ପ୍ରମୂଖ ଖବର
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ଭାରତକୁ ମିଳିଲା ପ୍ରଥମ ସି-୨୯୫ ଟ୍ରାନ୍ସପୋର୍ଟ ବିମାନ

ନୂଆଦିଲ୍ଲୀ, ୧୩/୦୯: ବୁଧବାର ୟୁରୋପିଆନ୍ କମ୍ପାନୀ ଏୟାରବସ୍ ଡିଫେନ୍ସ ଆଡ୍ ସ୍ପେସ୍ ଭାରତକୁ ପ୍ରଥମ ସି-୨୯୫ ଟ୍ରାକ୍ଟିକଲ୍ ମିଲିଟ୍ରି ଏୟାର ଲିଫ୍ଟ ପ୍ଲେନ୍ ହସ୍ତାନ୍ତର କରିଛି । ବାୟୁସେନା ମୁଖ୍ୟ ମାର୍ଶଲ ବିଆର୍ ଚୌଧୁରୀ ସ୍ପେନରୁ ଏହି ଟ୍ରାନ୍ସପୋର୍ଟ ବିମାନକୁ ଗ୍ରହଣ କରିଛନ୍ତି ।

ଖୁବଶୀଘ୍ର ଏହି ଟ୍ରାନ୍ସପୋର୍ଟ ବିମାନକୁ ଭାରତ ଅଣାଯିବ । ରିପୋର୍ଟ ଅନୁସାରେ, ଭାରତୀୟ ବାୟୁସେନାରେ ଏହି ବିମାନକୁ ହିଣ୍ଡନ ଏୟାରବେସରେ ଚଳିତ ମାସରେ ସାମିଲ୍ କରାଯିବ । ଅନ୍ୟ ବିମାନ ୨୦୨ ମେ ସୁଦ୍ଧା ଭାରତ ଆସିବ ।

ଅଧରାତିରେ ଶୋଇଥିବା ବେଳେ ୯ ମହଲା କୋଠାରେ ଅଗ୍ନିକାଣ୍ଡ, ୫୦ ଜଣଙ୍କ ମୃତ୍ୟୁ

ସି-୨୯୫ ଟ୍ରାନ୍ସପୋର୍ଟ ବିମାନର ମୁତୟନ ଆଗ୍ରା ଏୟାରବେସରେ କରାଯିବ । ସେଠାରେ ଆସନ୍ତାବର୍ଷ ସୁଦ୍ଧା ପାଇଲଟ୍ ଟ୍ରେନିଂ ସେଣ୍ଟର ପ୍ରସ୍ତୁତ ହୋଇଯିବ । ୨୦୨୧ ସେପ୍ଟେମ୍ବରରେ ଭାରତ ସି-୨୯୫ ଟ୍ରାନ୍ସପୋର୍ଟ ଏୟାରକ୍ରାଫ୍ଟ ଲାଗି ଆଡସ୍ପେସ୍ ସହିତ ୨୧ ହଜାର କୋଟିର ଡିଲ୍ କରିଥିଲା । ଯେଉଁଥିରେ ୫୬ଟି ବିମାନ ନେଇ ବୁଝାମଣା ହୋଇଥିଲା ।

ଚୁକ୍ତି ଅନୁସାରେ, ୧୬ଟି ବିମାନ ସ୍ପେନରୁ ଉଡ଼ାଣ କରି ଭାରତ ଆସିବେ । ବଳକା ୪୦ ବିମାନ ଗୁଜରାଟର ଭଦୋଦରାରେ ଟାଟା ଆଡଭାନ୍ସ ସିଷ୍ଟମ କମ୍ପାନୀ ନିର୍ମାଣ କରିବ । ୨୦୨୪ରେ ଟାଟା ଆଡଭାନ୍ସ ଭଦୋଦରାରେ ସି-୨୯୫ ବିମାନର ନିର୍ମାଣ ଆରମ୍ଭ କରିବ । ପ୍ରଥମ ସ୍ୱଦେଶୀ ସି-୨୯୫ ବିମାନ ୨୦୨୬ ସୁଦ୍ଧା ନିର୍ମାଣ ଲକ୍ଷ୍ୟ ରଖା ଯାଇଛି । 

ମେକ୍ସିକୋ ସଂସଦରେ ଦୁଇଟି ଏଲିଅନ୍‌ ପ୍ରଦର୍ଶନକୁ ନେଇ ଚର୍ଚ୍ଚା, ମଣିଷ ପରି ଚେହେରା, ହାତରେ ରହିଛି ୩ଟି ଲେଖାଏଁ ଆଙ୍ଗୁଳି

ଚୂଡ଼ାନ୍ତ ନିର୍ମାଣ ପାଇଁ ଏୟାରବସ୍ ଓ ଟାଟାର ହାଇଦ୍ରାବାଦ ଏବଂ ନାଗପୁର କାରଖାନାରେ ୧୪ ହଜାରରୁ ଅଧିକ ସ୍ୱଦେଶୀ ପାର୍ଟ୍ସ ନିର୍ମାଣ କରାଯାଇ ଭଦୋଦରା ପଠାଇବ । ୨୦୩୧ ସୁଦ୍ଧା ବାୟୁସେନାକୁ ସମସ୍ତ ୪୦ଟି ସି-୨୯୫ ବିମାନ ପ୍ରଦାନ ଲକ୍ଷ୍ୟ ରଖା ଯାଇଛି । 

ବାୟୁସେନା ବ୍ୟତୀତ ନୌସେନା ଓ କୋଷ୍ଟଗାର୍ଡ ମଧ୍ୟ ୧୫ରୁ ୧୬ଟି ବିମାନ କିଣିପାରନ୍ତି । ଏବେ ଏହାକୁ ନେଇ ଆଲୋଚନା ଚାଲିଛି । ନୌସେନା ଲାଗି ୧୦ଟି ବିମାନ ଓ କୋଷ୍ଟଗାର୍ଡ ଲାଗି ୬ଟି ବିମାନ ଅଣାଯାଇ ପାରେ । ବିଏସଏଫ୍ ମଧ୍ୟ ଏହି ବିମାନ କିଣିବା ଲାଗି ପ୍ରସ୍ତୁତି ଆରମ୍ଭ କରିଛି । 

ଉଜ୍ବଳା ଯୋଜନାକୁ ନେଇ ସରକାରଙ୍କ ବଡ ଘୋଷଣା, ଆଗାମୀ ୩ ବର୍ଷରେ ୭୫ ଲକ୍ଷ ମାଗଣା କନେକସନ ଦେବେ ସରକାର...

ସି-୨୯୫ର ସ୍ୱତନ୍ତ୍ରତା

ଏହି ବିମାନ ସ୍ୱଳ୍ପ ସମୟରେ ଉଡ଼ାଣ ଓ ଅବତରଣ କରି ପାରିବ । କମ୍ପାନୀ ଅନୁସାରେ, ଏହା ୩୨୦ ମିଟର ଦୂରରୁ ଉଡ଼ାଣ କରିବ ଏବଂ ଲ୍ୟାଣ୍ଡିଂ ପାଇଁ ୬୭୦ ମିଟର ଲମ୍ବ ଯଥେଷ୍ଟ । ଅର୍ଥାତ୍ ଲଦାଖ, କାଶ୍ମୀର, ସିକ୍କିମ୍ ଭଳି ପର୍ବତାଞ୍ଚଳରେ ଅପରେସନ୍ ଲାଗି ଏହି ବିମାନ ସହାୟକ ହେବ । 

ଗୋଟିଏ ଥରରେ ୭୧ ସୈନିକ, ୪୪ ପାରାଟ୍ରୁପ୍ସ, ୨୪ ଷ୍ଟ୍ରେଚର ନେଇ ପାରିବ । ଏହି ବିମାନ ଲଗାତାର୧୧ ଘଣ୍ଟା ଧରି ଉଡ଼ାଣ ଭରି ପାରିବ । ଏହି ବିମାନର ପଛ ଭାଗରେ ରାମ୍ପ ଡୋର୍ ରହିଛି । ବାୟୁସେନାର ଏୟରୋ ଟ୍ରାନ୍ସପୋର୍ଟ ସ୍ଥାନରେ ସି-୨୯୫କୁ ସାମିଲ୍ କରାଯିବ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.