ନୂଆଦିଲ୍ଲୀ, ୩/୯ : ହରିୟାଣା ବିଧାନସଭା ନିର୍ବାଚନ ଲାଗି ଆଗାମୀ ମାସରେ ହେବାକୁ ଥିବା ଭୋଟିଂ ପୂର୍ବରୁ କଂଗ୍ରେସ ଦଳରେ ମାନସମନ୍ଥନ ଜାରି ରହିଛି । ସୋମବାର କଂଗ୍ରେସ ନିର୍ବାଚନ କମିଟିର ବୈଠକ ହୋଇଥିଲା । ଯେଉଁଥିରେ ପ୍ରାର୍ଥୀଙ୍କ ନାଁ ଉପରେ ଚର୍ଚ୍ଚା ହୋଇଛି । ଏହାସହ ରାହୁଲ ଗାନ୍ଧୀ ଦଳୀୟ ନେତାଙ୍କୁ ହରିୟାଣାରେ ଆମ ଆଦମୀ ସହ ଗଠବନ୍ଧନ ଉପରେ ପରାମର୍ଶ ମାଗିଛନ୍ତି । କଂଗ୍ରେସ ସହ ଗଠବନ୍ଧନ ଉପରେ ଏବେ ଆପର ପ୍ରତିକ୍ରିୟା ଆସିଛି ଏବଂ ଗଠବନ୍ଧନ ଉପରେ ଦିଲ୍ଲୀ ସରକାରରେ କ୍ୟାବିନେଟ ମନ୍ତ୍ରୀ ଆତିଶି ଦଳର ଯୋଜନା ବିଷୟରେ ଖୁଲାସା ବି କରିଛନ୍ତି । ପ୍ରକାଶ ଯେ, ଏହା ପୂର୍ବରୁ କଂଗ୍ରେସ ଏବଂ ଆପ୍ ଲୋକସଭା ନିର୍ବାଚନ ସମୟରେ ଦିଲ୍ଲୀ ଏବଂ ହରିୟାଣାରେ ଗଠବନ୍ଧନରେ ନିର୍ବାଚନ ଲଢିଥିଲେ ।

ହରିୟାଣାରେ କଂଗ୍ରେସ ଏବଂ ଆମ ଆଦମୀ ପାର୍ଟିର ଗଠବନ୍ଧନ ଉପରେ ଦିଲ୍ଲୀ ସରକାରରେ କ୍ୟାବିନେଟ ମନ୍ତ୍ରୀ ଆତିଶି କହିଛନ୍ତି ରାହୁଲ ଗାନ୍ଧୀ କଂଗ୍ରେସ ନେତାଙ୍କ ରାୟ ମାଗିଛନ୍ତି ଏବଂ ଏହାର ଜବାବ ତାଙ୍କ କଂଗ୍ରେସ ନେତା ଦେବେ । ଆମକୁ ଗଣମାଧ୍ୟମରୁ ଏହି ଖବର ମିଳିଛି । ହରିୟାଣାରେ ଗଠବଦନ୍ଧନ ଉପରେ ଯେତେବେଳେ ଅରବିନ୍ଦ କେଜ୍ରିଓ୍ବାଲ ବାହାରକୁ ଆସିବେ ଏହାପରେ ନିଷ୍ପତ୍ତି ହୋଇପାରିବ । 

ଆପ ହରିୟାଣା ଅଧ୍ୟକ୍ଷ ସୁଶୀଲ ଗୁପ୍ତା କହିଛନ୍ତି କି, ଆମ ଆଦମୀ ପାର୍ଟିର ରାଷ୍ଟ୍ରୀୟ ନେତୃତ୍ବଙ୍କ ଆଦେଶାନୁସାରେ ଆମେ ସମସ୍ତ ୯୦ସିଟରେ ପ୍ରସ୍ତୁତ କରୁଛୁ । ପ୍ରତିଟି ବିଧାନସଭା‌ରେ ଆମ ବୈଠକ ହେଉଛି । ଆମେ ବାରମ୍ବାର କାର୍ଯ୍ୟକ୍ରମ ଆୟୋଜିତ କରୁଛୁ । ଆମେ ୧୫ଦିନରେ ୪୦ ଆହୁରି କାର୍ଯ୍ୟକ୍ରମ ଆୟୋଜିତ କରିବୁ । ଆମ ଆଦମୀ ପାର୍ଟି ୯୦ସିଟରେ ପୂରା ପ୍ରସ୍ତୁତ କରୁଛି । ଆମ ଆଦମୀ ପାର୍ଟି ବହୁମତ ସରକାର କରିବା ସହ ବ୍ୟବସ୍ଥା ପରିବର୍ତ୍ତନ ଲାଗି ସଂଘର୍ଷ କରୁଛି । ହରିୟାଣାରେ କଂଗ୍ରେସ ସହ ଗଠବନ୍ଧନ ବିଷୟରେ ପଚରାଯିବା ଉପରେ ସେ କହିଛନ୍ତି ଏହି ନିଷ୍ପତ୍ତି ହାଇକମାଣ୍ଡ ନେବେ ।