ଜୟପୁର, ୧୭/୦୯: ଲୋକେ ଘରଟିଏ କିମ୍ବା ଜାଗାଟିଏ କିଣିଲେ ତାକୁ ପଞ୍ଜିକରଣ କରିବା ଲାଗି ମାସ ମାସ, ବର୍ଷ ବର୍ଷ ଧରି ଦୌଡ଼ିଥାନ୍ତି । ଅନେକ ସମୟରେ ଲାଞ୍ଚ ନଦେଲେ ଫାଇଲ୍ ଇଞ୍ଚେ ବି ଘୁଞ୍ଚେନି । କିନ୍ତୁ ରାଜସ୍ଥାନରୁ ଏକ ବଡ଼ ମାମଲା ଆସିଛି । ରାଜସ୍ଥାନ ସବିଚାଳୟରେ ସଚିବ ଥିବା ଜଣେ ମହିଳା ଅଧିକାରୀ ମାତ୍ର ୨ ଦିନରେ ୨୬ଟି ଫ୍ଲାଟର ପଞ୍ଜିକରଣ କରିଛନ୍ତି ।

ଗୋଟିଏ ବର୍ଷରେ ୨୬ଟି ଫ୍ଲାଟ୍ କିଣିବା ପରେ ମାତ୍ର ୨ ଦିନରେ ରେଜିଷ୍ଟ୍ରି କରାଯାଇଛି । ମହିଳା ଅଧିକାରୀ ଜଣଙ୍କ ଜ୍ୟୋତି ଭରଦ୍ୱାଜ ହୋଇଥିବା ବେଳେ ସେ ଜୟପୁର ସଚିବାଳୟରେ ସଚିବ ଅଛନ୍ତି । ଗତବର୍ଷ ସେ ୨୬ଟି ଫ୍ଲାଟ୍ କିଣିଥିବା ବେଳେ ୧୫ଟି ନିଜ ନାଁରେ ପଞ୍ଜିକରଣ କରିଛନ୍ତି । ୧୧ଟି ଫ୍ଲାଟ ତାଙ୍କ ପୁଅ ରୋଶନ ବଶିଷ୍ଠଙ୍କ ନାମରେ ପଞ୍ଜିକୃତ ହୋଇଛି । 

ଏସିଆ କପ୍ ଫାଇନାଲ୍: ଟସ୍ ଜିତି ଶ୍ରୀଲଙ୍କାର ବ୍ୟାଟିଂ ନିଷ୍ପତ୍ତି, ଚୂଡ଼ାନ୍ତ ଏକାଦଶରେ ୬ ପରିବର୍ତ୍ତନ କଲା ଭାରତ

ମାମଲା ଏବେ କୋର୍ଟରେ ରହିଛି । ଏନେଇ ମହିଳା ଅଧିକାରୀଙ୍କ ପ୍ରତିକ୍ରିୟା ମିଳି ପାରିନାହିଁ । ପ୍ରତିବର୍ଷ କର୍ମଚାରୀ ସେମାନଙ୍କ ସମ୍ପତ୍ତି ବିବରଣୀ ସରକାରଙ୍କୁ ଦେଇଥାନ୍ତି । ବର୍ଷକରେ ୨୬ଟି ଫ୍ଲାଟ୍ କିଣିଥିବା ମହିଳା ଅଧିକାରୀ ତାଙ୍କ ସମ୍ପତ୍ତି ତାଲିକାରେ ମାତ୍ର ୩ଟି କୋଠା ଥିବା ଉଲ୍ଲେଖ କରିଛନ୍ତି । ସେଥିରେ ୨ଟି ନିଜ ନାଁରେ ଥିବା ଦର୍ଶାଇବା ସହ ଋଣ ଆଣି କରିଥିବା ଉଲ୍ଲେଖ କରିଥିଲେ ।

ଅନ୍ୟପଟେ ରେଜିଷ୍ଟ୍ରାର କାର୍ଯ୍ୟାଳୟରେ ୨୦୨୨ ମାର୍ଚ୍ଚ ୪ ଓ ୫ ତାରିଖରେ ମହିଳା ଓ ତାଙ୍କ ପୁଅ ନାଁରେ ୨୬ଟି ଫ୍ଲାଟ୍ ପଞ୍ଜିକୃତ ହୋଇଛି । ଏସବୁ ଫ୍ଲାଟର ମୂଲ୍ୟ ୪ କୋଟି ୭୧ ଲକ୍ଷ ଟଙ୍କାରୁ ଅଧିକ । ଏଥିପାଇଁ ତାଙ୍କୁ ୩୦ ଲକ୍ଷ ଟଙ୍କାର ଷ୍ଟାମ୍ପ ଡ୍ୟୁଟି ଦେବାକୁ ପଡ଼ିଛି । ସଚିବଙ୍କ ଏ ସମ୍ପତ୍ତିକୁ ନେଇ ଏବେ ଜୋର୍ ଚର୍ଚ୍ଚା ହେଉଛି । ମାମଲା ସାମ୍ନାକୁ ଆସିବା ପରେ ସରକାର ତଦନ୍ତ ନିର୍ଦ୍ଦେଶ ଦେଇଛନ୍ତି । 

ୟୁକ୍ରେନ୍ ଯୁଦ୍ଧରୁ ବଡ଼ ଶିକ୍ଷା, ଦୂରଗାମୀ ଘାତକ ଅସ୍ତ୍ର ଜମା କରିବ ଭାରତ