ନୂଆଦିଲ୍ଲୀ, ୦୨/୦୯: ଆଦାନି ଗ୍ରୁପ୍ ପରେ ଅର୍ଗାନାଇଜ୍ଡ କ୍ରାଇମ୍ ଆଣ୍ଡ୍ କର୍ପ୍ସନ ରିପୋର୍ଟିଂ ପ୍ରୋଜେକ୍ଟ(ଓସିସିଆର୍ପି) ଅନିଲ ଅଗ୍ରୱାଲଙ୍କ ଅଧୀକୃତ କମ୍ପାନି ବେଦାନ୍ତ ବିରୋଧରେ ଅଭିଯୋଗ ଆଣିଛି । କୋଭିଡ-୧୯ ମହାମାରୀ ସମୟରେ ପରିବେଶ ଆଇନର ଉଲ୍ଲଂଘନ କରିବା ପାଇଁ ସରକାରଙ୍କ ନିକଟରେ ଏହା ଲବି କରିଥିବା ଅଭିଯୋଗ ରହିଛି । ଓସିସିଆର୍ପି ଏହାକୁ ନେଇ ଶୁକ୍ରବାର ଏକ ରିପୋର୍ଟ ଜାରି କରିଛି ।
ଓସିସିଆର୍ପି ଦାବି କରିଛି ଯେ, ୨୦୨୧ ଜାନୁଆରୀରେ ବେଦାନ୍ତ ଗ୍ରୁପ୍ ଅଧ୍ୟକ୍ଷ ଅନିଲ ଅଗ୍ରୱାଲ ତତ୍କାଳୀନ ପରିବେଶ ମନ୍ତ୍ରୀ ପ୍ରକାଶ ଜାଭଡେକରଙ୍କୁ କହିଥିଲେ ଯେ, ସରକାରଙ୍କୁ ଖଣି କମ୍ପାନିଗୁଡ଼ିକୁ ନୂଆ ପରିବେଶ ମଞ୍ଜୁରି ହାସଲ ବିନା ୫୦% ଉତ୍ପାଦନ ବୃଦ୍ଧି ଅନୁମତି ଦେବା ଦରକାର। ଏହା ଦ୍ୱାରା ଦେଶର ଅର୍ଥନୈତିକ ସୁଧାର ଗତି ବଢ଼ିବ।