ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

ଜସପ୍ରୀତ ବୁମରାଙ୍କ ଘାତକ ବୋଲିଂ, ପ୍ରଥମ ପାଳିରେ ୨୫୩ ରନ୍‌ରେ ଅଟକିଲା ଇଂଲଣ୍ଡ

Image Courtesy: abplive

ବିଶାଖାପଟନମ: ବିଶାଖାପାଟନମ୍‌ରେ ଖେଳାଯାଉଥିବା ଦ୍ଵିତୀୟ ଟେଷ୍ଟରେ ଭାରତୀୟ ଟିମ ମଜବୁତ ସ୍ଥିତିରେ ରହିଛି । ଯଶସ୍ଵୀ ଜୟସ୍ଵାଲଙ୍କ ଦମଦାର ଦ୍ଵିଶତକ ପରେ ଯଶପ୍ରୀତ ବୁମରାଙ୍କ ଦମଦାର ବୋଲିଂ ଇଂଲଣ୍ଡ ଲାଗି ଘାତକ ସାବ୍ୟସ୍ତ ହୋଇଛି ।  ଦ୍ଵିତୀୟ ପାଳିରେ  ଇଂଲଣ୍ଟ ଟିମ୍‌ ୨୫୩ ରନ୍‌ରେ ଅଲଆଉଟ୍‌ ହୋଇଛି । ଭାରତର ପ୍ରଥମ ଇନିଂସ ୩୯୬ ରନ ଜବାବରେ  ଇଂଲଣ୍ଡ ୨୫୩ ରନରେ ଅଟିକି ଯାଇଛି । ଏଥିସହ ଭାରତ ୧୪୩ ରନର ଅଗ୍ରଣୀ ହାସଲ କରିଛି । ଦଳ ପକ୍ଷରୁ ଜ୍ୟାକ କ୍ରାଉଲି ଏକମାତ୍ର ବ୍ୟାଟର ଭାବେ ଅର୍ଦ୍ଧଶତକ ହାସଲ କରିବା ସହ ୭୬ ରନ କରିଛନ୍ତି । ଅଧିନାୟକ ବେନ ଷ୍ଟୋକ୍ସ ୪୭ ରନ କରିଛନ୍ତି । ଭାରତ ପକ୍ଷରୁ ଯଶପ୍ରୀତ ବୁମରା ୬ ଓ କୁଲଦୀପ ଯାଦବ ୩ ଓ୍ଵିକେଟ୍ ନେଇଛନ୍ତି । ଏହା ସହ ଅକ୍ସର ପଟେଲ ଗୋଟିଏ ଓ୍ବିକେଟ ଅକ୍ତିଆର କରିଛନ୍ତି ।

ଆଜି ଭାରତ ୩୯୬ ରନରେ ଅଲଆଉଟ୍ ହେବା ପରେ ଇଂଲଣ୍ଡ ପ୍ରଥମ ଇନିଂସ ଆରମ୍ଭ କରିଥିଲା । ଦୁଇ ଓପନର ଜ୍ୟାକ କ୍ରାଉଲି ଓ ବେନ ଡକେଟ୍ ଦିନିକିଆ ଶୈଳୀରେ ବ୍ୟାଟିଂ କରି ୫୯ ରନ ଯୋଡ଼ିଥିଲେ । ବେନ ଡକେଟ୍(୨୧)ଙ୍କୁ ଆଉଟ୍ କରି କୁଲଦୀପ ଯାଦବ ଭାରତକୁ ପ୍ରଥମ ସଫଳତା ଦେଇଥିଲେ । ଅନ୍ୟପଟେ ଜ୍ୟାକ କ୍ରାଉଲି ଦ୍ରୁତ ବ୍ୟାଟିଂ କରି ଅର୍ଦ୍ଧଶତକ ହାସଲ କରିଥିଲେ। ସେ ଓଲି ପପ୍ ଦ୍ଵିତୀୟ ଓ୍ଵିକେଟ୍ ପାଇଁ ୫୫ ରନ ଯୋଡ଼ିଥିଲେ । କ୍ରାଉଲି ୭୮ ବଲରୁ ୧୧ ଚୌକା ଓ ୨ ଛକା ସହ ୭୬ ରନ କରି ଅକ୍ଷର ପଟେଲଙ୍କ ବଲରେ ଆଉଟ୍ ହୋଇଥିଲେ । ଏହା ପରେ ଇଂଲଣ୍ଡ ନିୟମିତ ବ୍ୟବଧାନରେ ଓ୍ଵିକେଟ୍ ହରାଇଥିଲା । ବୁମରା ଶାଣିତ ବୋଲିଂ କରି ଇଂଲଣ୍ଡର ବ୍ୟାଟିଂକୁ ବିପର୍ଯ୍ୟସ୍ତ କରିପକାଇଥିଲେ । 

୧୫୯ ରନରେ ଇଂଲଣ୍ଡ ଅଧା ଓ୍ଵିକେଟ୍ ହରାଇଥିଲା । ବେନ ଫୋକ୍ସ(୬) ଓ ରେହାନ ଅହମ୍ମଦ(୬)ଙ୍କୁ କୁଲଦୀପ ଯାଦବ ପାଭିଲିୟନ ପଠାଇଥିଲେ । ଅଧିନାୟକ ବେନ ଷ୍ଟୋକ୍ସ କ୍ରିଜରେ ସଂଘର୍ଷ କରି ୪୭ ରନ କରି ବୁମରାଙ୍କ ବଲରେ ଆଉଟ୍ ହୋଇଥିଲେ। ନିମ୍ନକ୍ରମରେ ଟମ୍ ହାର୍ଟଲି(୨୧)ଙ୍କୁ ଆଉଟ୍ କରି ବୁମରା ନିଜର ପଞ୍ଚମ ସଫଳତା ହାସଲ କରିଥିଲେ । ଜେମ୍ସନ ଆଣ୍ଡରସନ(୬)ଙ୍କୁ ଆଉଟ୍ କରି ବୁମରା ଇଂଲଣ୍ଡର ପ୍ରଥମ ଇନିଂସକୁ ୨୫୩ ରନରେ ରୋକି ଦେଇଥିଲେ । ଭାରତ ପକ୍ଷରୁ ବୁମରା ୪୫ ରନ ଦେଇ ୬ଟି ସଫଳତା  ହାସଲ କରିଛନ୍ତି । କୁଲଦୀପ ଯାଦବ ୭୧ ରନ ଦେଇ ୩ ଓ ଅକ୍ଷର ପଟେଲ୍ ୨୪ ରନ ଦେଇ ଗୋଟିଏ ଓ୍ଵିକେଟ୍ ନେଇଛନ୍ତି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.