ନବରଙ୍ଗପୁର,୩୦/୧୧: ଗୁରୁବାର ନବରଙ୍ଗପୁର ଜିଲ୍ଲାରେ ଗଡ଼ିବ ୪୫ ଲକ୍ଷ୍ମୀ ବସ୍ । ଲକ୍ଷ୍ମୀ ଯୋଜନାର ଶୁଭାରମ୍ଭ ପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଚୂଡ଼ାନ୍ତ ହୋଇସାରିଛି । ସ୍ଥାନୀୟ ସର୍କିଟହାଉସ୍ରେ ଉଦ୍ଘାଟନ ଉତ୍ସବ ପାଇଁ ଅସ୍ଥାୟୀ ଷ୍ଟେଜ୍ କରାଯାଇଛି । କାର୍ଯ୍ୟକ୍ରମକୁ ସାଢ଼େ ୧୦ଟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ଉଦ୍ଘାଟନ କରିବେ ।
ଏଥିପାଇଁ ଭୁବନେଶ୍ୱରରୁ ପରିବହନ ମନ୍ତ୍ରୀ ଟୁକୁନି ସାହୁ, ସଚିବ ଉଷା ପାଢ଼ୀ, ଓଏସ୍ଆର୍ଟିସିର ସିଏମ୍ଡି ଦୀପ୍ତେଶ ପଟ୍ଟନାୟକ ପ୍ରମୁଖ ହେଲିକପ୍ଟରରେ ସକାଳ ୧୦ଟା ସୁଦ୍ଧା ଜିଲ୍ଲା ସଦର ମହକୁମାରେ ଅବତରଣ କରିବାର କାର୍ଯ୍ୟକ୍ରମ ଥିବା ଜିଲ୍ଲାପାଳ ଡ. କମଳଲୋଚନ ମିଶ୍ର କହିଛନ୍ତି ।
