ଲକ୍ଷ୍ନୌ: ଗାୟିକା, ୟୁଟ୍ୟୁବ ବ୍ଲଗର ତଥା ଅଭିନେତ୍ରୀ ବିଜୟଲକ୍ଷ୍ମୀ ଓରଫ ମଲ୍ଲିକା ରାଜପୁତଙ୍କ ମୃତ୍ୟୁ । ସନ୍ଦେହଜନକ ଅବସ୍ଥାରେ ଅଭିନେତ୍ରୀଙ୍କ ମୃତଦେହ ଜବତ କରିଛି ପୋଲିସ । ଫେବୃଆରୀ ୧୩ରେ ମଲ୍ଲିକାଙ୍କ ମୃତଦେହ ତାଙ୍କ ଘରୁ ଫ୍ୟାନରେ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି । ଉତ୍ତରପ୍ରଦେଶର ସୁଲତାନପୁର ବାସିନ୍ଦା ମଲ୍ଲିକା ଦୀର୍ଘଦିନ ହେଲା ଅବସାଦରେ ରହୁଥିବା ନେଇ ତାଙ୍କ ପଡ଼ୋଶୀ ପୋଲିସକୁ କହିଛନ୍ତି । 

କୋତବାଲି ଥାନାଧିକାରୀ କହିଛନ୍ତି ଯେ, ଗାୟିକା ମଲ୍ଲିକା ଆତ୍ମହତ୍ୟା କରିଥିବା ନେଇ ଆଶଙ୍କା କରାଯାଉଛି । ସେପଟେ ଏହି ମାମଲା ପଛରେ ଘରୋଇ କଳହ ନେଇ ମଧ୍ୟ ପୋଲିସ ସନ୍ଦେହ କରୁଛି । ପୋଲିସ ମୃତଦେହ ଜବତ କରିବା ସହ ବ୍ୟବଚ୍ଛେଦ  ପାଇଁ ପଠାଇଛି । ତେବେ ମଲ୍ଲିକା ରାଜପୁତଙ୍କ ମୃତ୍ୟୁ କିଭଳି ହୋଇଛି ପୋଷ୍ଟମର୍ଟମ ରିପୋର୍ଟ ଆସିଲେ ହିଁ ସ୍ପଷ୍ଟ ହୋଇପାରିବ ।

 ୩୫ ବର୍ଷୀୟା ମଲ୍ଲିକା ରାଜୁପତ ଜଣେ ପ୍ରତିଷ୍ଠିତ ଗାୟିକା ସହ ଜଣେ ଅଭିନେତ୍ରୀ ଥିଲେ । ୨୦୧୪ରେ ଆସିଥିବା କଙ୍ଗନା ରଣାଓ୍ବତ ଅଭିନୀତ ‘ରଭିଲଭର ରାଣୀ’ରେ ସପୋର୍ଟିଂ ରୋଲରେ ନଜର ଆସିଥିଲେ ମଲ୍ଲିକା ରାଜପୁତ ।