ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ନୀଳଗିରି ରାଜନୀତିରେ ହଇଚଇ, ବିଜେଡିରେ ଯୋଗ ଦେବେ କି ବିଜେପି ବିଧାୟକ ଇଂ ସୁକାନ୍ତକ କୁମାର ନାୟକ ?

ନୀଳଗିରି ୧୯/୦୨( ବ୍ରଜକିଶୋର ପାଣି): ବିଜେଡିରେ ଯୋଗ ଦେବେ ନୀଳଗିରିର ବିଜେପି ବିଧାୟକ ଇଂ ସୁକାନ୍ତ କୁମାର ନାୟକ । ୨୦୧୯ ନିର୍ବାଚନର କିଛି ଦିନ ପୂର୍ବରୁ ନିଜର ରାଜନୈତିକ ଶତ୍ରୁ ବିଜେଡିର ବିଧାୟକ ଇଂ  ସୁକାନ୍ତ କୁମାର ନାୟକଙ୍କୁ ବିଜେପିରେ ମିଶାଇ ଭେଟେରାନ ନେତା ପ୍ରତାପ ଷଡ଼ଙ୍ଗୀଙ୍କ ଗୋଟି ଚାଳନା ସମସ୍ତଙ୍କୁ ଚକିତ କରିଥିଲା । ୨୦୧୪  ନିର୍ବାଚନରେ ନୀଳଗିରିରେ ବିଜେପି ବିଧାୟକ  ପ୍ରାର୍ଥୀ ଭାବେ ସୁଷମା ବିଶ୍ୱାଳ ପ୍ରାର୍ଥୀ ହୋଇ ୩୬  ହଜାର ୮୧୪ ଖଣ୍ଡ ଭୋଟ ପାଇଥିଲେ । ଇଂ  ସୁକାନ୍ତ କୁମାର ନାୟକ ବିଜେଡି ପ୍ରାର୍ଥୀ ହୋଇ  ୫୦ ହଜାର ୫୧୪ ଖଣ୍ଡ ଭୋଟ ପାଇ ବିଜୟୀ  ହୋଇଥିଲେ । ୨୦୧୯ରେ ତତ୍କାଳୀନ ବିଜେଡିର  ଜିଲ୍ଲା ସଭାପତି ରବୀନ୍ଦ୍ର କୁମାର ଜେନାଙ୍କ ସହିତ  ମନୋମାଳିନ୍ୟ କାରଣରୁ ଟିକେଟ୍‌ ନପାଇବା  ଆଶଙ୍କା ମଧ୍ୟ ସୁକାନ୍ତଙ୍କୁ ଘାରିଥିଲା । ପରେ  ସୁକାନ୍ତ ବିଜେଡି ଛାଡ଼ି ବିଜେପିରେ ମିଶି ଶ୍ରୀ  ଷଡ଼ଙ୍ଗୀଙ୍କ ଆସ୍ଥାଭାଜନ ହୋଇ ଦଳୀୟ ଟିକେଟ୍‌  ହାତେଇଥିଲେ । ପୂର୍ବରୁ ବିଜେପି ସଂଗଠନ ବୃଦ୍ଧିରେ ପ୍ରମୁଖ ଭୂମିକା ନେଇଥିବା ସନ୍ତୋଷ ଖଟୁଆଙ୍କ କ୍ଷେତ୍ରରେ ସମଦଶା ଘଟିଥିଲା ।  

ପ୍ରତାପଙ୍କ ସହିତ ମନୋମାଳିନ୍ୟ ଘଟି ଏକଦା ସମାନ୍ତରାଳ ସଂଗଠନ କରିବା ଅଭିଯୋଗରେ ତାଙ୍କୁ ଦଳ ନିଲମ୍ବିତ କରିଥିଲା ସତ ହେଲେ ଧର୍ମେନ୍ଦ୍ର ପ୍ରଧାନ ତାଙ୍କୁ ବିଜେପି ଟିକେଟ୍‌ ଦେବା ପାଇଁ ଅଡ଼ି ବସିଥିଲେ । ପରେ ସେ ନିରାଶ ହୋଇ ବିଜେଡିରେ ଯୋଗ ଦେଇଥିଲେ । ଶ୍ରୀ ଖଟୁଆ ଟିକେଟ୍‌ ହାତେଇଥିଲେ । ବିଜେପିକୁ କଡ଼ା ଟକ୍କର ଦେଇ ସନ୍ତୋଷ ଅଳ୍ପକେ ଅଟକି  ଯାଇଥିଲେ । କଂଗ୍ରେସ ମାତ୍ର ୮ ପ୍ରତିଶତ  ଭୋଟ ପାଇ ଅମାନତ ହରାଇଥିଲା । ସୁକାନ୍ତ  ୬୯ ହଜାର ୫୧୭ ଖଣ୍ଡ ଭୋଟ ପାଇ ବିଜୟୀ  ହୋଇଥିବା ବେଳେ ଶ୍ରୀ ଖଟୁଆ ୬୭ ହଜାର ୯୪୦ ଖଣ୍ଡ ଭୋଟ ପାଇଥିଲେ । ତେବେ  ବିଜେପିରୁ ସାଂସଦ ଭାବେ ବିଜୟୀ ହୋଇଥିବା  ଶ୍ରୀ ଷଡ଼ଙ୍ଗୀ ଓ ସୁକାନ୍ତଙ୍କ ମଧ୍ୟରେ ସବୁ ଠିକ୍‌ଠାକ୍‌ ଚାଲିଥିବା ବେଳେ ଉଭୟଙ୍କ କର୍ମୀମାନଙ୍କ ମଧ୍ୟରେ ଦୂରତା କମିନଥିଲା । ଏଇ କିଛିମାସ ଧରି ବିଜେପିରେ କିଏ ବିଧାୟକ ପ୍ରାର୍ଥୀ ହେବ  (?) ତାହାକୁ ନେଇ ଚର୍ଚ୍ଚା ଜୋର ଧରିଛି । ପ୍ରତାପ ବିଧାୟକ ଭାବେ ଲଢ଼ିବା ଚର୍ଚ୍ଚା ଜୋର ଧରିବାରୁ ସୁକାନ୍ତଙ୍କ ସମର୍ଥକମାନେ ଅଙ୍କ କଷିବା ଆରମ୍ଭ କରିଥିଲେ । କିଛି ଦିନ ଧରି ବିଜେପି ବିଧାୟକ ସୁକାନ୍ତ ବିଜେଡି ଯୋଗାଯୋଗରେ ଥିବା ଶୁଣିବାକୁ ମିଳୁଥିବା ବେଳେ ସେ ଏଭଳି ଆଶଙ୍କାକୁ ଖଣ୍ଡନ କରିଥିଲେ । ସୁକାନ୍ତ  ବିଜେଡିକୁ ଯିବା ଚର୍ଚ୍ଚା ଜୋର ଧରିବା ପରେ ବିଜେପିରେ ହଇଚଇ ସୃଷ୍ଟି ହୋଇଛି ।  

ସେପଟେ ବିଜେଡିରେ ତୁଙ୍ଗନେତାମାନେ  ଆଉ ବାରମ୍ବାର ଦଳବଦଳ ରାଜନୀତିକୁ ହଜମ  କରି ପାରୁନାହାନ୍ତି । ଯଦି ସୁକାନ୍ତ ବିଜେଡିକୁ  ଲମ୍ଫ ପ୍ରଦାନ କରନ୍ତି ନୀଳଗିରି ରାଜନୀତି  ବଦଳିବା ନିଶ୍ଚିତ । ୫ ବର୍ଷ ବିଜେଡି ସଂଗଠନକୁ  ଆଗେଇ ନେବାରେ ପ୍ରମୁଖ ଭୂମିକା ନେଇଥିବା  ଶ୍ରୀ ଖଟୁଆ ସ୍ୱାଧୀନ କିମ୍ବା କଂଗ୍ରେସର ହାତ  ଧରି ପାରନ୍ତି ବୋଲି ଚର୍ଚ୍ଚା ହେଉଛି । ଏପରିକି  ନୀଳଗିରିର ସେବା କରିବାକୁ ପଣ କରିଥିବା  ଶ୍ରୀ ଖଟୁଆ ବିଜେପିକୁ ଫେରି ପାରନ୍ତି । ଏମିତିକି ଶ୍ରୀ ଷଡ଼ଙ୍ଗୀଙ୍କ ବ୍ୟକ୍ତିଗତ ସହାୟକ  ଚନ୍ଦ୍ରବିନ୍ଦୁ ଦାସଙ୍କୁ ମଧ୍ୟ ବିଜେପି ପ୍ରାର୍ଥୀ ଭାବେ  ଘୋଷଣା କରି ଗଡ଼ ଜିତିବାକୁ ଚେଷ୍ଟା କରିବ  ବୋଲି ଶୁଣିବାକୁ ମିଳୁଛି । ତେବେ ସୁକାନ୍ତ ଏ ସମସ୍ତ ଚର୍ଚ୍ଚାକୁ ଖଣ୍ଡନ କରିବା ସହ  ସମୟକୁ ଅପେକ୍ଷା କରିବା ପାଇଁ କହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.