ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ଦାଦନ ଖଟିବାକୁ ଯାଇ ହାଇଦ୍ରାବାଦରେ ମହିଳା ଶ୍ରମିକ ମୃତ

ଝରିଗାଁ, ୩୦।୬: ଦାଦନ ଖଟିବାକୁ ଯାଇ ହାଇଦ୍ରାବାଦରେ ଜଣେ ମହିଳା ଶ୍ରମିକ ମୃତ୍ୟୁ ହୋଇଥିବା ସୂଚନା । ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ ଚିତାବେଡ଼ା ଗ୍ରାମର ପଦମନ ହରିଜନଙ୍କ ସ୍ତ୍ରୀ ୫୫ ବର୍ଷୀୟ ମନମତି ହରିଜନ ଦାଦନ ଖଟିବା ପାଇଁ ହାଇଦ୍ରାବାଦ ଯାଇଥିଲେ । ଅସୁସ୍ଥତା କାରଣରୁ ଗତ ଶୁକ୍ରବାର ରାତିରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି ।

ସୂଚନା ଅନୁସାରେ, ଚିତାବେଡ଼ା ଗ୍ରାମର ପଦମନ ଏବଂ ମନମତି ଆଗରୁ ବହୁବାର ଦାଦନ ଖଟିବା ପାଇଁ ବାହାର ରାଜ୍ୟକୁ ଯାଆନ୍ତି । କିଛି ଟଙ୍କା ରୋଜଗାର କରି ଘରକୁ ଫେରନ୍ତି । ତେବେ ଗତ ପ୍ରାୟ ୨୫ ଦିନ ତଳେ ଉଭୟ ସ୍ୱାମୀ ଏବଂ ସ୍ତ୍ରୀ ହାଇଦ୍ରାବାଦ ଅଞ୍ଚଳର କୌଣସି ଏକ ଗ୍ରାମର ଇଟା ଭାଟିରେ କାମ କରିବା ପାଇଁ ଯାଇଥିଲେ । ଗତ ଗୁରୁବାର ଦିନ ମନମତିଙ୍କର ହଠାତ୍ ସ୍ୱାସ୍ଥ୍ୟ ଖରାପ ହୋଇଥିଲା । ଜ୍ଵର ଅଧିକ ହେବା ସହ ବାନ୍ତି ଏବଂ ଶରୀର ପୀଡ଼ା ହୋଇଥିଲା । ଠିକାଦାର ଏହି ଖବର ପାଇବା ପରେ ତୁରନ୍ତ ସ୍ଥାନୀୟ ଡାକ୍ତରଖାନାରେ ତାଙ୍କୁ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ପୁନର୍ବାର ଶ୍ରମିକମାନେ ରହୁଥିବା ଘରେ ଛାଡ଼ି ଦେଇଥିଲେ । 

ପୁଣି ଥରେ ତାଙ୍କର ଶୁକ୍ରବାର ଦିନ ସ୍ୱାସ୍ଥ୍ୟବସ୍ଥା ଗୁରୁତର ହୋଇଥିଲା । ଶେଷରେ ଘରେ ହିଁ ସେହି ଦିନ ରାତି ପ୍ରାୟ ୧୧ଟା ସମୟରେ ମନମତିଙ୍କ ମୃତ୍ୟୁ ହୋଇଥିଲା । ପରେ ଠିକାଦାର ଏକ ଆମ୍ବୁଲାନ୍ସ ଯୋଗେ ଝରିଗାଁ ପଠାଇବାର ବ୍ୟବସ୍ଥା କରିଥିଲେ । ଗତକାଲି ରାତି ୮ଟା ୩୦ ସମୟରେ ତାଙ୍କ ମୃତଦେହ ଗାଁରେ ପହଞ୍ଚିଥିଲା । ପରେ ଗାଁ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ଖବର ପ୍ରସାର ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.