ପୁଞ୍ଚ : ସୁରକ୍ଷା ବାହିନୀର ଦୁଇଟି ଗାଡ଼ି ଉପରକୁ ଆତଙ୍କବାଦୀଙ୍କ ଗୁଳି ଚାଳନା। ଉକ୍ତ ଘଟଣାଟି ଶନିବାର ସନ୍ଧ୍ୟାରେ ଜମ୍ମୁ-କାଶ୍ମୀରର ପୁଞ୍ଚ ଜିଲ୍ଲାରେ ଘଟିଛି। ଅଧିକାରୀମାନେ ଏହି ସୂଚନା ଦେଇଛନ୍ତି। ଅଧିକାରୀଙ୍କ ମୁତାବିକ୍ , ଫାୟାରିଂର ଏହି ଘଟଣାରେ ୫ ଯବାନ ଆହତ ହୋଇଛନ୍ତି। ଅଧିକାରୀମାନେ କହିଛନ୍ତି କି ସୁରନକୋଟ୍ର ସନାଇ ଗାଁରେ ଫାୟାରିଂର ସୂଚନା ମିଳିଛି ଏବଂ ଅଧିକ ତଥ୍ୟ ପାଇଁ ସେନା ଓ ପୁଲିସର ଯବାନଙ୍କୁ ପ୍ରଭାବିତ ଅଞ୍ଚଳକୁ ପଠାଯାଇଛି।
ଅଧିକାରୀମାନେ କହିଛନ୍ତି କି ପୁଞ୍ଚ ଜିଲ୍ଲାର ମେଧାତ ଉପମଣ୍ଡଳର ଗୁରସାଇ ମୁରିରେ ଏକ ସରକାରୀ ଉଚ୍ଚତର ମାଧ୍ୟମିକ ବିଦ୍ୟାଳୟ ପାଖରେ ସନ୍ଦିଗ୍ଧ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଫାୟରିଂ ହୋଇଥିଲା।
ସୂତ୍ରାନୁସାରେ ଜଣାପଡ଼ିଛି, ବନ୍ଧୁକଧାରୀ ଆତଙ୍କବାଦୀମାନେ ସରକାରୀ ସ୍କୁଲ ପାଖ ଏମଇଏସ ଓ ଆଇଏଏଫ୍ ଗାଡ଼ି ଉପରକୁ ଗୁଳି ବର୍ଷା କରି ଥିଲେ, ଏହାପରେ ସୁରକ୍ଷାକର୍ମୀଙ୍କୁ ଜବାବୀ କାର୍ଯ୍ୟାନୁଷ୍ଠାନ ନେବାକୁ ପଡ଼ିଥିଲା। ଅନନ୍ତନାଗ-ରାଜୌରୀ-ପୁଞ୍ଚ ଲୋକସଭା ଅଞ୍ଚଳରେ ଫାୟାରିଂ ହୋଇଛି, ଯେଉଁଠି ନିର୍ବାଚନ ଆୟୋଗ ଦ୍ୱାରା ମତଦାନ ପୁନଃ ନିର୍ଦ୍ଧାରିତ କରାଯାଇଛି। ଏବେ ୨୫ ମେ’ରେ ମତଦାନ ହେବ।