ନୂଆଦିଲ୍ଲୀ, ୦୨/୦୯: ଆଦିତ୍ୟ ଏଲ୍-୧କୁ ପିଏସ୍ଏଲଭି ରକେଟ୍ ଅନ୍ତରୀକ୍ଷରେ ଛାଡ଼ିବ । ଏହା ହେବ ପିଏସ୍ଏଲଭିର ୫୯ତମ ଉତକ୍ଷେପଣ । ଏକ୍ସଏଲ୍ ଭାରିଆଣ୍ଟର ଏହା ୨୫ତମ ଉଡ଼ାଣ । ଆନ୍ଧ୍ରପ୍ରଦେଶର ଶ୍ରୀହରିକୋଟା ସତୀଶ୍ ଧାୱନ ମହାକାଶ କେନ୍ଦ୍ରର ୨ ନମ୍ବର ଲଞ୍ଚ ପ୍ୟାଡରୁ ଉତକ୍ଷେପଣ କରାଯିବ ।
PSLV ରକେଟର ଉଚ୍ଚତା ୧୪୫.୬୨ ଫୁଟ୍ ହୋଇଥିବା ବେଳେ ଉତକ୍ଷେପଣ ବେଳେ ଏହାର ଓଜନ ୩୨୧ ଟନ୍ ରହିବ । ଏହି ରକେଟର ୪ଟି ଭାଗ ରହିଛି । ଆଦିତ୍ୟ ଏଲ୍-୧କୁ ପିଏସଲଏଭି ରକେଟ ପୃଥିବୀର ନିମ୍ନ କକ୍ଷରେ ଛାଡ଼ିବ । ଯାହାର ସର୍ବନିମ୍ନ ଦୂରତା ପୃଥିବୀ ଠାରୁ ୨୩୫ କିଲୋମିଟର ଏବଂ ସର୍ବାଧିକ ଦୂରତା ୧୯, ୫୦୦ କିଲୋମିଟର ରହିବ ।
ଆଜି ଇସ୍ରୋର ସୂର୍ଯ୍ୟ ଅଭିଯାନ: ଆଦିତ୍ୟ ଏଲ୍-୧ ପାଇଁ ଅବଗଣନା ଆରମ୍ଭ, ପୂର୍ବାହ୍ଣ ୧୧.୫୦ରେ ଶ୍ରୀହରିକୋଟାରୁ ଲଞ୍ଚ
ଆଦିତ୍ୟ ଏଲ୍-୧ର ଓଜନ ୧୪୮୦.୭ କିଲୋଗ୍ରାମ୍ । ଉତକ୍ଷେପଣର ପ୍ରାୟ ୬୩ ମିନିଟ୍ ପରେ ରକେଟରୁ ଅଲଗା ହୋଇଯିବ ଆଦିତ୍ୟ ଏଲ୍-୧ ସ୍ପେଶକ୍ରାଫ୍ଟ । ମାତ୍ର ୨୫ ମିନିଟରେ ପିଏସ୍ଏଲଭି-ଏକ୍ସଏଲ୍ ରକେଟ୍ ଆଦିତ୍ୟକୁ ନିର୍ଦ୍ଧାରିତ କକ୍ଷରେ ପହଞ୍ଚାଇ ଦେବ । ଏହା ଏହି ରକେଟର ଲମ୍ବା ଉଡ଼ାଣ ମଧ୍ୟରୁ ଅନ୍ୟତମ ହେବ ।
ଏହା ପୂର୍ବରୁ ୨୦୨୧ରେ ବ୍ରାଜିଲର ଅମେଜୋନିଆ ସମେତ ୧୮ ଉପଗ୍ରହକୁ ନେଇ ପିଏସ୍ଏଲଭି ଏତେ ଲମ୍ବା ଯାତ୍ରା କରିଥିଲା । ଏଥିପାଇଁ ୧ ଘଣ୍ଟା ୫୫ ମିନିଟ୍ ସମୟ ଲାଗିଥିଲା । ତା ପୂର୍ବରୁ ୨୦୧୬ରେ ସେପ୍ଟେମ୍ବରରେ ଏହି ରକେଟ୍ ୨ ଘଣ୍ଟା ୧୫ ମିନିଟରେ ଅନ୍ତରୀକ୍ଷରେ ୮ଟି ସାଟେଲାଇଟକୁ ଛାଡ଼ିଥିଲା ।
କେଉଁ ଏଜେନ୍ସି କରିଛି ସୂର୍ଯ୍ୟ ମିଶନ, ଜାଣନ୍ତୁ କିଏ ହୋଇଥିଲେ ସୂର୍ଯ୍ୟଙ୍କ ସବୁଠୁ ନିକଟତର..
ଇସ୍ରୋର ବୈଜ୍ଞାନିକଙ୍କ ଅନୁସାରେ, ରକେଟ୍ ପାଇଁ ସ୍ୱତନ୍ତ୍ର ଆରେଞ୍ଜମେଣ୍ଟ ଅଫ୍ ପରିଜି କରାଯାଇଛି । ଏଥିପାଇଁ ରକେଟର ଚତୁର୍ଥ ପର୍ଯ୍ୟାୟ ଗୋଟିଏ ଥରରେ ଆଦିତ୍ୟକୁ ନିର୍ଦ୍ଧାରିତ ଅର୍ବିଟରେ ପହଞ୍ଚାଇବ ନାହିଁ । ପ୍ରଥମେ ୩୦ ସେକେଣ୍ଡ ଅନ୍ ହେବ । ଆଦିତ୍ୟ ନିର୍ଦ୍ଧାରିତ ଏଓପି ହାସଲ୍ କରିବା ପରେ ହିଁ ଚତୁର୍ଥ ଷ୍ଟେଜ୍ ତାକୁ ଛାଡ଼ିବ ।
