ଭୋପାଳ, ୧୧/୦୯: ଚଳିତବର୍ଷ ଶେଷ ଆଡ଼କୁ ମଧ୍ୟପ୍ରଦେଶରେ ନିର୍ବାଚନ ହେବ । ନିର୍ବାଚନର ଅବ୍ୟବହିତ ପୂର୍ବରୁ ରାଷ୍ଟ୍ରୀୟ ସ୍ୱୟଂ ସେବକ (ଆରଏସ୍ଏସ୍)ର କିଛି ପୂର୍ବତନ ସ୍ୱୟଂ ସେବକ ଏକ ନୂଆ ରାଜନୈତିକ ଦଳ ଗଠନ ଘୋଷଣା କରିଛନ୍ତି । ଏହି ଦଳର ନାଁ ରଖିଛନ୍ତି ‘ଜନହିତ ପାର୍ଟି’ । ଦଳ ଗଠନ ସହ କହିଛନ୍ତି, ଏହି ପଦକ୍ଷେପ ରାଜନୈତିକ ଦଳ ଉପରେ ଶାସନରେ ସୁଧାର ଲାଗି ଚାପ ପକାଇବ ।
ଆରଏସ୍ଏସର ପୂର୍ବତନ ପ୍ରଚାରକ ଅଭୟ ଜୈନ୍ (୬୦) ରାଜଧାନୀ ଭୋପାଳ ନିକଟ ମିସରୋଦରେ ତାଙ୍କ ପୂର୍ବ ସହଯୋଗୀଙ୍କ ସହ ବୈଠକ ପରେ ନୂଆ ଦଳ ଘୋଷଣା କରିଛନ୍ତି । ‘ଜନହିତ ପାର୍ଟି’ ଗଠନ କରିବା ସହ କହିଛନ୍ତି, ସମସ୍ତ ରାଜନୈତିକ ଦଳର ସଂସ୍କୃତି ଗଣତନ୍ତ୍ରର ମୂଳ ଭାବନାର ବିରୋଧୀ ଅଟେ ।
ଦଳ ଗଠନ ସହ ଅଭୟ କହିଛନ୍ତି, ଆଗାମୀ ବିଧାନସଭା ନିର୍ବାଚନରେ ଦଳ ପ୍ରାର୍ଥୀ ଦେବ । ସେ ଆହୁରି କହିଛନ୍ତି, ତାଙ୍କ ଦଳ ପଞ୍ଜିକୃତ ହୋଇ ନଥିବା ବେଳେ ଲାଗୁଛି କ୍ଷମତାସୀନ ବିଜେପିର ଭୋଟ୍ ବାଣ୍ଟିବ । ୨୦୧୮ରେ ମଧ୍ୟପ୍ରଦେଶ ନିର୍ବାଚନରେ ସେ ନଥିଲେ, ବିଜେପି ହାରିଥିଲା । ସେତେବେଳେ ବିଜେପିର ଭୋଟ୍ କଂଗ୍ରେସ ବାଣ୍ଟି ନେଇଥିଲା । ଯାହାକି ଠିକ୍ ସ୍ଥିତି ନୁହେଁ ବୋଲି କହିଛନ୍ତି ଅଭୟ ଜୈନ୍ ।
ଅଭୟ ଆହୁରି କହିଛନ୍ତି, ମଧ୍ୟପ୍ରଦେଶର ବିଜେପି ସରକାରର କାର୍ଯ୍ୟକୁ ନେଇ ଲୋକେ ସନ୍ତୁଷ୍ଟ ନାହାନ୍ତି । ଆମେ ରାଜନୀତିକୁ ଆସିଲେ ବିଜେପିକୁ ନେଇ ସନ୍ତୁଷ୍ଟ ନଥିବା, ହିନ୍ଦୁ ମାନସିକତା ରଖୁଥିବା ଲୋକ ଆମକୁ ପସନ୍ଦ କରିବେ । ଯଦି ବିଜେପି ୫ଟି ଭୋଟ୍ ହରାଏ ତାହେଲେ ରାଜନୈତିକ ଗଣିତ ଅନୁସାରେ ତାର ଲାଭ ଆଉ କଂଗ୍ରେସ ପାଇବ ନାହିଁ ।
ବିବାହର ପ୍ରତିଶ୍ରୁତି ଦେଇ ୪୫ ହଜାର ଟଙ୍କା ଚୂନ ଲଗାଇଲେ ଯୁବତୀ, ନ୍ୟାୟ ପାଇଁ ଏ ଥାନାରୁ ସେ ଥାନା ଦୌଡ଼ୁଛନ୍ତି ଯୁବକ