ରାଞ୍ଚି,୧୩/୦୨: ଜମି ଦୁର୍ନୀତି ମାମଲାରେ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଆବେଦନ ଉପରେ ସୋମବାର ରାଞ୍ଚି ହାଇକୋର୍ଟରେ ଶୁଣାଣି ହୋଇଥିଲା । ଅଦାଲତ  ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)କୁ ଥରକରେ ନିଜ ଯୁକ୍ତି ରଖିବା  ପାଇଁ କହିଥିଲେ । ମାମଲାର ପରବର୍ତ୍ତୀ ଶୁଣାଣି ଫେବ୍ରୁଆରୀ ୨୭ରେ ହେବ ।  

ସୋମବାର ରିମାଣ୍ଡ ଶେଷ ହେବା ପରେ ଇଡି ହେମନ୍ତଙ୍କୁ ହାଜର କରାଇଥିଲା । ଇଡି ଆଉ ୪  ଦିନ ରିମାଣ୍ଡ ମାଗିଥିଲା ।  କୋର୍ଟ ୩ ଦିନ ପାଇଁ ଅନୁମତି ଦେଇଛନ୍ତି । ବର୍ତ୍ତମାନ ହେମନ୍ତଙ୍କୁ ଇଡି ଫେବ୍ରୁଆରୀ ୧୫ ପର୍ଯ୍ୟନ୍ତ  ପଚରାଉଚରା କରିପାରିବ । ହାଇକୋର୍ଟରେ ହେମନ୍ତଙ୍କ ତରଫରୁ  ବରିଷ୍ଠ ସୁପ୍ରିମକୋର୍ଟ ଓକିଲ କପିଲ ସିବଲ, ଝାଡ଼ଖଣ୍ଡର  ମହାଧିବକ୍ତା (ଆଡ୍‌ଭୋକେଟ୍‌ ଜେନେରାଲ୍‌) ରାଜୀବ ରଞ୍ଜନ  ଏବଂ ଅଧିବକ୍ତା ପୀୟୂଷ ଚିତ୍ରେଶ ପକ୍ଷ ରଖିଥିଲେ । ଇଡି  କାର୍ଯ୍ୟାନୁଷ୍ଠାନକୁ ବିରୋଧ କରି ହେମନ୍ତ ହାଇକୋର୍ଟରେ  ଆବେଦନ କରିଥିଲେ ।