ନୂଆଦିଲ୍ଲୀ, ୦୨/୦୯: ଟେକ୍ନୋଲୋଜି କ୍ଷେତ୍ରରେ ବିପ୍ଲବ ଆଣିଥିବା ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ବିଭିନ୍ନ କ୍ଷେତ୍ରରେ ତାର ଦବଦବା ଜାହିର୍ କରୁଛି । ବିଶେଷକରି ମଣିଷ ଯେଉଁ କାମ କରିବାକୁ ଘଣ୍ଟା ଘଣ୍ଟା ନେଉଛି, ସେହି କାମକୁ ଏଆଇ ମାତ୍ର କେଇ ସେକେଣ୍ଡରେ ସମ୍ପାଦନ କରି ପାରୁଛି । 

ଆଉ ଏବେ ଏଆଇ ବିଶ୍ୱ ଚାମ୍ପିଅନ୍ ହୋଇଥିବା ତିନି ତିନି ଜଣ ଡ୍ରୋନ୍ ପାଇଲଟଙ୍କୁ ହରାଇ ଦେଇଛନ୍ତି । ନିକଟରେ ପ୍ରଥମଥର ପାଇଁ ସ୍ପିଡ୍ ରେସିଂ ପ୍ରତିଯୋଗିତାରେ ମନ୍ୟୁଷ ଦ୍ୱାରା ପିରଚାଳିତ ଡ୍ରୋନକୁ ହରାଇଛି ଏଆଇ ଦ୍ୱାରା ପରିଚାଳିତ ଡ୍ରୋନ୍ ।

ମଣିପୁରରେ ଔଷଧ ଓ ରାସନ ସାମଗ୍ରୀର ଅଭାବ, ଆକାଶ ମାର୍ଗରୁ ଜରୁରୀ ସାମଗ୍ରୀ ପକାଇବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ

ଦ ଗାର୍ଡିଆନରେ ପ୍ରକାଶିତ ରିପୋର୍ଟ ଅନୁସାରେ, ଜୁରିଚ୍ ବିଶ୍ୱବିଦ୍ୟାଳୟର ଗବେଷଣାକାରୀ ବିକଶିତ କରିଥିବା ଏଆଇ ସ୍ୱିଫ୍ଟ ବିଶ୍ୱ ଚାମ୍ପିଅନଙ୍କ ଠାରୁ ୨୫ଟି ରେସରୁ ୧୫ଟିରେ ବିଜୟୀ ହୋଇଛି । ଆଉ ଗୋଟିଏ ରେସରେ ଏଆଇ ପରିଚାଳିତ ଡ୍ରୋନର ଗତି ଘଣ୍ଟାପ୍ରତି ୮୦ କିଲୋମିଟର ରେକର୍ଡ କରାଯାଇଛି । 

ଏଆଇ୍ ସ୍ୱିଫ୍ଟକୁ ବିକଶିତ କରିଥିବା ଗବେଷଣାକାରୀ କହିଛନ୍ତି, ପ୍ରଥମଥର ଲାଗି ଏଆଇ ପରିଚାଳିତ ଡ୍ରୋନ୍ ଚାମ୍ପିଅନ୍ ହୋଇଥିବା ମଣିଷକୁ ହରାଇଛି । ପ୍ରତିଯୋଗିତା ପୂର୍ବରୁ ୩ ଜଣ ପାଇଲଟ୍ ଗୋଟିଏ ସପ୍ତାହ ଧରି ଅଭ୍ୟାସ୍ କରିଥିଲେ । ଯେତେବେଳେ କି ଏଆଇ ସ୍ୱିଫ୍ଟ ସିମୁଲେଟର ମାଧ୍ୟମରେ ଡ୍ରୋନ୍ ଉଡ଼ାଇବା ପ୍ରଶିକ୍ଷଣ ନେଇ ବିଶ୍ୱ ଚାମ୍ପିଅନ୍ ଡ୍ରୋନ୍ ପାଇଲଟଙ୍କୁ ଚ୍ୟାଲେଞ୍ଜ ଦେଇଛି । 

ସୂର୍ଯ୍ୟ ଅଭିମୁଖେ ଇସ୍ରୋର ଆଦିତ୍ୟ ଏଲ-୧, ଲକ୍ଷ୍ୟ ସ୍ଥଳରେ ପହଞ୍ଚିବାକୁ ଲାଗିବ ୧୨୫ ଦିନ

ସ୍ୱିଫ୍ଟରେ ଡିପ୍ ରିଇନଫୋର୍ସମେଣ୍ଟ ଟେକନିକର ବ୍ୟବହାର କରାଯାଇଛି । ଟ୍ରେନିଂ ସମୟରେ ଏଆଇ ପରିଚାଳିତ ଡ୍ରୋନ୍ ବାରମ୍ବାର କ୍ରାସ୍ ହୋଇଥିଲା । ଏବେ ବିଶ୍ୱ ଚାମ୍ପିଅନ୍ ଡ୍ରୋନ୍ ପାଇଲଟଙ୍କୁ ଟକ୍କର ଦେବାରେ ସକ୍ଷମ ହୋଇଛି ।

ନିକଟରେ ହୋଇଥିବା ରେସରେ ସ୍ୱିଫ୍ଟ ସହ ୩ ଜଣ ଚାମ୍ପିଅନ୍ ଡ୍ରୋନ୍ ପାଇଲଟ୍ ଥୋମାସ ବିଟମଟ୍ଟା, ମାର୍ଭିନ୍ ସ୍ଚାପର ଏବଂ ଆଲେକ୍ସ ଭାନୋଭର ସାମିଲ୍ ହୋଇଥିଲେ ।