ନୂଆଦିଲ୍ଲୀ,୦୩/୦୩: ରବିବାଣଠୁ ଇଟାଲୀ ଠାରେ ଆରମ୍ଭ ହେଉଛି ବିଶ୍ୱ ବକ୍ସିଂ ଯୋଗ୍ୟତା ପର୍ଯ୍ୟାୟ ଟୁର୍ଣ୍ଣାମେଣ୍ଟ । ଏଥିରେ ଭାରତରୁ ମୋଟ ୯ଜଣ (୭ ପୁରୁଷ, ୨ ମହିଳା) ବକ୍ସର ଭାଗ ନେବେ । ଆଗାମୀ ପ୍ୟାରିସ୍ ଅଲିମ୍ପିକ୍ ପାଇଁ ଏହା ଯୋଗ୍ୟତା ଟୁର୍ଣ୍ଣାମେଣ୍ଟ । ଫଳରେ ଭାରତୀୟ ବକ୍ସରମାନେ ଶ୍ରେଷ୍ଠ ପ୍ରଦର୍ଶନ ଦେଇ ଅଲିମ୍ପିକ୍ ଟିକେଟ୍ ହାତେଇବାକୁ ଲକ୍ଷ୍ୟ ରଖିଛନ୍ତି ।
ଟୁର୍ଣ୍ଣାମେଣ୍ଟରେ ମୋଟ ୪୯ଟି ଅଲିମ୍ପିକ୍ କୋଟା ସ୍ଥାନ ରହିଛି । ବର୍ଗରେ ସେମି ଫାଇନାଲ୍ରେ ପ୍ରବେଶ କଲେ କୋଟା ସ୍ଥାନ ପକ୍କା ହୋଇଯିବ । ପୁରୁଷ ବର୍ଗରେ ଷ୍ଟାର୍ ବକ୍ସର ଶିବା ଥାପା (୬୩.୫କିଲୋ), ନିଶାନ୍ତ ଦେବ (୭୧କିଲୋ) ଓ ଦୀପକ ଭୋରିଆ (୫୧କିଲୋ)ଙ୍କ ଉପରେ ସମସ୍ତଙ୍କ ନଜର ରହିବ । ଇତିମଧ୍ୟରେ ଭାରତରୁ ୪ଜଣ ମହିଳା ବକ୍ସର ନିଖତ ଜରିନ, ପ୍ରୀତି ପାୱାର, ପରବୀନ ହୁଡ଼ା ଏବଂ ଲଭ୍ଲିନା ବୋର୍ଗୋହେଁ ଅଲିମ୍ପିକ୍କୁ ଯୋଗ୍ୟତା ଅର୍ଜନ କରି ସାରିଛନ୍ତି ।
ଭାରତୀୟ ଦଳ: ମହିଳା- ଜସ୍ମିନ ଲାମ୍ବୋରିଆ (୬୦କିଲୋ), ଅଙ୍କୁଶିତା ବୋରୋ (୬୬କିଲୋ) । ପୁରୁଷ- ଦୀପକ ଭୋରିଆ (୫୧କିଲୋ), ମହମ୍ମଦ ହୁସାମୁଦ୍ଦିନ (୫୭କିଲୋ), ଶିବା ଥାପା (୬୩.୫କିଲୋ), ନିଶାନ୍ତ ଦେବ (୭୧କିଲୋ), ଲକ୍ଷ୍ୟ ଚହର (୮୦କିଲୋ), ସଞ୍ଜିତ (୯୨କିଲୋ), ନରେନ୍ଦର ବରୱାଲ (୯୨କିଲୋରୁ ଊଦ୍ଧ୍ୱର୍) ।
