ସଇଁନ୍ତଳା, ୧୩/୧୧ : ବଲାଙ୍ଗୀର ସଇଁନ୍ତଳାରେ ପୁଣି ଅପେରା ଚାଲିଥିବା ବେଳେ ବନ୍ଦ କଲା କୋଶଳ ସେନା। କୋଶଳ ଓ ପଶ୍ଚିମ ଓଡ଼ିଶାରେ କଟକି ଅପେରା ଚଳାଇ ଦେବୁନାହିଁ ବୋଲି କହିବା ସହ ଚେତାବନୀ ଦେଇଛି କୋଶଳ ସେନା।
ସୂଚନାନୁଯାୟୀ, ସଇଁନ୍ତଳା ବ୍ଲକ ଟେଣ୍ଡାପାଲି ଗାଁରେ ଲାଗିଥିଲା ସାବିତ୍ରୀ ଗଣନାଟ୍ୟ। ଅପେରା ଆରମ୍ଭ ହେବା ସମୟରେ କୋଶଳ ସେନାର ଯୁବକମାନେ ସେଠାରେ ପହଞ୍ଚିଥିଲେ। ତାସହ ସେହି ଗାଁର କିଛି ଲୋକ ମଧ୍ୟ ସେମାନଙ୍କୁ ସମର୍ଥନ ଜଣାଇବା ଦ୍ୱାରା ଅପେରାକୁ ବନ୍ଦ କରାଯାଇଥିବା ସୂଚନା ମିଳିଛି। ଏବେ ବଲାଙ୍ଗୀର ଜିଲ୍ଲାର ବିଭିନ୍ନ ଅଞ୍ଚଳରେ ଅପେରା ଲାଗୁଥିବା ବେଳେ ତାକୁ ବନ୍ଦ କରୁଛନ୍ତି କୋଶଳ ସେନା। ସଇଁନ୍ତଳାରେ ମଧ୍ୟ ଏବେ ଅପେରା ବନ୍ଦ ହୋଇଛି।
