ଖୁଣ୍ଟା,୨୭।୪: ମୟୂରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟରେ ଦିନକୁ ଦିନ ଶିକାରୀଙ୍କ ପ୍ରାଦୁର୍ଭାବ ବଢ଼ିବାରେ ଲାଗିଥିବା ବେଳେ ବନ୍ଯଜନ୍ତୁ ଙ୍କ ଶିକାର ବଢ଼ି ଚାଲିଛି। ସେହିପରି ଶୁକ୍ରବାର ବନ୍ୟଜନ୍ତୁ ଶିକାର ରେ ଯାଇଥିବା ୪ ଜଣ ଶିକାରୀଙ୍କୁ ବନ ବିଭାଗ ଗିରଫ କରି ଆଜି କୋର୍ଟ ଚାଲାଣ କରିଥିବା ଜଣାପଡିଛି। ଗିରଫ ଶିକାରୀ ମାନେ ହେଲେ ଉଦଳା ଥାନା ଅନ୍ତର୍ଗତ ବଡଖୋମଣ ଗ୍ରାମର ଟୁକୁନା ସିଂ (୨୨),ସୁନାରାମ ସିଂ (୩୦),ମିଠା ସିଂ (୬୦) ଏବଂ ଉଦଳା ଥାନା ଅଧୀନ ଗଧିମରା ଗ୍ରାମର ହେମେନ୍ଦ୍ର ମୁର୍ମୁ (୨୦)।  ଗିରଫ କରାଯାଇଥିବା ବେଳେ ସେମାନଙ୍କ ନିକଟରୁ ଗୁଳି ଭର୍ତ୍ତି ଦୁଇଟି ବନ୍ଧୁକ ଜବତ କରିବା ସହିତ ଆଇରନ ବଲ,ବାରୁଦ ଭଳି ବିଭିନ୍ନ ପ୍ରକାର ବ୍ୟବହୃତ ସାମଗ୍ରୀ ଜବତ କରାଯାଇଛି।

ଡୁକୁରା ଓ୍ବାଲ୍ଡଲାଇଫ୍ ରେଞ୍ଜ ଅନ୍ତର୍ଗତ ତାଳଡିହା ସେକସନ୍ ଅଧିନ ଶିମିଳିପାଳ ଅଭୟାରଣ୍ୟ ମଧ୍ୟକୁ ବନ୍ଯଜନ୍ତୁ ଶିକାର ଉଦ୍ଦେଶ୍ୟରେ କେତେକ ଶିକାରୀ ପ୍ରବେଶ କରି ଶିକାର ପାଇଁ ପ୍ରସ୍ତୁତି ଚଳାଇଥିଲେ।  ତାଳଡିହା ବିଟ୍ ସ୍ଥିତ ଅଭୟାରଣ୍ୟ ର ମ୍ପାଟମେଣ୍ଟ ଈଡି -୧୩ ନିକଟରେ ଶିକାରୀ ମାନଙ୍କ ସହ ପାଟ୍ରୋଲିଂରେ ଥିବା ବନ କର୍ମଚାରୀଙ୍କ ମୁହାଁମୁହିଁ ହୋଇଥିଲା। ପରେ ବନ କର୍ମଚାରୀ ମାନେ ୪ଜଣ ଶିକାରୀଙ୍କୁ କାବୁ କରିବାରେ ସକ୍ଷମ ହୋଇଥିବା ବେଳେ ବାକି ଶିକାରୀ ଖସି ଯାଇଥିଲେ। ଗିରଫ ଶିକାରୀ ମାନଙ୍କ ନିକଟରୁ ଦୁଇଟି ଗୁଳି ଭର୍ତ୍ତି ବନ୍ଧୁକ ସହ ଶିକାର ରେ ବ୍ୟବହୃତ ସରଞ୍ଜାମ ଜବତ୍ କରି ଡୁକୁରା ଓ୍ବାଲ୍ଡଲାଇଫ୍ ରେଞ୍ଜ କାର୍ଯ୍ୟାଳୟ କୁ ଅଣାଯାଇ ତଦନ୍ତ କରାଯାଇଥିଲା।