ଭୁବନେଶ୍ୱର,୦୭/୧୧: ରାଜ୍ୟ  ବାହାରେ କାର୍ଯ୍ୟ କରୁଥିବା ଓଡ଼ିଆ ପ୍ରବାସୀ ଶ୍ରମିକମାନଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଓଡ଼ିଶା ପରିବାର ନିର୍ଦ୍ଦେଶାଳୟ ତତ୍ତ୍ୱାବଧାନରେ ଏକ  ସ୍ୱତନ୍ତ୍ର ମାର୍ଗଦର୍ଶିକା ଜାରି କରାଯିବ । ଏ ନେଇ ବିଭିନ୍ନ ଜିଲ୍ଲାର ଶ୍ରମ ଅଧିକାରୀମାନଙ୍କଠାରୁ  ମତାମତ ଆହ୍ୱାନ କରାଯାଇଛି । 

ଚଳିତ ବର୍ଷ  ଅକ୍ଟୋବର ମାସ ସୁଦ୍ଧା ପ୍ରବାସୀ ଶ୍ରମିକମାନଙ୍କ ବିଭିନ୍ନ ସମସ୍ୟା ସମ୍ପର୍କିତ ୧୦୮ଟି ଅଭିଯୋଗ  ହସ୍ତଗତ ହୋଇଥିବାବେଳେ ୧୪୬୧ ଜଣ  ଓଡ଼ିଆ ପ୍ରବାସୀ ଶ୍ରମିକଙ୍କୁ ବିଭିନ୍ନ ଦେଶ  ଓ ରାଜ୍ୟରୁ ଉଦ୍ଧାର କରାଯାଇଛି । ପ୍ରବାସୀ  ଓଡ଼ିଆମାନଙ୍କ ସୁଖଦୁଃଖର ସାଥୀ ହେବା  ସହ ରାଜ୍ୟର କଳା, ସାହିତ୍ୟ ଓ ସଂସ୍କୃତିର  ପ୍ରଚାର ଓ ପ୍ରସାର ନିମନ୍ତେ ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ  ଓଡ଼ିଶା ପରିବାର ଗଠନ କରାଯାଇଛି । ଏହି  ବୈଠକରେ ଶ୍ରମ ବିଭାଗ ଶାସନ ସଚିବ  ଆର୍‌. ସନ୍ଥଗୋପାଳନ, ଶ୍ରମ କମିଶନର  ତିରୁମାଲା ନାୟକ, ଓଡ଼ିଆ ଭାଷା,  ସାହିତ୍ୟ ଓ ସଂସ୍କୃତି ବିଭାଗ ତଥା ଓଡ଼ିଶା  ପରିବାର ନିର୍ଦ୍ଦେଶାଳୟର ନିର୍ଦ୍ଦେଶକ  ଦିଲୀପ ରାଉତରାଏ, ବିଭାଗୀୟ ସ୍ୱତନ୍ତ୍ର  ସଚିବ ମଧୁସୂଦନ ଦାଶ, ସ୍ୱତନ୍ତ୍ର  କର୍ତ୍ତବ୍ୟରତ ଅଧିକାରୀ ପ୍ରିତୀଶ ପଣ୍ଡା,  ଲକ୍ଷ୍ମୀଧର ବେହେରା, ବିଭିନ୍ନ ଜିଲ୍ଲାର ଶ୍ରମ  ଅଧିକାରୀ, ସହାୟକ ଶ୍ରମ କମିଶନର  ପ୍ରମୁଖ ଯୋଗ ଦେଇଥିଲେ ।