ଚେନ୍ନାଇ: ଚେନ୍ନାଇର କେତେକ ବିଦ୍ୟାଳୟକୁ ବୋମା ପକାଇ ଉଡ଼ାଇ ଦେବାକୁ ଧମକ ମିଳିବା ପରେ ଚାଞ୍ଚଲ୍ୟ ଖେଳିଯାଇଛି । ବୋମା ମାଡ଼ ନେଇ ଇମେଲ ମାଧ୍ୟମରେ ଧମକ ମିଳିବା ପରେ ପ୍ରଶାସନ ତତ୍ପରତା ପ୍ରକାଶ କରିଛି । ଏପରିକି ବିଦ୍ୟାଳୟର କର୍ତ୍ତୃପକ୍ଷ ଅଭିଭାବକଙ୍କୁ ଡକାଇ ପିଲାମାନଙ୍କୁ ଘରକୁ ନେଇଯିବାକୁ କୁହାଯାଇଛି ।
ଛାତ୍ରଛାତ୍ରୀଙ୍କ ପିତାମାତାଙ୍କୁ ଏନେଇ ଖବର ମିଳିବା ପରେ ସ୍କୁଲ ପରିସରରେ ଭିଡ଼ ଜମିଛି । ସେପଟେ ପୋଲିସ ବମ୍ ସ୍କ୍ବାଡ୍ଙ୍କୁ ଡାକି ସ୍କୁଲରେ ତନଘନା ଚଳାଇଛି । ଏହା ସହ ସ୍କୁଲରେ ଭିଡ଼ ନଜମାଇବାକୁ ପୋଲିସ ସତର୍କ କରାଇଛି । ଲୋକମାନଙ୍କୁ ଶାନ୍ତି ବଜାୟ ରଖିବାକୁ କହିବା ସହ ଧକମପୂର୍ଣ୍ଣ ଇମେଲ୍ ପଠାଇଥିବା ଅପରାଧିଙ୍କୁ ଖୁବଶୀଘ୍ର କାବୁ କରାଯିବ ବୋଲି ପୋଲିସ କହିଛି ।
ଜଣେ ବରିଷ୍ଠ ପୋଲିସ ଅଧିକାରୀଙ୍କ ଅନୁସାରେ, ଇମେଲ ମାଧ୍ୟମରେ ଧମକ ମିଳିଥିବା ଜଣାପଡ଼ିଛି । ସୂଚନା ଆଧାରରେ ଟେକିନିକାଲ୍ ଟିମ୍ଙ୍କ ସହାୟତାରେ ଅପରାଧୀଙ୍କୁ ଧରିବା ଲାଗି ପ୍ରୟାସ ଜାରି ରହିଛି । ଯେଉଁସବୁ ସ୍କୁଲକୁ ବୋମାରେ ଉଡ଼ାଇ ଦେବାକୁ ଧମକ ମିଳିଛି ସେଗୁଡ଼ିକ ମଧ୍ୟରେ ଚେନ୍ନାଇ ପବ୍ଲିକ ସ୍କୁଲ, ଡିଏଭି ଗୋପାଳପୁରମ ଏବଂ ସେଣ୍ଟ ମେରି ସ୍କୁଲ ଆଦି ସାମିଲ ରହିଛି ।