ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ପାକିସ୍ତାନର ପ୍ରଥମ ମିସ୍‌ ୟୁନିଭର୍ସ ପ୍ରତିଯୋଗୀ, ଗୁଇନ୍ଦା ବ୍ୟୁରୋକୁ ତଦନ୍ତ ନିର୍ଦ୍ଦେଶ

ନୂଆଦିଲ୍ଲୀ ୧୭/୦୯: ପାକିସ୍ତାନକୁ ଦେଶର ଇତିହାସରେ ପ୍ରଥମ କରି ମିସ୍‌ ୟୁନିଭର୍ସ ପ୍ରତିଯୋଗୀ ମିଳିଛନ୍ତି । ତାଙ୍କ ନାମ ଏରିକା ରବିନ୍‌ । ସେ କରାଚିର ଜଣେ ମଡେଲ୍‌ । ବ୍ରହ୍ମାଣ୍ଡ ସୁନ୍ଦରୀ ପ୍ରତିଯୋଗୀ ବାଛିବା ପାଇଁ ପାକିସ୍ତାନ ତରଫରୁ ମାଳଦ୍ୱୀପରେ ଏକ କାର୍ଯ୍ୟକ୍ରମ କରାଯାଇଥିଲା । ତେବେ ପାକିସ୍ତାନ ସରକାର ଏଥିରେ ଖୁସି ହେବା ପରିବର୍ତ୍ତେ ଗୁଇନ୍ଦା ବ୍ୟୁରୋକୁ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଏହା ସରକାରଙ୍କ ଜିହାଦୀ ମାନସିକତା ବୋଲି ପାକିସ୍ତାନର ଲୋକେ ଖୋଲାଖୋଲି କହୁଛନ୍ତି ।

ରିପୋର୍ଟ ଅନୁସାରେ, ପାକିସ୍ତାନ ତରଫରୁ ମିସ୍‌ ୟୁନିଭର୍ସ ପ୍ରତିଯୋଗୀ ବାଛିବା ପାଇଁ ହୋଇଥିବା ଇଭେଣ୍ଟରେ ସରକାରଙ୍କ ଅନୁମତି ନିଆଯାଇ ନ ଥିଲା । କାମଚଳା ପ୍ରଧାନମନ୍ତ୍ରୀ ଅନୱାର ଉଲ୍‌ ହକ୍‌ କାକଡ ପାକିସ୍ତାନର ବିଦେଶ ବିଭାଗ ଏହାର ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି । କାରଣ ଏହି କାର୍ଯ୍ୟକ୍ରମକୁ ପାକିସ୍ତାନ ନୁହେଁ ବରଂ ସଂଯୁକ୍ତ ଆରବ ଏମିରେଟ୍ସ(ୟୁଏଇ) କରାଇଥିଲା । ପାକିସ୍ତାନ ସରକାରଙ୍କ ବିନା ଅନୁମତିରେ କିପରି ଏହି କାର୍ଯ୍ୟକ୍ରମ କରାଗଲା ତାହା ଜାଣିବା ପାଇଁ ୟୁଏଇ ସରକାରଙ୍କ ସହ ଆଲୋଚନା କରିବାକୁ କୁହାଯାଇଛି । 

ଅନ୍ୟପକ୍ଷରେ ଯାଞ୍ଚ ନିର୍ଦ୍ଦେଶ ଦିଆଯିବା ପରେ ପାକିସ୍ତାନର ଲୋକେ ସେଠାକାର ସରକାର ଏବଂ କଠୋରପନ୍ଥୀ ନେତାଙ୍କ ଉପରେ ଅସନ୍ତୋଷ ବ୍ୟକ୍ତ କରିଛନ୍ତି । ପାକିସ୍ତାନୀ ୟୁଟ୍ୟୁବର ଆଲିଆ ଶାହ ଏକ ଭିଡିଓରେ କହିଛନ୍ତି, ଦେଶରେ ଖାଦ୍ୟ ମିଳୁନି, ଲୋକେ ଭୋକରେ ମରୁଛନ୍ତି, ଆତଙ୍କବାଦୀ କାର୍ଯ୍ୟକଳାପ ଚରମରେ ପହଞ୍ଚିଛି, ବିଜୁଳି ବିଲ୍‌ ଦେଖି ଲୋକେ ଆତ୍ମହତ୍ୟା କରୁଛନ୍ତି । କିନ୍ତୁ ସରକାର ଏ ସବୁରେ ଧ୍ୟାନ ନ ଦେଇ ଜଣେ ଝିଅ କିପରି ମିସ୍‌ ୟୁନିଭର୍ସ ପ୍ରତିଯୋଗୀ ହୋଇପାରିବ ତାହାକୁ ନେଇ ତଦନ୍ତ ନିର୍ଦ୍ଦେଶ ଦେବା ଦୁର୍ଭାଗ୍ୟଜନକ ।

ପ୍ରକାଶଥାଉ କି, ୨୪ ବର୍ଷୀୟା ଏରିକା ରବିନ୍‌ଙ୍କ ଜନ୍ମ ପାକିସ୍ତାନର ଏକ ଖ୍ରୀଷ୍ଟିଆନ ପରିବାରରେ ହୋଇଥିଲା । ୨୦୨୦ରୁ ସେ ମଡେଲିଂ ଆରମ୍ଭ କରିଥିଲେ । ୨୦୨୦ ଜୁଲାଇରେ ପାକିସ୍ତାନର ଡିଭା ମାଗାଜିନ୍‌ରେ ତାଙ୍କୁ ସ୍ଥାନିତ କରାଯାଇଥିଲା । ଆସନ୍ତା ନଭେମ୍ବରରେ ସାନ୍‌ ସାଲ୍‌ଭାଡୋରରେ ହେବାକୁ ଥିବା ମିସ୍‌ ୟୁନିଭର୍ସ ପ୍ରତିଯୋଗିତାରେ ତାଙ୍କୁ ପାକିସ୍ତାନ ପକ୍ଷରୁ ପ୍ରତିନିଧିତ୍ୱ କରିବାକୁ ଚୟନ କରାଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.