ଦାରିଙ୍ଗବାଡି,୩/୩ : ଦାରିଙ୍ଗବାଡ଼ି ଥାନା ଅନ୍ତର୍ଗତ ହିଲଭିୟୁ ଘାଟି ବୁଲାଣିରେ ଦୁର୍ଘଟଣା ଘଟି ଜଣେ ଯୁବକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ୨ଜଣ ଗୁରୁତର ହୋଇଛନ୍ତି । ମୃତକ ଜଣକ ହେଲେ ସୁଗାନକେତା ଗାଁର ପ୍ରିତମ ପ୍ରଧାନ(୧୭) ଓ ଗୁରୁତର ୨ ଜଣ ହେଲେ ସାରୀଙ୍ଗଗ୍ରିପି ଗାଁର ରିମସନ ପ୍ରଧାନ ଓ ବାଦଲ ପ୍ରଧାନ । ପ୍ରିତମଙ୍କ ସହ ଦୁଇ ଜଣ ସାଙ୍ଗ ଏକ ସ୍କୁଟି ଯୋଗେ ଦାରିଙ୍ଗବାଡ଼ିରୁ ନିଜ ଗାଁ ସୁଗାନକେତା କୁ ଯିବା ସମୟରେ ହିଲଭିୟୁ ବୁଲାଣିରେ ଭାରସାମ୍ୟ ହରାଇ ଗାଡ଼ିଟି ଦୁର୍ଘଟଣା ହୋଇଥିଲା । ଫଳରେ ଘଟଣାସ୍ଥଳରେ ହିଁ ପ୍ରିତମଙ୍କ ମୃତ୍ୟୁ ହୋଇଥିଲା । ସ୍ଥାନୀୟ ଲୋକେ ଉଦ୍ଧାର କରି ଦାରିଙ୍ଗବାଡ଼ି ମେଡ଼ିକାଲରେ ଭର୍ତ୍ତି କରିଥିଲେ । ଗୁରୁତର ୨ଜଣଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ରେଫର କରାଯାଇଥିଲା । ଦାରିଙ୍ଗବାଡ଼ି ପୋଲିସ ଏ ନେଇ କେଶ ନମ୍ୱର ୩୬/୨୪ରେ ରୁଜୁ କରି ଘଟଣାର ତଦନ୍ତ କରୁଥିବାବେଳେ ଦୁର୍ଘଟଣା ଗ୍ରସ୍ତ ସ୍କୁଟିକୁ ଜବତ କରାଯାଇଥିବା ଏସଆଇ ଲକ୍ଷ୍ମୀ ମାଝୀ ସୂଚନା ଦେଇଛନ୍ତି।
ଜେଲ୍ରେ ବିଗୁଡ଼ୁଛି ଅରବିନ୍ଦ କେଜ୍ରିଓ୍ବାଲଙ୍କ ସ୍ବାସ...