ନୟାଗଡ଼ ୨୭/୦୧ : ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ବାଣିଗୋଛା ଥାନା ଶାଳଭଙ୍ଗା ନିକଟରେ ମର୍ମନ୍ତୁଦ ଦୁର୍ଘଟଣା। ପିକନିକ୍ ବସ୍କୁ ଧକ୍କା ଦେଲା ଟ୍ରକ୍। ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ୭ରୁ ଅଧିକ ଯାତ୍ରୀ ଗୁରୁତର ହୋଇଛନ୍ତି। ସମସ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ନୟାଗଡ଼ ଦଶପଲ୍ଲୀ ସହର ବାରପୁରୁକିଆରେ ଥିବା ଦେବିସ୍ ଟ୍ୟାଲେଣ୍ଟ ଟୁଟୋରିଆଲ୍ସରେ ଷଷ୍ଠରୁ ଦଶମ ଶ୍ରେଣୀ ପର୍ଯ୍ୟନ୍ତ ପିଲା ହଷ୍ଟେଲରେ ରହି ପାଠ ପଢିଥାନ୍ତି । ଏହି ସେଣ୍ଟରର ୬୦ରୁ ଅଧିକ ଛାତ୍ରଛାତ୍ରୀ ଏବଂ ଶିକ୍ଷକ-ଶିକ୍ଷୟତ୍ରୀ ମିଶି ହରିଶଙ୍କର ବୁଲିବାକୁ ଯାଉଥିଲେ ।
ଶୁକ୍ରବାର ରାତିରେ ୧୦ଟାରେ ସମସ୍ତେ ଦଶପଲ୍ଲୀ ଛାଡିଥିଲେ ।ମାତ୍ର ୧୫ କିମି ରାସ୍ତା ଯିବା ପରେ ଶୀକାର ଘଟିଥିଲା ଦୁର୍ଘଟଣା ।ସାମ୍ନାପଟୁ ଆସୁଥିବା ଏକ ଟ୍ରକଟି ବସକୁ ସାମ୍ନା ପଟୁ ଧକ୍କା ଦେଇଥିଲେ । ଯାହାଫଳରେ ବସ୍ଟି କିଛି ବାଟ ଘୋଷାଡି ନେଇଥିଲେ ଟ୍ରକ । ତେବେ ଏହି ଦୁର୍ଘଟଣାରେ ଦୁଇ ଜଣ ଛାତ୍ରୀଙ୍କ ମୃତ୍ୟୁ ହୋଇଥିବା ବାକି ଅନ୍ୟ ସମସ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଉଥିଲା। ନୟାଗଡ଼ ମେଡିକାଲରେ ଆଉ ଜଣେ ଛାତ୍ରୀଙ୍କର ମୃତ୍ୟୁ ହୋଇଛି। ବାକି ଅନ୍ୟ ସମସ୍ତ ଗୁରୁତରଙ୍କ ଚିକିତ୍ସା ଜାରି ରହିଛି ।
ମୃତକ ୩ ଛାତ୍ରୀ ହେଲେ ଟାକେରାର ଅମିତା ସାହୁ , ଟାଙ୍ଗିଆପଲ୍ଲିର ଚିନ୍ମୟୀ ପ୍ରିୟଦର୍ଶିନୀ ଏବଂ କନ୍ଧମାଳ ଜିଲ୍ଲା ଖଜୁରୀପଡ଼ା ଅଞ୍ଚଳର ଲୋପାମୁଦ୍ରା ପ୍ରଧାନ ବୋଲି ଜଣାପଡିଛି । ଉଭୟ ବସ୍ ଏବଂ ଟ୍ରକର ଡ୍ରାଇଭରଙ୍କୁ ଅଟକ ରଖି ତଦନ୍ତ କରୁଛି ପୋଲିସ । ସେପଟେ ନୟାଗଡ଼ ଆର୍ଟିଓ ଘଟଣାସ୍ଥଳରେ ଛାନ୍ଭିନ୍ ଜାରି ରଖିଛନ୍ତି । ଦୁଇଟି ଗାଡିର ଡ୍ରାଇଭର ନିଶା ସେବନ କରିଥିବା ପ୍ରତ୍ୟକ୍ଷଦର୍ଶୀ ଅଭିଯୋଗ କରିଛନ୍ତି ।
