ନୂଆଦିଲ୍ଲୀ,୭/୧୧ : ଭାରତୀୟ କ୍ରିକେଟ ଟିମ୍ର ମହାନ ଖେଳାଳୀ ବିରାଟ କୋହଲୀ ନିକଟରେ ୪୯ତମ ଦିନିକିଆ ଶତକ ମାରି ଇତିହାସ ରଚିଛନ୍ତି । କୋହଲୀ ଦିନିକିଆ ଫର୍ମାଟରେ ସବୁଠାରୁ ଅଧିକ ଶତକ ମାରିବା ମାମଲାରେ ସଚିନ ତେନ୍ଦୁଲକରଙ୍କ ସମକକ୍ଷ ହୋଇଛନ୍ତି । କୋହଲୀଙ୍କ ଏକ ଭିଡ଼ିଓ ଏବେ ଖୁବ୍ ଭାଇରାଲ ହେବାରେ ଲାଗିଛି । ଯେଉଁରେ ସେ ଏକ ଘରୋଇ ବିମାନରେ ଯାତ୍ରା କରୁଥିବା ଦେଖାଯାଉଛନ୍ତି । କୋହଲୀଙ୍କ ଏହିପରି କାର୍ଯ୍ୟ ଫ୍ୟାନ୍ସମାନଙ୍କୁ ବହୁତ ପସନ୍ଦ ଆସୁଛି । ତାଙ୍କର ଭିଡ଼ିଓ କେତେକ ସୋସିଆଲ ମିଡ଼ିଆ ଆକାଉଣ୍ଟରେ ସେୟାର କରାଯାଇଛି ।
ପ୍ରକାଶ ଯେ, କୋହଲୀଙ୍କ ଏକ ଭିଡ଼ିଓ ଏକ୍ସ(ଟ୍ବିଟ)ରେ ସେୟାର କରାଯାଇଛି । ଏଥିରେ ସେ ଏକ ବିମାନରେ ବସୁଥିବା ଦେଖାଯାଉଛି । ସୋସିଆଲ ମିଡ଼ିଆରେ ଏହା କୁହାଯାଉଛି କି ସେ ଇକୋନମୀ କ୍ଲାସରେ ଯାତ୍ରା କରୁଛନ୍ତି । ଓ୍ବାନ ଇଣ୍ଡିଆ ନ୍ୟୁଜ ଓ୍ବେବସାଇଟରେ ପ୍ରକାଶ ପାଇଥିବା ଏକ ଖବର ଅନୁଯାୟୀ କୋହଲୀ ଭାରତର ଆଗାମୀ ମ୍ୟାଚ ଲାଗି ବେଙ୍ଗାଲୁରରେ ପହଞ୍ଚିଛନ୍ତି । ସେ ବେଙ୍ଗାଲୁର ଯିବା ଲାଗି ଘରୋଇ ବିମାନର ବ୍ୟବହାର କରିଛନ୍ତି ।
mindfckkk! What a day 🥵❤️#ViratKohli pic.twitter.com/Pw3ldnJGZ5
— ASHRiTH (@AshrithNTR) November 6, 2023
ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ୧୨ନଭେମ୍ବରରେ ବେଙ୍ଗାଲୁରରେ ମ୍ୟାଚ୍ ଖେଳାଯିବ । ସେମିଫାଇନାଲ ପୂର୍ବରୁ ବିଶ୍ବକପ ୨୦୨୩ର ଏହା ଶେଷ ମ୍ୟାଚ୍। ଏହାପରେ ୧୫ ଏବଂ ୧୬ନଭେମ୍ବରରେ ପ୍ରଥମ ଏବଂ ଦ୍ବିତୀୟ ସେମିଫାଇନାଲ ମ୍ୟାଚ ଖେଳାଯିବ । ସେହିଭଳି ୧୯ନଭେମ୍ବରରେ ଫାଇନାଲ ମ୍ୟାଚର ଆୟୋଜନ ହେବ ।
ବିରାଟ ଦକ୍ଷିଣ ଆଫ୍ରିକା ବିପକ୍ଷରେ ବ୍ୟାଟିଂ କରି ଇତିହାସ ରଚିଛନ୍ତି । କୋହଲୀ ୧୨୧ବଲରେ ୧୦୧ରନ୍ କରିଛନ୍ତି । ଏହା ତାଙ୍କର ଓ୍ବାନଡେ କ୍ୟାରିୟରର ୪୯ତମ ଶତକ ରହିଛି । ଦିନିକିଆରେ ସବୁଠାରୁ ଅଧିକ ଶତକ ଲଗାଇବାର ରେକର୍ଡ଼ ସଚିନଙ୍କ ନାମରେ ରହିଛି । କୋହଲୀ ଏବେ ପର୍ଯ୍ୟନ୍ତ ୨୮୯ଦିନିକିଆ ମ୍ୟାଚ ଖେଳିଛନ୍ତି । ଏହି ସମୟ ଭିତରେ ୪୯ଶତକ ଏବଂ ୭୦ ଅର୍ଦ୍ଧଶତକ ଲଗାଇଛନ୍ତି । ଏହି ସମୟରେ କୋହଲୀଙ୍କ ସର୍ବଶ୍ରେଷ୍ଠ ସ୍କୋର ୧୮୩ରନ ରହିଛି ।
