ପ୍ରମୂଖ ଖବର
  • ଜଗନ ମୋହନ ରେଡ୍ଡୀଙ୍କ ବିରୋଧରେ ହତ୍ୟା ଉଦ୍ୟମ ମାମଲା, ହୋଇପାରନ୍ତି ଗିରଫ
  • ||
  • ଦକ୍ଷିଣ ମୋଡ଼ ନେଇ ନାକଚଣା ଦ୍ୱାରରେ ଲାଗିଲା ତାଳଧ୍ୱଜ, ଦର୍ପଦଳନ, ଆଜି ନନ୍ଦିଘୋଷର ଦକ୍ଷିଣ ମୋଡ଼
  • ||
  • ଆସୁଛି ଲଘୁଚାପ: ରବିବାରଠାରୁ ରାଜ୍ୟରେ ପ୍ରବଳ ବର୍ଷା, ୧୫ରୁ ୨୧ ଯାଏଁ ଉପକୂଳ ଏବଂ ଦକ୍ଷିଣ ଓଡ଼ିଶାରେ ବର୍ଷିବ
  • ||

ଡବ୍ଲ୍ୟୁଏଚ୍‌ଓ ରିପୋର୍ଟ: ୨୦୨୨ରେ ୭୫ ଲକ୍ଷ ଟିବିରେ ହୋଇଛନ୍ତି ଆକ୍ରାନ୍ତ

ନୂଆଦିଲ୍ଲୀ,୦୯/୧୧: ଗତବର୍ଷ ଅର୍ଥାତ୍‌ ୨୦୨୨ରେ ବିଶ୍ୱରେ ରେକର୍ଡ ସଂଖ୍ୟାରେ ୭୫ ଲକ୍ଷ ଲୋକଟ୍ୟୁବରକ୍ୟୁଲୋସିସ୍‌(ଟିବି) ବା ଯକ୍ଷ୍ମାରେ ଆକ୍ରାନ୍ତ ହୋଇଥିବା ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲ୍ୟୁଏଚ୍‌ଓ) କହିଛି । ୧୯୯୫ରୁ ଡବ୍ଲ୍ୟୁଏଚ୍‌ଓ ଟିବି ଆକ୍ରାନ୍ତଙ୍କ ସଂଖ୍ୟା ଆକଳନ କରିବା ପରଠାରୁ ଏହି ସଂଖ୍ୟା ସର୍ବାଧିକ । ୧୯୨ ଦେଶ ଏବଂ ଅନ୍ୟ ଏରିଆରୁ ସଂଗୃହୀତ ଡେଟା ଅନୁସାରେ ଡବ୍ଲ୍ୟୁଏଚ୍‌ଓ ଏହି ରିପୋର୍ଟ ପ୍ରକାଶ କରିଛି । 

ଡବ୍ଲ୍ୟୁଏଚ୍‌ଓର ୨୦୨୩ ଗ୍ଲୋବାଲ ଟିବି  ରିପୋର୍ଟ ଅନୁସାରେ,୨୦୨୨ରେ ୧ କୋଟି ୬  ଲକ୍ଷ ଲୋକ ଟିବିରେ ଅସୁସ୍ଥ ହୋଇଥିବା ଚିହ୍ନଟ ହୋଇଥିଲା । ୨୦୨୧ରେ ଏହା ୧ କୋଟି ୩ ଲକ୍ଷ  ରହିଥିଲା । କୋଭିଡ୍‌କୁ ବାଦ ଦେଲେ ୨୦୨୨ରେ  ଦ୍ୱିତୀୟ ସର୍ବାଧିକ ମୃତ୍ୟୁ ଟିବି ଯୋଗୁ ହୋଇଛି । ତେବେ ଅନେକ ସ୍ଥାନରେ ସ୍ୱାସ୍ଥ୍ୟସେବା ପହଞ୍ଚ ହୋଇପାରିଥିବାରୁ ବହୁସଂଖ୍ୟାରେ ଲୋକ ଏଥିରୁ ଆରୋଗ୍ୟ ଲାଭ କରିଛନ୍ତି । ଆଗକୁ ଟିବି ଆକ୍ରାନ୍ତଙ୍କ ସଂଖ୍ୟା ହ୍ରାସ କରିବା ପାଇଁ ସ୍ୱାସ୍ଥ୍ୟ ସେବାକୁ ଅଧିକ ଲୋକଙ୍କ ନିକଟରେ ଉପଲବ୍ଧ କରାଇବାକୁ ପଡ଼ିବ ବୋଲି ଡବ୍ଲ୍ୟୁଏଚ୍‌ଓ କହିଛି ।  ୨୦୨୦ ଏବଂ ୨୦୨୧ରେ ଟିବି ଆକ୍ରାନ୍ତ ସଂଖ୍ୟା ହ୍ରାସରେ ବୈଶ୍ୱିକ ସ୍ତରରେ ଭାରତ,  ଇଣ୍ଡୋନେସିଆ ଏବଂ ଫିଲିପାଇନ୍ସର ଯୋଗଦାନ ୬୦%ରୁ ଅଧିକ ରହିଛି । 

୨୦୨୨ରେ ଏହି  ଦେଶଗୁଡ଼ିକରେ ଟିବି ଆକ୍ରାନ୍ତଙ୍କ ସଂଖ୍ୟା ୨୦୨୯  ସ୍ତରରେ ପହଞ୍ଚିଥିଲା । ବୈଶ୍ୱିକ ସ୍ତରରେ ଦକ୍ଷିଣ- ପୂର୍ବ ଏସିଆର ସର୍ବାଧିକ (୪୬ ପ୍ରତିଶତ)  ଟିବି ଆକ୍ରାନ୍ତ ଥିବାବେଳେ ଆଫ୍ରିକାରେ ୨୩%,  ପଶ୍ଚିମ ପ୍ରଶାନ୍ତ ମହାସାଗରୀୟ ଅଞ୍ଚଳରେ ୧୮%,  ପୂର୍ବ ଭୂମଧ୍ୟ ସାଗରୀୟ ଅଞ୍ଚଳରେ ୮.୧%,  ଆମେରିକାରେ ୩.୧% ଏବଂ ୟୁରୋପରେ  ୨.୨% ଏଥିରେ ପୀଡ଼ିତ । ଟିବି ସହ ଜଡ଼ିତ ମୃତ୍ୟୁସଂଖ୍ୟା ୨୦୨୨ରେ ୧୩ ଲକ୍ଷ ଥିଲା ।  ୨୦୨୧ରେ ତାହା ୧୪ ଲକ୍ଷ ରହିଥିଲା ।  

ଡବ୍ଲ୍ୟୁଏଚ୍‌ଓ ମହାନିର୍ଦ୍ଦେଶକ ଟେଡ୍ରୋସ୍‌  ଅଧୋନମ୍‌ ଘେବ୍ରେୟସ୍‌ କହିଛନ୍ତି, ସହସ୍ର  ଶତାବ୍ଦୀ ପର୍ଯ୍ୟନ୍ତ ଆମ ପୂର୍ବପୁରୁଷମାନେ  ଟିବିରେ ଆକ୍ରାନ୍ତ ହେଉଥିଲେ ଏବଂ ମୃତ୍ୟୁବରଣ  କରୁଥିଲେ । ସେମାନଙ୍କୁ ମୃତ୍ୟୁର କାରଣ ମଧ୍ୟ  ଜଣା ନ ଥିଲା । ଆଜି ଆମ ପାଖରେ ଜ୍ଞାନ, ଉପକରଣ ଅଛି । ଆମ ନିକଟରେ ରାଜନୈତିକ  ପ୍ରତିବଦ୍ଧତା ଅଛି । ତେଣୁ ଆମକୁ ଟିବି କାହାଣୀର  ଅଧ୍ୟାୟକୁ ଶେଷ କରିବାକୁ ପଡ଼ିବ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.