କଟକ, ୧/୩ : କଟକରେ ପହଞ୍ଚିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଅପରାହ୍ନ ୪ଟା ସମୟରେ ପ୍ରଜାପିତା ବ୍ରହ୍ମାକୁମାରୀ ଇଶ୍ଵରୀୟ ବିଶ୍ବବିଦ୍ୟାଳୟ ସେବାର ୫୦ବର୍ଷ ପୂର୍ତ୍ତି ଉତ୍ସବରେ ଯୋଗ ଦେଇଛନ୍ତି । ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି ।
ଏହି ଅବସରରେ ଆଜି ସକାଳୁ ବ୍ରହ୍ମାକୁମାରୀ ଭାଇ ଭଉଣୀମାନଙ୍କ ତରଫରୁ କଟକରେ ଏକ ବିଶାଳ ମାନବ ଶୃଙ୍ଖଳ କରାଯାଇଥିଲା। କଟକ ଖାନନଗର ମଲାଚଣ୍ଡିଆ ଛକ ଠାରୁ ପୋଲିସ କଲୋନୀ ପର୍ଯ୍ୟନ୍ତ ଏହି ମାନବ ଶୃଙ୍ଖଳ କରାଯାଇଥିଲା । ମଣିଷ ସମାଜ ପ୍ରତ୍ୟକ ନିଜ ନିଜ ହାତ ଧରି ଆଗେଇଲେ ଏକ ସୁନ୍ଦର ଓ ସୁସ୍ଥ ସମାଜ ଗଠନ ହୋଇପାରିବ । ଏହି ଭାବନାକୁ ପ୍ରତିଫଳିତ କରିବା ପାଇଁ ଏହି ମାନବ ଶୃଙ୍ଖଳ କରାଯାଇଥିଲା ବୋଲି ବ୍ରହ୍ମାକୁମାରୀ ସଂସ୍ଥା ପକ୍ଷରୁ କୁହାଯାଇଛି।