ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

ପ୍ରଫେସର ଡା. ନିରଞ୍ଜନ ମହାନ୍ତିଙ୍କୁ ଲିଭିଙ୍ଗ୍‍ ଲିଜେଣ୍ଡ୍‍ ଆୱାର୍ଡ

ଭୁବନେଶ୍ବର,୧୦।୨ : ହାଇଦ୍ରାବାଦଠାରେ ଆଇଆଇଏଚପି ଓ ତେଲେଙ୍ଗାନାର ସମସ୍ତ ହୋମିଓପ୍ୟାଥିକ୍‍ ମେଡିକାଲ କଲେଜର ମିଳିତ ଆନୁକୁଲ୍ୟରେ ଏକ ଆନ୍ତର୍ଜାତୀୟ ହୋମିଓପ୍ୟାଥିକ ସମ୍ମିଳନୀ ଦୁଇ ଦିନ ଧରି ଆୟୋଜିତ ହେଉଛି । ଏହି ସମ୍ମିଳନୀରେ ଦେଶ ଓ ବିଦେଶରୁ ବିଶିଷ୍ଟ ଡାକ୍ତର ଯୋଗଦାନ କରିଛନ୍ତି । ଏହି ବିଶିଷ୍ଟ ସମ୍ମିଳନୀରେ ଡା. ନିରଞ୍ଜନ ମହାନ୍ତିଙ୍କୁ “ଳିଭିଙ୍ଗ୍‍ ଲିଜେଣ୍ଡ ଆୱାର୍ଡ ରେ ସମ୍ମାନିତ କରାଯାଇଛି । ସେ ମୁଖ୍ୟ ବ୍ୟକ୍ତାଭାବରେ ଯୋଗଦାନକରି ନିଜର ସଂଦର୍ଭ “Auto immune disorders in Homoeopathy with special reference to Psoriasis” ଶୀର୍ଷକ ଉପରେ ଆଲୋକ ପାତ କରି ଜନ ମାନସ ଦ୍ୱାରା ଆଦୃତ ହୋଇଛନ୍ତି ।

ସେ ନିଜ ଜୀବନ କାଳରେ ୧୬ବର୍ଷ ଉପସ୍ନାତକର ପ୍ରଧାନ ଅଂଶ ଓ ରିପୋଟୋରୀ ବିଭାଗର ଅଧ୍ୟାପକ ରୂପେ କାର୍ଯ୍ୟରତ ଥିଲେ। ସେଥିମଧ୍ୟରୁ ୩ବର୍ଷ ସେ ଡ଼ା. ଅଭିନ୍ନଚନ୍ଦ୍ର ହୋମିଓପ୍ୟାଥିକ୍‍ ମେଡିକାଲ କଲେଜ ଓ ହସପିଟାଲରେ ଅଧକ୍ଷ ଏବଂ ଅଧିକ୍ଷକ ରୂପେ କାର୍ଯ୍ୟରତ ଥିଲେ ।

ଦୀର୍ଘ ୪୫ ବର୍ଷ ଧରି ଚିକିତ୍ସା ଓ ଅଧ୍ୟାପନା ସହିତ ବହୁ ମୂଲ୍ୟବାନ ପାଠ୍ୟପୁସ୍ତକ ଲେଖି ହୋମିଓପ୍ୟାଥିକ ଚିକିତ୍ସା ଜଗତକୁ ନୂତନ ଆଲୋକ ଦେଖାଇବା ସହିତ ରାଜ୍ୟ ଓ ଦେଶ, ବିଦେଶରେ ଖ୍ୟାତି ଅର୍ଜନ କରିଛନ୍ତି । ଜାତୀୟ ଓ ଆନ୍ତର୍ଜାତିୟ ହୋମିଓପ୍ୟାଥିକ ସମ୍ମିଳନୀରେ ଯୋଗାଦାନ ସହିତ ବିଭିନ୍ନ ପ୍ରମାଣ ଭିତ୍ତିକ ସଫଳତା ଉପସ୍ଥାପନା କରିବା ସହିତ ବିଶ୍ୱଦରବାରରେ ହୋମିଓପ୍ୟାଥିର ଉପଯୋଗିତାକୁ ପରିଚିତ କରାଇପାରିଛନ୍ତି ।

ଡ଼ାକ୍ତର ମହାନ୍ତି ବିଶ୍ୱବିଦ୍ୟାଳୟର ପୂର୍ବତନ ଡିନ୍‍, ଜାତୀୟ ସଭାପତି ଆଇଆଇଏଚପି ଓ ଦିଲ୍ଲୀସ୍ଥିତ କେନ୍ଦ୍ରୀୟ ହୋମିଓପାଥିକ୍‍ ଅନୁସନ୍ଧାନ ପରିଷଦର ପୂର୍ବତନ ସଦସ୍ୟ, ଜାତୀୟ ରୋଗ ଗବେଷଣା କେନ୍ଦ୍ରର ସଭାପତି  ରହିଛନ୍ତି। ଏଥିସହ ଦୀର୍ଘ ୨୭ବର୍ଷ ଧରି ଜାତୀୟ ପରିବାର ନିୟୋଜନ ସେବାରେ ବିଭିନ୍ନ ପଦପଦବୀ ଓ ଶେଷରେ ସଭାପତି ଦାୟିତ୍ୱ ତୁଲାଇଥିଲେ । ଏହା ବ୍ୟତୀତ ହୋମିଓପ୍ୟାଥିର ପ୍ରଚାର ଓ ପ୍ରସାର ଦିଗରେ ନିଜେ ଦୂରଦର୍ଶନ, ଭାରତୀୟ ଆକାଶବାଣୀ କାର୍ଯ୍ୟକ୍ରମରେ ଉପସ୍ଥିତ ହୋଇ ଉପସ୍ଥାପନା କରିବା ସହିତ ବହୁ ଡାକ୍ତରୀ ଅନୁଚ୍ଛେଦକୁ ପତ୍ରିକା ଓ ଖବର କାଗଜ ମାଧ୍ୟମରେ ପ୍ରକାଶ କରି ଆସୁଛନ୍ତି । 

ପୂର୍ବତନ ନ୍ୟାସନାଲ ଭାଇସ୍‍ ପ୍ରେସିଡେଣ୍ଟ୍‍ ଟୁ ଏଲ୍‍.ଏମ୍‍.ଏଚ୍‍.ଆଇ. (ବିଶ୍ୱ ହୋମିଓପ୍ୟାଥିକ ସଂଘ) ଏଠାରେ ସେ ଭାରତୀୟ ହୋମିଓପ୍ୟାଥିକ ଚିକିତ୍ସାକୁ ଉଚ୍ଚକୋଟୀର କରିବାରେ ସକ୍ଷମ ହୋଇଛନ୍ତି । ଡ଼ା ମହାନ୍ତିଙ୍କ ବଦାନ୍ୟତା ଜାତୀୟ ପରିବାର ନିୟୋଜନ ସଂସ୍ଥାକୁ ପ୍ରତି ବର୍ଷ ଆର୍ଥିକ ସହାୟତା ପ୍ରଦାନ କରିବା ସହିତ ମରୁତି, ବାତ୍ୟା କ୍ଷତିଗ୍ରସ୍ତ ଅଞ୍ଚଳ ଲୋକଙ୍କୁ ଆର୍ଥିକ ସହାୟତା ଯୋଗାଇ ଆସୁଛନ୍ତି । ଏହା ବ୍ୟତିତ ଭାରତ ସରକାରଙ୍କ ଦ୍ୱରା ମିଳିଥିବା ଶ୍ରେଷ୍ଠ ଶିକ୍ଷକ ପୁରସ୍କାରରେ ଦିଆଯାଇଥିବା ସମସ୍ତ ରାଶି ୨,୦୦,୦୦୦ ଟଙ୍କା ବିନା ଦ୍ୱିଧାରେ ତତ୍‍କ୍ଷଣାତ୍‍ ଇନ୍‍ଣ୍ଡିଆନ୍‍ ଇନ୍‍ଟିଭଟ୍‍ ଅଫ୍‍ ହୋମିଓପ୍ୟାଥିକ ଫିଜିସିଆନ ସଂସ୍ଥାନକୁ ଦାନ ସ୍ୱରୂପ ପ୍ରଦାନ କରିଥିଲେ ।

୧୯୭୫ ମସିହା ଠାରୁ ଆଜି ପର୍ଯ୍ୟନ୍ତ ନିଜକୁ ଦିନରାତି ଧନୀ ଓ ଗରିବ ନିର୍ବିଶେଷରେ ନିଜକୁ ଡାକ୍ତରୀ ସେବାରେ ନିୟୋଜିତ କରି ଆସୁଛନ୍ତି । ବର୍ତ୍ତମାନ ଭାରତ ବର୍ଷର ବିଭିନ୍ନ କୋଣରୁ ପୁରାତନ ଓ ଅସାଧ୍ୟ ରୋଗୀ ତାଙ୍କ ପାଖକୁ ଚିକିତ୍ସା ପାଇଁ ଆସୁଛନ୍ତି । ବର୍ତ୍ତମାନ ସେ ନିଜ ଭୁବନେଶ୍ୱର ଖଣ୍ଡଗିରିସ୍ଥିତ ଧର୍ମବିହାର ବାସଭବନରେ ଚିକିତ୍ସା ସିହତ ଆନ୍ତର୍ଜାତିୟ ଶିକ୍ଷା ଓ ଗବେଷଣା କେନ୍ଦ୍ରରେ ନିଜର ଶିକ୍ଷା ଓ ଗବେଷଣା ଜାରି ରଖିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.