ମାଲେ : ମାଲଦୀପର ନିର୍ବାଚିତ ରାଷ୍ଟ୍ରପତି ମହମ୍ମଦ ମୁଇଜ୍ଜୁ ନିଜର ଆଉଟ୍‌-ଇଣ୍ଡିଆ ଅଭିଯାନର ଦମ୍‌ରେ ନିର୍ବାଚନ ଜିତିଛନ୍ତି। ସେପ୍ଟେମ୍ୱର ୨୦୨୩ର ରାଷ୍ଟ୍ରପତି ନିର୍ବାଚନରେ ନିଜର ଜିତାପଟ ପରେ , ମୁଇଜ୍ଜୁ ଭାରତୀୟ ସୈନକଙ୍କୁ ଦେଶରୁ ବାହାରକୁ ପଠାଇବାର ଶପଥ ନେଇ  , ନିଜର ଭାରତ ବିରୋଧୀ ବୟାନବାଜି  ଦୁଇଗୁଣା କରି ଦେଇଛନ୍ତି । ହେଲେ,  ସତ ଏହା କି ମାଲଦୀପରେ ଜଣେ ବି ଭାରତୀଯ ସୈନିକ ମୁତୟନ ହୋଇ ନାହାନ୍ତି । ଏହା ବ୍ୟତୀତ , ସଙ୍କଟ ସମୟରେ ସାହାଯ୍ୟ ପାଇଁ ମାଲଦୀପରେ ଭାରତୀୟ ବିମାନ ଗୁଡ଼ିକ ଦେଶରେ ଉଦ୍ଧାର ଓ ନିରୀକ୍ଷଣ ଅଭିଯାନର ନେତୃତ୍ୱ ନେଇଛନ୍ତି । ଆଉଟ୍‌-ଇଣ୍ଡିଆ ଅଭିଯାନ କେବଳ ଖାଲି ନିର୍ବାଚନୀ ବୟାନବାଜି ଏବଂ ମାଲଦୀପକୁ ଏଥିପାଇଁ ଆଉଟ୍‌-ଚାଇନା ଅଭିଯାନ ଚଲାଇବା ଉଚିତ୍‌ । 

ମାଲଦୀପକୁ ବିପଦରେ ପକାଉଛନ୍ତି ନୂଆ ରାଷ୍ଟ୍ରପତି ମହମ୍ମଦ ମୋଇଜ୍ଜୁ , ଭାରତୀୟ ସେନାକୁ ହଟେଇବା ଏତେ ସହଜ ନୁହେଁ

ମାଲଦୀପର ନବନିର୍ବାଚିତ ରାଷ୍ଟ୍ରପତି ମହମ୍ମଦ ମୁଇଜ୍ଜୁ , ନିଜ ବିଜୟର ଏକ ସପ୍ତାହ ଭିତରେ ଭାରତୀୟ ସୈନିକଙ୍କୁ ବାହାର କରିବାର କଥା କହି ଏକ ହଙ୍ଗାମା ସୃଷ୍ଟି କରିଦେଇଛନ୍ତି । ଗୋଟିଏ ପରେ ଗୋଟିଏ ଅନେକ ଇଣ୍ଟରଭ୍ୟୁରେ ମୁଇଜ୍ଜୁ ଖୋଲାଖୋଲି ଭାବେ କହିଛନ୍ତି କି , ଭାରତୀୟ ସୈନିକଙ୍କୁ ମାଲଦୀପରୁ ବାହାର କରିବାକୁ ହେବ। କିନ୍ତୁ ମାମଲାର ସତ ଏହା କି ମାଲଦୀପରେ କେହି ବି ଭାରତୀୟ ସୈନିକ ମୁତୟନ ନାହାନ୍ତି। ମୁଇଜ୍ଜୁଙ୍କର ଦାବି କେବଳ ଏକ ରାଜନୀତିକ ନାରା , ଯାହା ବାସ୍ତବିକ ଭାବେ ପ୍ରସଙ୍ଗ ବିହୀନ । 

ମାଲଦୀପରେ ଭାରତର କିଛି ଏଏଲଏଚ ହେଲିକପ୍ଟର ଓ ଏକ ଡୋର୍ନିୟର ବିମାନ ଅଛି , ଯାହାର ବ୍ୟବହାର ଚିକିତ୍ସା କ୍ଲିୟରାନ୍ସ , ମନିଟରିଂ  ଏୟାର ରେସ୍କର କାର୍ଯ୍ୟ ପାଇଁ କରାଯାଏ । ଏହି ଜିନିଷ ମାଲଦୀପ ସରକାର  ଓ ତାର ଲୋକଙ୍କ ସହାୟତା ପାଇଁ ମୁତୟନ କରାଯାଇଛି। ଏଠାରେ ଏହା ଜାଣିବା ଜରୁରୀ କି ମାଲଦୀପ ଜାତୀୟ ପ୍ରତିରକ୍ଷା ବାହୀନ (ଏମଏନଡିଏଫ) ଏହି ଭାରତୀୟ ହେଲିକପ୍ଟର ଗୁଡ଼ିକର ପରିଚାଳନା କରୁଛି। ଏସବୁ ମାଲଦୀପ ଧ୍ୱଜା ଅନୁସାରେ  ଉଡ଼ିଥାନ୍ତି , ଏବଂ ଡୋର୍ନିୟର ବିମାନ ଉପରେ ମଧ୍ୟ ଭାରତୀୟ ପତାକା ନାହିଁ । ଏବେ ଏହି ସବୁ ବିମାନକୁ ଭାରତୀୟ ସୈନିକ  ଭାବେ କହିବା କେବଳ ଭୁଲ୍‌ ବୟାନ ନୁହେଁ , ସଂପୂର୍ଣ୍ଣ ଭାବେ ମିଛ ମଧ୍ୟ ।