ଭୁବନେଶ୍ୱର, ୧।୩: ରାଜ୍ୟର ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ଅଦାଲତରେ ମୋକଦ୍ଦମା ପରିଚାଳନା କରୁଥିବା ନନ୍ କାଡ୍ରେ ଲ ଅଫିସରମାନଙ୍କ ଡେଲି ଓ ରିଟେନର୍ ପ୍ରାଇସ୍ରେ ୫୦ ପ୍ରତିଶତ ବୃଦ୍ଧି କରାଯାଇଛି । ଏହା ଦ୍ୱାରା ବିଭିନ୍ନ ଅଦାଲତରେ କାର୍ଯ୍ୟରତ ୧୨୧୫ ଜଣ ଉପକୃତ ହେବେ ।
ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ରାଜ୍ୟର ଲ’ ଅଫିସରମାନଙ୍କ ଡେଲି ଓ ରିଟେନର ଫି’ କୁ ବୃଦ୍ଧି କରିଛନ୍ତି । ଏହି ବର୍ଦ୍ଧିତ ଫି ଅନୁଯାୟୀ କାର୍ଯ୍ୟରତ ୧୮୪ ଜଣ ଆଡିସନାଲ ପବ୍ଲିକ୍ ପ୍ରୋସିକ୍ୟୁଟରମାନେ ଡେଲି ଫିଜ୍ ବାବଦରେ ୧ ହଜାର ୨୫୦ ଟଙ୍କା ପାଉଥିବା ବେଳେ ବର୍ତ୍ତମାନ ୧ ହଜାର ୮୭୫ ଟଙ୍କା ପାଇବେ । ସେହିଭଳି ପୂର୍ବରୁ ରିଟେନର ଫି’ ୮ ହଜାର ୨୦୦ ଟଙ୍କା ପାଉଥିବାବେଳେ, ବର୍ତ୍ତମାନ ୧୨ ହଜାର ୩୦୦ ଟଙ୍କା ପାଇବେ । କାର୍ଯ୍ୟରତ ୭୪୦ ଜଣ ଆସିଷ୍ଟାଣ୍ଟ ପବ୍ଲିକ୍ ପ୍ରୋସିକ୍ୟୁଟରମାନେ ପୂର୍ବରୁ ଡେଲି ଫିଜ୍ ବାବଦରେ ୧ ହଜାର ୧୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧ ହଜାର ୬୫୦ ପାଇବେ ।
ରିଟେନର ଫି’ ବାବଦରେ ପୂର୍ବରୁ ୪ ହଜାର ଟଙ୍କା ପାଉଥିବା ବେଳେ ବର୍ତ୍ତମାନ ୬ ହଜାର ଟଙ୍କା ପାଇବେ । ୮୫ ଜଣ ସ୍ପୋଶିଆଲ ପବ୍ଲିକ୍ ପ୍ରୋସିକ୍ୟୁଟରମାନେ ପୂର୍ବରୁ ଡେଲି ଫିଜ୍ ବାବଦରେ ୧ ହଜାର ୨୫୦ ଟଙ୍କା ପାଉଥିବା ବେଳେ ବର୍ତ୍ତମାନ ୧ ହଜାର ୮୭୫ ଟଙ୍କା ପାଇବେ । ରିଟେନର ଫିଜ୍ ବାବଦରେ ପୂର୍ବରୁ ୮ ହଜାର ୨୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୨ ହଜାର ୩୦୦ ଟଙ୍କା ପାଇବେ । ସେହିଭଳି କାର୍ଯ୍ୟରତ ୨୯ ଜଣ ଗଭମେଣ୍ଟ ପ୍ଲିଡର୍ ଏବଂ ୧୧୩ ଜଣ ଆସିଷ୍ଟାଣ୍ଟ ଗଭମେଣ୍ଚ ପ୍ଲିଡର୍ ପୂର୍ବରୁ ରିଟେନର୍ ଫି’ ବାବଦରେ ୮ ହଜାର ୨୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୨ ହଜାର ୩୦୦ ପାଇବେ ।
