ନୂଆଦିଲ୍ଲୀ: ୨୦୧୦ ଆଜିର ଦିନରେ ବିଶ୍ବ ରେକର୍ଡ କରିଥିଲେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର । ଦକ୍ଷିଣ ଆଫ୍ରିକା ବିପକ୍ଷରେ ତେନ୍ଦୁଲକର ଐତିହାସିକ ପାଳି ଖେଳିଥିଲେ । ସଚିନ ତେନ୍ଦୁଲକର ଦିନିକିଆରେ ଦ୍ବିଶତକ କରିବାରେ ପ୍ରଥମ ଖେଳାଳି ହେବାର ସୌଭାଗ୍ୟ ଅର୍ଜନ କରିଥିଲେ । ଦକ୍ଷିଣ ଆଫ୍ରିକା ବିପକ୍ଷରେ ସଚିନ ଅପରାଜିତ ଡବଲ୍‌ ସେଞ୍ଚୁରି କରି ରେକର୍ଡ କରିଥିଲେ ।

୧୪୭ ବଲରେ ୨୫ ଚୌକା ଏବଂ ୩ଟି ଛକା ସହ ଅପରାଜିତ ୨୦୦ ରନ୍‌ କରିଥିଲେ ପୂର୍ବତନ ଭାରତୀୟ କ୍ରିକେଟର ତେନ୍ଦୁଲକର । ଡବଲ ସେଞ୍ଚୁରି କରିବା ବେଳେ ତେନ୍ଦୁଲକରଙ୍କ ସଂ କ୍ରିଜ୍‌ରେ ଥିଲେ ମହେନ୍ଦ୍ର ସିଂହ ଧୋନି । ସଚିନଙ୍କ ଦ୍ବିଶତକ ବଳରେ ଭାରତୀୟ ଟିମ୍‌ ୫୦ ଓଭରରେ ୪୦୧ ରନର ବିଶାଳ ସ୍କୋର ଛିଡ଼ା କରିଥିଲା । 

🗓️ #OnThisDay in 2010

The legendary @sachin_rt created history by becoming the first batter to score an ODI Double Hundred in Mens Cricket 👏👏#TeamIndia pic.twitter.com/NCcnQkhkcj

— BCCI (@BCCI) February 24, 2024

ସେପଟେ ଲକ୍ଷ୍ୟର ପିଛା କରିବାକୁ ଆସିଥିବା ଦକ୍ଷିଣ ଆଫ୍ରିକା ୪୨.୫ ଓଭରରେ ୨୪୮ ରନ୍‌ରେ ଅଲଆଉଟ୍‌ ହୋଇଥିଲା । ସାଉଥ ଆଫ୍ରିକାକୁ ୧୫୩ ରନରେ ପରାସ୍ତ କରିଥିଲା ଭାରତ । ଦକ୍ଷିଣ ଆଫ୍ରିକା ପକ୍ଷରୁ ୧୦୧ ବଲ୍‌ରେ ୧୩ ଚୌକା ଏବଂ ୨ଟି ଛକା ସହ ଅପରାଜିତ ୧୧୪ ରନ୍‌ କରିଥିଲେ ଏବି ଡିଭିଲିୟର୍ସ ।