ନୂଆଦିଲ୍ଲୀ ୨୧/୧୧: ହିନ୍ଦୁ ଧର୍ମରେ ତୁଳସୀ ଗଛର ବିଶେଷ ମହତ୍ତ୍ୱ ରହିଛି। ଗୋଟିଏ ପଟେ ତୁଳସୀକୁ ଘରେ ପୂଜା କରାଯାଉଥିବାବେଳେ ଅନ୍ୟ ପଟେ ତୁଳସୀର ଅନେକ ଔଷଧୀୟ ଗୁଣ ରହିଛି। ତୁଳସୀ ଦୁଇ ପ୍ରକାରର, ଗୋଟିଏ ରାମା ତୁଳସୀ ଏବଂ ଅନ୍ୟଟି ଶ୍ୟାମା ତୁଳସୀ। ରାମା-ଶ୍ୟାମ ଉଭୟ ତୁଳସୀ ଘରେ ଲଗାଯାଏ। କିନ୍ତୁ ଜାଣନ୍ତି କି ରାମା ଓ ଶ୍ୟାମା ତୁଳସୀ ମଧ୍ୟରେ ପାର୍ଥକ୍ୟ କ’ଣ? ଘରେ କେଉଁ ତୁଳସୀ ଲଗାଇବା ଶୁଭ? ଆସନ୍ତୁ ଜାଣିବା ସେ ବିଷୟରେ...

ରାମା ତୁଳସୀ କ’ଣ ?

ଅଧିକାଂଶ ଘରେ ସବୁଜ ପତ୍ର ଥିବା ତୁଳସୀ ଗଛ ଆପଣ ନିଶ୍ଚୟ ଦେଖିଥିବେ। ଏହାକୁ ରାମା ତୁଳସୀ, ଉଜ୍ୱଳ ତୁଳସୀ, ଶ୍ରୀ ତୁଳସୀ ଏବଂ ଭାଗ୍ୟ ତୁଳସୀ କୁହାଯାଏ। ରାମା ତୁଳସୀର ସ୍ୱାଦ ସାମାନ୍ୟ ମିଠା । ରାମା ତୁଳସୀ ଆପଣଙ୍କ ସୁଖ, ସମୃଦ୍ଧି ଏବଂ ପ୍ରଗତି ବୃଦ୍ଧି କରିଥାଏ।

ଶ୍ୟାମା ତୁଳସୀ କ’ଣ ?

ଏକ ତୁଳସୀ କଳା ଏବଂ ଗାଢା ବାଇଗଣୀ ରଙ୍ଗର ହୋଇଥାଏ, ଏହାକୁ ଶ୍ୟାମା ତୁଳସୀ କୁହାଯାଏ। ଏହାର ସାମାନ୍ୟ କଳା ରଙ୍ଗ ହେତୁ ଏହାକୁ କୃଷ୍ଣ ତୁଳସୀ ମଧ୍ୟ କୁହାଯାଏ । ଶ୍ୟାମା ତୁଳସୀର ସ୍ୱାଦ ରାମା ତୁଳସୀ ପରି ମିଠା ନୁହେଁ। କିନ୍ତୁ ଶ୍ୟାମା ତୁଳସୀର ଅଧିକ ଔଷଧୀୟ ଗୁଣ ରହିଛି।

ଘରେ କେଉଁ ତୁଳସୀ ଲଗାଇବା ଉଚିତ୍‌ ?

ଆପଣ ନିଜ ଘରେ ଉଭୟ ରାମା ଏବଂ ଶ୍ୟାମା ତୁଳସୀ ଗଛ ଲଗାଇ ପାରିବେ।  କିନ୍ତୁ ପୂଜାପାଠ ଦୃଷ୍ଟିରୁ ଘରର ପ୍ରାଙ୍ଗଣରେ ରାମା ତୁଳସୀ ଗଛ ଲଗାଇବା ଉଚିତ୍। ରାମା ତୁଳସୀ ଲଗାଇବା ଦ୍ୱାରା ଘରେ ସୁଖ-ସମୃଦ୍ଧି ବଢିଥାଏ। ଏବଂ ଏହା ନକାରାତ୍ମକତା ଦୂର କରିଥାଏ।