ନୂଆଦିଲ୍ଲୀ,୧୧/୦୯: ପାୱାର ପଏଣ୍ଟର ସହ ସ୍ରଷ୍ଟା  ତଥା ପ୍ରମୁଖ ଡେଭଲପର ଡେନିସ ଅଷ୍ଟିନଙ୍କର ଲସ୍‌  ଆଲତୋସ, କାଲିଫର୍ନିଆସ୍ଥିତ ବାସଭବନରେ ୭୬ ବର୍ଷ  ବୟସରେ ପରଲୋକ ଘଟିଛି ।  ସେ କ୍ୟାନସରରେ ପୀଡିତ  ଥିଲେ । ବିଭିନ୍ନ ବିଶ୍ୱବିଦ୍ୟାଳୟରୁ  ଇଞ୍ଜିନିୟରିଂରେ ସେ ଡିଗ୍ରୀ ହାସଲ କରିଥିଲେ । 

ସଫ୍ଟୱେର ଡେଭଲପର ଭାବେ କାମ କରିବା ଆଗରୁ ଏମ୍‌ଆଇଟି, ୟୁସି  ସାନ୍ତା ବାର୍ବାରା ଭଳି ପ୍ରମୁଖ ବିଶ୍ୱବିଦ୍ୟାଳୟରେ ସେ ଶିକ୍ଷାଲାଭ କରିଥିଲେ । ଫୋରଥଟ ନାମକ ସଫ୍ଟୱେର କମ୍ପାନିରେ ସେ  ଯୋଗ ଦେବା ସହ ପାୱାର ପଏଣ୍ଟ ବିକାଶର ପ୍ରମୁଖ ପୁରୋଧା  ଥିଲେ । ୧୯୮୭ରେ ଏହି କମ୍ପାନି ପାୱାରପଏଣ୍ଟ ସଫ୍ଟୱେର  ବିକଶିତ କରିଥିଲା । ଯାହାକୁ ପରବର୍ତ୍ତୀ ପର୍ଯ୍ୟାୟରେ ମାଇକ୍ରୋସଫ୍ଟ  କ୍ରୟ କରିନେଇଥିଲା । ଡେଭଲପର ଭାବେ ସେ ୧୯୮୫ରୁ  ୧୯୯୬ ଯାଏ କାମ କରିଥିଲେ । ମାଇକ୍ରସଫ୍ଟ ଅଫିସ ଟୁଲରେ  ପାୱାର ପଏଣ୍ଟ ଏକ ବହୁଳ ବ୍ୟବହାର କରାଯାଇଥାଏ ।