ଆନନ୍ଦପୁର, ୧୬/୧୧ : ଜେନେରେଟରରେ ପୋଡ଼ି ହୋଇ ମହିଳା ଗୁରୁତର। କେନ୍ଦୁଝର ଜିଲ୍ଲା ଆନନ୍ଦପୁର ଥାନା ମାରଣହାଣ୍ଡି ଗାଁରେ ଏଭଳି ଅଭାବନୀୟ ଘଟଣା ଘଟିଛି। ମହିଳାଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି।
ସୂଚନାନୁଯାୟୀ, ଆନନ୍ଦପୁର ଥାନା ମାରଣହାଣ୍ଡି ଗାଁରେ ବୁଧବାର ଅପେରା ହେଉଥିଲା। ଗାଁର ଯମୁନା ବୁଡିଉଳି ଅପେରା ଦେଖିବାକୁ ଯାଇଥିଲେ। ତାଙ୍କୁ ପରିସ୍ରା ଲାଗିବାରୁ ସେ ଟେଣ୍ଟରୁ ବାହାରିବା ସମୟରେ ଜେନେରେଟର ସଂସ୍ପର୍ଶରେ ଆସିଥିଲେ। ଯମୁନା ଜେନେରେଟରରେ ପୋଡିହୋଇ ଗୁରୁତର ହୋଇଥିଲେ। ତାଙ୍କୁ ପ୍ରଥମେ ଆନନ୍ଦପୁର ଡାକ୍ତରଖାନା ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି। ଯମୁନାଙ୍କୁ ଦୁଇ ଗୋଡ ପୋଡିଯାଇଥିବା ସୂଚନା ମିଳିଛି।
