ନୂଆଦିଲ୍ଲୀ, ୦୯/୦୯: ବିଶ୍ୱର ବିଭିନ୍ନ ଦେଶ ସହ ଭାରତରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI)ର ଆବଶ୍ୟକତା ବଢ଼ୁଛି । ପୂର୍ବରୁ ଏଆଇକୁ ନେଇ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ଅଧ୍ୟକ୍ଷ ମୁକେଶ ଅମ୍ବାନୀ କରିଥିବା ଦାବି ରାସ୍ତାରେ ଆଗକୁ ବଢ଼ିଛନ୍ତି । ଏଆଇ ଦୁନିଆରେ ଦବଦବା ଜାହିର୍ ପାଇଁ ରିଲାଏନ୍ସ ବଡ଼ ବୁଝାମଣା କରିଛି । ଡିଲ୍ ଅନୁସାରେ, ଜିଓ ପ୍ଲାଟଫର୍ମ୍ସ କ୍ଲାଉଡ୍ ଆଧାରିତ ଏଆଇ କମ୍ପ୍ୟୁଟ୍ ଲାଗି ମୌଳିକ ଢାଞ୍ଚା ପ୍ରସ୍ତୁତ ପାଇଁ ଚିପ୍ ଡିଜାଇନ୍ ଫାର୍ମ ଏନଭିଡିଆଇଏ ସହ ଚୁକ୍ତି କରିଛି ।
ରୟଟର୍ସରେ ପ୍ରକାଶିତ ରିପୋର୍ଟ ଅନୁସାରେ, ଆମେରିକାର ଚିପ୍ ନିର୍ମାତା କମ୍ପାନୀ ଏନଭିଡିଆଇଏ ସହ ଚୁକ୍ତି ରିଲାଏନ୍ସକୁ ଡିଜିଟାଲ୍ ସେବା, କାରବାରକୁ ପ୍ରୋତ୍ସାହିତ କରିବ । ଅତ୍ୟାଧୁନିକ ସୁପର କମ୍ପ୍ୟୁଟର ନିର୍ମାଣ ପାଇଁ ରିଲାଏନ୍ସ ସହ ଚୁକ୍ତିକୁ ନେଇ ଏନଭିଡିଆଇଏ ସିଇଓ ଜେନସେନ୍ ହୁଆଙ୍ଗ ଖୁସି ବ୍ୟକ୍ତ କରିଛନ୍ତି ।
ବଦଳିବ କି ଦେଶର ନାଁ ? ଜି୨୦ ବୈଠକରେ ପିଏମ୍ ମୋଦୀଙ୍କ ଟେବୁଲରେ ‘ଭାରତ’ ନେମପ୍ଲେଟକୁ ନେଇ ତେଜିଲା ଚର୍ଚ୍ଚା
କମ୍ପାନୀ ଆବଶ୍ୟକ କମ୍ପ୍ୟୁଟିଂ ପାୱାର ଯୋଗାଇ ଦେବ । ଯେତେବେଳେ କି ରିଲାଏନ୍ସ ଏଆଇ ଆପ୍ଲିକେସନ୍ ପ୍ରସ୍ତୁତ ଉପରେ କାମ କରିବ । ସ୍ଥାନୀୟ ଭାଷାରେ ଆପ୍ଲିକେସନ୍ ସହ ପାଣିପାଗ ତଥ୍ୟ, ଫସଲ ମୂଲ୍ୟ ଜାଣିବା ପାଇଁ କୃଷକ କଥା ହୋଇ ପାରିବେ ।
ବିଭିନ୍ନ ରୋଗ ଜାଣିବା ଲାଗି ଏଆଇ ଇମେଜିଂ ସ୍କାନ ସାହାଯ୍ୟ କରିବ । ଏହାଛଡ଼ା ବାୟୁମଣ୍ଡଳର ତଥ୍ୟକୁ ଅନୁଶୀଳନ କରି ଏଆଇ ବାତ୍ୟା ଭଳି ପାଣିପାଗର ପୂର୍ବାନୁମାନ କରି ପାରିବ । ଯାହାଦ୍ୱାରା ପ୍ରଭାବିତଙ୍କୁ ଆଗୁଆ ସ୍ଥାନାନ୍ତରଣ କରାଯାଇ ଧନଜୀବନ ହାନି ରୋକି ହେବ ।
ଲାଲ୍ ଗ୍ରହରେ ୧୨୨ ଗ୍ରାମ୍ ଅମ୍ଳଜାନ ଉତ୍ପନ୍ନ କଲା ମକ୍ସି, ଆଶାଠୁ ଦୁଇଗୁଣ ଅଧିକ ଫଳ ଦେବା ପରେ ମିଶନ୍ ଶେଷ
ସମଗ୍ର ବିଶ୍ୱରେ AI ଆସିବା ପରେ ଲୋକଙ୍କ ଦୈନନ୍ଦିନ ଜୀବନରେ ପରିବର୍ତ୍ତନ ଆସିଛି । ଏପରି ସ୍ଥିତିରେ ରିଲାଏନ୍ସ ଜିଓ ଏହାର ୪୫୦ ମିଲିୟନ ଜିଓ ବ୍ୟବହାରୀଙ୍କ ପାଇଁ AI ଆପ୍ଲିକେସନ ତିଆରି କରିବ । ରିଲାଏନ୍ସର ୪୬ ତମ ବାର୍ଷିକ ସାଧାରଣ ବୈଠକ (AGM)ରେ ମୁକେଶ ଅମ୍ବାନୀଙ୍କ ତରଫରୁ ଏଆଇକୁ ନେଇ ବଡ଼ ଘୋଷଣା କରାଯାଇଥିଲା । ସେ କହିଥିଲେ, ରିଲାଏନ୍ସ ଜିଓ ଭାରତୀୟଙ୍କ ପାଇଁ ଏକ ନୂଆ ଏଆଇ ସିଷ୍ଟମ ବିକଶିତ କରିବ, ଯାହା ବ୍ୟବହାର କରିବାକୁ ଚାଟଜିପିଟି ଭଳି ହେବ ।
