ଚେଇଁ ଉଠିଛି କୂଳଡିହା ବନବିଭାଗ। ଗତକାଲି ରାତ୍ରରେ ଡିଏଫଓ ଖୁସମନ୍ତ ସିଂହ ନୀଳଗିରି ପୋଲିସ ସହାୟତାରେ କାଣ୍ଡଗରଡ଼ିହି ପଂଚାୟତ ମଲ୍ଲିବଣିଆ ଗାଁରେ ଚଢ଼ାଉ କରିଥିଲେ।। ୪ଟି ବନ୍ଧୁକ ସହ ଗୋଳାବାରୁଦ ଓ ବନ୍ଧୁକ ତିଆରି ସାମଗ୍ରୀ ଜବତ ହୋଇଥିବା ବେଳେ କାରଖାନା ମାଲିକ ଙ୍କୁ ଗିରଫ କରିଛି।ଗିରଫ ହେଲେ ଜଗବନ୍ଧୁ ସିଂ। ନୀଳଗିରି ଏସଡିପିଓ ଶରତ କୁମାର ଉପାଧ୍ୟାୟ ଓ ଆଇଆଇସି ଗୋପାଳ କର୍ଣ୍ଣ ଅଧିକ ତଦନ୍ତ କରୁଥିବା ଜଣାପଡିଛି।