ରୋମ୍‌, ୦୪/୦୯: ଚୀନର ମହତ୍ଵାକାଂକ୍ଷୀ ଯୋଜନା ବେଲ୍ଟ ଆଣ୍ଡ ରୋଡ୍‌ ଇନିସିଏଟିଭ୍‌ (ବିଆରଆଇ)କୁ ଜୋରଦାର ଟାର୍ଗେଟ କରିଛି ଇଟାଲି । ବିଆରଆଇରେ ସାମିଲ ହେବା ପରେ ଚୀନ୍‌ ସହ ଦ୍ବିପାକ୍ଷିକ ବ୍ୟାପାର ସମ୍ବନ୍ଧରେ କୌଣସି ପରିବର୍ତ୍ତନ ହୋଇନାହିଁ ବୋଲି ଅଭିଯୋଗ କରିଛନ୍ତି ଇଟାଲିର ବୈଦେଶିକ ମନ୍ତ୍ରୀ । ଚୀନ୍‌ ଗସ୍ତ କରିବା ପୂର୍ବରୁ ଇଟାଲିର ବୈଦେଶିକ ମନ୍ତ୍ରୀଙ୍କ ଏଭଳି ମନ୍ତବ୍ୟକୁ ନେଇ ଚର୍ଚ୍ଚା ଜାରି ରହିଛି । 

କରୋନା କାଳରେ ହ୍ରାସ ପାଇଛି ସାଧାରଣ ଲୋକଙ୍କ ଆୟ; କିନ୍ତୁ ଧନୀ ହୋଇଛନ୍ତି ରାଜନୈତିକ ଦଳ; ବର୍ଷକରେ ବଢ଼ିଛି ଏତେ ସମ୍ପତ୍ତି?

୪ ବର୍ଷ ପୂର୍ବରୁ ବିଆରଆଇରେ ସାମିଲ ହୋଇଥିଲା ଇଟାଲି । ହେଲେ କିଛି ମାସ ହେଲା ବିଆରଆଇକୁ ବିରୋଧ କରୁଛି ଇଟାଲି । ଆମେରିକାର ବାରଣ ସତ୍ତ୍ବେ ଇଟାଲିର ପୂର୍ବତନ ସରକାର ୨୦୧୯ରେ ବିଆରଆଇରେ ସାମିଲ ହେବାକୁ ନିଷ୍ପତ୍ତି ନେଇଥିଲେ । ୟୁରୋପର ପ୍ରଥମ ଦେଶ ଭାବେ ଇଟାଲି ବିଆରଆଇରେ ସାମିଲ ହୋଇଥିଲା । ଚୀନ୍‌ ପାଇଁ ଉଡ଼ାଣ ଭରିବାର କିଛି ସମୟ ପୂର୍ବରୁ ଇଟାଲିର ବୈଦେଶିକ ମନ୍ତ୍ରୀ ଏଣ୍ଟୋନିଓ ତାଜାନୀ ବିଆରଆଇ ପରିଯୋଜନାକୁ ନେଇ ଅଭିଯୋଗ କରିଛନ୍ତି । ସେ କହିଛନ୍ତି ବିଆରଆଇ ଦ୍ବାରା ଦେଶର ସେମିତି କିଛି ଫାଇଦା ହୋଇପାରିନାହିଁ । ତେବେ କଣ ଫାଇଦା ମିଳିଛି ବା ମିଳିନାହିଁ ସେନେଇ ଦେଶର ସଂସଦ ମୂଲ୍ୟାଙ୍କନ କରିବା ଦରକାର ବୋଲି ସେ କହିଛନ୍ତି  । 

୨୦୨୪ରେ ଦୁଇ ଦେଶ ମଧ୍ୟରେ ବିଆରଆଇ ବୁଝାମଣା ଅବଧି ଶେଷ ହେବାକୁ ଯାଉଛି । ଇଟାଲି ପୁଣି ଥରେ ବିଆରଆଇରେ ସାମିଲ ହୋଇନପାରେ ବୋଲି କୁହାଯାଉଛି । ତାଜାନୀ କହିଛନ୍ତି ସେ ଚୀନକୁ ୩ ଦିବସୀୟ ଗସ୍ତରେ ବାହାରିଛନ୍ତି । ବୈଦେଶିକ ମନ୍ତ୍ରୀଙ୍କ ପରେ ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନୀ ଚୀନ୍‌ ଗସ୍ତ କରିବେ ବୋଲି ସଂକେତ ଦେଇଛନ୍ତି । ଆସନ୍ତା ବିଦେଶ ଗସ୍ତରେ ଚୀନ୍‌କୁ ଯିବା ପାଇଁ ଯୋଜନା କରୁଛନ୍ତି ବୋଲି ପିଏମ ମେଲୋନୀ କହିଛନ୍ତି ।

You can also read: ପୁଟିନଙ୍କ 'ସେପ୍ଟେମ୍ବର ପ୍ଳାନ' କ'ଣ? କିପରି କିଭ୍‌ ଉପରେ ଖୁବଶୀଘ୍ର କବ୍‌ଜା କରିବ ଋଷ