ଭୁବନେଶ୍ୱର,୨୭/୦୨: ଆସନ୍ତା ୩ ତାରିଖ ଯାଏ ରାଜ୍ୟରେ ବର୍ଷା ସମ୍ଭାବନା ଅଛି । ପଶ୍ଚିମ ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ୨୯ ତାରିଖରେ ନବରଙ୍ଗପୁର, ନୂଆପଡ଼ା, କୋରାପୁଟ,  ରାୟଗଡ଼ା, କଳାହାଣ୍ଡି, ବଲାଙ୍ଗୀର ଓ କନ୍ଧମାଳରେ ବର୍ଷା ସମ୍ଭାବନା ଅଛି । 

୧ରେ ବରଗଡ଼, ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଝାରସୁଗୁଡ଼ା  ଏବଂ ୨ରେ ପଶ୍ଚିମ ଓଡ଼ିଶା ଓ ଉତ୍ତର ଓଡ଼ିଶାରେ ହାଲୁକା ବର୍ଷା ସମ୍ଭାବନା ଅଛି । ୩ରେ ଉତ୍ତର ଓଡ଼ିଶାର କିଛି ସ୍ଥାନରେ ବର୍ଷା ହେବ ବୋଲି ବିଭାଗ  ପୂର୍ବାନୁମାନ କରିଛି । 

ଗତ ୨୪ରେ ପୋଲସରାରେ ୭୦ମିମି, କଳାହାଣ୍ଡିର ମ.ରାମପୁରରେ ୪୯, ବଲାଙ୍ଗୀର ବେଲଗାଁରେ ୩୬.୪, ହିନ୍ଦୋଳରେ  ୩୪, ଲାଞ୍ଜିଗଡ଼ରେ ୨୮.୨, କର୍ଲାମୁଣ୍ଡାରେ ୨୩, ଆଠମଲ୍ଲିକରେ ୨୦, ଆସ୍କାରେ ୧୯ ଓ ନିମାପଡ଼ାରେ ୧୨.୪ ମିମି ବର୍ଷା ରେକର୍ଡ ହୋଇଛି ।