ନୂଆଦିଲ୍ଲୀ – ପ୍ରସିଦ୍ଧ ବ୍ୟାଙ୍କର ଉଦୟ କୋଟକ ପ୍ରାଇଭେଟ୍‌ ସେକ୍ଟରର କୋଟକ ମହିନ୍ଦ୍ରା ବ୍ୟାଙ୍କର ମ୍ୟାନେଜିଂ ଡାଇରେକ୍ଟର (ଏମଡି) ଓ ମୁଖ୍ୟ କାର୍ଯ୍ୟକାରୀ ଅଧିକାରୀ (ସିଇଓ)ପଦରୁ ତତ୍କାଳ ଇସ୍ତଫା ଦେଇଛନ୍ତି। ବ୍ୟାଙ୍କ୍‌ କହିଛି କି ଉଦୟ କୋଟକ ୩୧ ଡିସେମ୍ୱର , ୨୦୨୩ରେ ଅବସର ନେବାର ଥିଲା। ଏହାଠାରୁ ପାଖାପାଖି ୪ ମାସ ପୂର୍ବରୁ ଇସ୍ତଫା ଦେଇଛନ୍ତି। ବ୍ୟାଙ୍କ୍‌ କହିଛି ଜଏଣ୍ଟ ଏମଡି ଦୀପକ ଗୁପ୍ତା ୩୧ ଡିସେମ୍ୱର ଯାଏ ଉଦୟ କୋଟକଙ୍କର ଦାୟିତ୍ୱ ସମ୍ଭାଳିବେ। ୧ ଜାନୁୟାରୀ , ୨୦୨୪ରୁ ନୂଆ ଏମଡି  ଓ ସିଇଓଙ୍କୁ ମଞ୍ଜୁରୀ ପାଇଁ ବ୍ୟାଙ୍କ୍‌ ଆରବିଆଇ ପାଖରେ ଆବେଦନ କରିଛନ୍ତି।

ଏୟାର ଇଣ୍ଡିଆରେ ମିଶିବ ଭିସ୍ତାରା ଏୟାରଲାଇନ୍ସ, ଅନୁମତି ଦେଲା CCI

କଣ କହିଲେ ଉଦୟ କୋଟକ – ଦେଶର ସବୁଠୁ ଧନୀ ବ୍ୟାଙ୍କର ଉଦୟ କୋଟକ ବ୍ୟାଙ୍କର ବୋର୍ଡକୁ ଏକ ଚିଠିରେ ଲେଖିଛନ୍ତି – ମୋ ପାଖରେ ଏବେ ବି ଆଉ କିଛି ମାସ ବାକି ଅଛି , କିନ୍ତୁ ମୁଁ ତତ୍କାଳ ପ୍ରଭାବରେ ନିଜର ଇସ୍ତଫା ଦେଉଛି। ମୁଁ ନିଜର ନିର୍ଣ୍ଣୟ ଉପରେ ବିଚାର କରିଛି ଏବଂ ମୋର ବିଶ୍ୱାସ କି ଏହା କୋଟକ ମହିନ୍ଦ୍ରା ବ୍ୟାଙ୍କ ପାଇଁ ସଠିକ୍‌ ହୋଇଛି।  

କର୍ପୋରେଟ୍‌ ଓ ନିବେଶ ବ୍ୟାଙ୍କିଂର ନିର୍ଦ୍ଦେଶକ ଓ ମୁଖ୍ୟ କେଭିଏସ ମନିୟନ ବା ଶାନ୍ତି ଏକମ୍ୱରମ ଆଗାମୀ ସିଇଓ ହେବାର ଦୌଡ଼ିରେ ଅଛନ୍ତି । କହି ରଖୁଛୁ କି ଶାନ୍ତି ଏକମ୍ୱରମ୍‌ ବର୍ତ୍ତମାନ କୋଟକ ୮୧୧, ଏଚଆର ଓ ଟ୍ରେଜରୀ ଡିପାର୍ଟମେଣ୍ଟରେ ଅଛନ୍ତି । 

 ଏମିତି ଗୁଜବ ପ୍ରଚାରିତ ହେଉଥିଲା -  ଏହା ପୂର୍ବରୁ ମିଡ଼ିଆ ରିପୋର୍ଟରେ କୁହାଯାଇ ଥିଲା କି, ଆରବିଆଇ କୋଟକ ମହିନ୍ଦ୍ରା ବ୍ୟାଙ୍କ୍‌କୁ ଉଦୟ କୋଟକଙ୍କ ପରିବର୍ତ୍ତେ କୌଣସି ବାହାର ବ୍ୟକ୍ତିଙ୍କୁ ଉତ୍ତରାଧିକାରୀ ଭାବେ ନିଯୁକ୍ତ ଦେବାକୁ ପରାମର୍ଶ ଦେଇଛି । ହେଲେ , ପରେ ବ୍ୟାଙ୍କ୍‌ ଏହି ଖବରକୁ ଖାରଦ କରିଦେଇ ଥିଲା । 

ଆରବିଆଇ ନିୟମର ପ୍ରଭାବ –

ସିଇଓଙ୍କ କାର୍ଯ୍ୟକାଳକୁ ସୀମିତ କରିବାକୁ ଆରବିଆଇର ନୂଆ ନିୟମ ଅନୁସାରେ ଉଦୟ କୋଟକଙ୍କ ପାଇଁ ପଦରେ ରହିବା ସମ୍ଭବ ନଥିଲା। କହି ରଖୁଛୁ କି, ଉଦୟ କୋଟକ , କୋଟକ ମହିନ୍ଦ୍ରା ବ୍ୟାଙ୍କକୁ ୧୯୮୫ରେ ନନ୍‌ ବ୍ୟାଙ୍କିଂ ଫାଇନେନ୍ସ କମ୍ପାନୀ ଭାବେ ଆରମ୍ଭ କରିଥିଲେ। ସେ ୨୦୦୩ରେ ଏକ ପୂର୍ଣ୍ଣ କମର୍ସିଆଲ ବ୍ୟାଙ୍କ୍‌ର ଲାଇସେନ୍ସ ମିଳିଲା ପର ଠାରୁ ହିଁ ବ୍ୟାଙ୍କର ନେତୃତ୍ୱ ନେଉଥିଲେ । ଉଦୟ କୋଟକଙ୍କ ପାଖରେ ବ୍ୟାଙ୍କ୍‌ରେ ୨୬ ପ୍ରତିଶତ ସେୟାର ରହିଛି।         

ICICI ଏବଂ PNB ବଢାଇଲେ ହୋମ୍ ଲୋନ୍ ସୁଧ ହାର, ଆଜିଠୁ ଏତେ ପ୍ରତିଶତରେ ମିଳିବ ଲୋନ୍