ନୂଆଦିଲ୍ଲୀ ୦୧/୦୯: ୟଶରାଜ୍‌ ଫିଲ୍ମସ  ବ୍ୟାନର୍‌ରେ ପ୍ରସ୍ତୁତ ହେବ  ‘ମର୍ଦ୍ଦାନି-୩’ । ନିକଟରେ  ଏହାର ଖୁଲାସା କରିଥିଲେ  ରାଣୀ ମୁଖର୍ଜୀ । ଫିଲ୍ମର  କାହାଣୀ ଉପରେ ପ୍ରଡକ୍ସନ୍‌  ହାଉସ୍‌ କାମ କରୁଥିବା କଥା ସେ  କହିଥିଲେ । ନିଜର ଏକମାତ୍ର ବ୍ଲକ୍‌ବଷ୍ଟର  ଫ୍ରାଞ୍ଚାଇଜି ‘ମର୍ଦ୍ଦାନି’ରେ ରାଣୀ ଜଣେ ନିର୍ଭୀକ ପୁଲିସ  ଅଫିସର ଶିବାନୀ ଶିବାଜୀ ରୟ ଭୂମିକା ନିର୍ବାହ କରିଛନ୍ତି । 

ମହିଳାଙ୍କ ବିରୋଧରେ ହେଉଥିବା ବିଭିନ୍ନ ଅପରାଧିକ କାର୍ଯ୍ୟରେ  ଲିପ୍ତ ଅପରାଧୀଙ୍କୁ ସେ ଧରୁଥିବା ପୂର୍ବ ଦୁଇ ଫିଲ୍ମରେ ପ୍ରଦର୍ଶିତ  ହୋଇଥିଲା । ‘ମର୍ଦ୍ଦାନି-୩’ରେ ମଧ୍ୟ ମହିଳାଙ୍କ ଉପରେ ଫିଲ୍ମଟି  ପର୍ଯ୍ୟବସିତ ହେବ । ଏଥର କିନ୍ତୁ ନାରୀ ସଶକ୍ତୀକରଣ କାହାଣୀ ଫିଲ୍ମରେ ଦେଖିବାକୁ ମିଳିବ ବୋଲି ରାଣୀ କହିଛନ୍ତି ।

ପରଦାରେ  ପୁଣି ଥରେ ଶିବାନୀ ଭୂମିକା ନିର୍ବାହ କରିବାକୁ ସେ ଖୁବ୍‌  ଉତ୍ସାହିତ ଅଛନ୍ତି । ‘ମର୍ଦ୍ଦାନି-୨’ ନିର୍ମାଣ ସମୟରେ ରାଣୀ  ଖୁବ୍‌ ନର୍ଭସ୍‌ ଥିଲେ, କାରଣ ଏହା ପୂର୍ବରୁ ସେ କେବେ  ସିକ୍ୱେଲ କରିନଥିଲେ । ତା’ପରେ ଶିବାନୀ ଚରିତ୍ର   ତାଙ୍କ ରକ୍ତରେ ଜାଗା କରିନେଲା । ଏବେ ସେ   ଏହାକୁ ପୁଣିଥରେ ପରଦାରେ ଉତାରିବାକୁ   ଉତ୍ସାହର ସହ ଅପେକ୍ଷା କରିଛନ୍ତି ।