କଟକ,୧୩।୮ : ଏସସିବି ମେଡିକାଲରେ ଜଣେ  ଜୁନିୟର ଡାକ୍ତର  ରୋଗୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି। ଏ ନେଇ ଡାକ୍ତରଙ୍କ ବିରୋଧରେ ରୋଗୀଙ୍କ ସମ୍ପର୍କୀୟ ମଙ୍ଗଳାବାଗ ଥାନାରେ ଏତଲା ଦେଇଛନ୍ତି। ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି। 

ଗତ ୧୧ ତାରିଖରେ ମହିଳା ଜଣକ କାର୍ଡିଓଲୋଜି ବିଭାଗକୁ ଇକୋ କରିବାକୁ ଆସିଥିଲେ।  ଏହି ସମୟରେ ମହିଳାଙ୍କୁ ଜଣେ ଜୁନିୟର ଡାକ୍ତର ଅସଦାଚରଣ କରିଥିବା ଅଭିଯୋଗ ହୋଇଥିଲା।ଉକ୍ତ ଡାକ୍ତରଙ୍କ ନାଁରେ ରୋଗୀ ସମ୍ପର୍କୀୟ ମଙ୍ଗଳାବାଗ ଥାନାରେ ଏତଲା ଦେଇଥିଲେ । ଏତଲା ଆଧାରରେ ମଙ୍ଗଳାବାଗ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଏହା ସହ ପୋଲିସ ପୀଡ଼ିତାଙ୍କ ବୟାନକୁ ରେକର୍ଡ କରିଥିବା ଅତିରିକ୍ତ ଡିସିପି ଅନିଲ କୁମାର ମିଶ୍ର ସୂଚନା ଦେଇଛନ୍ତି ।

 ଅନ୍ୟପଟେ ପୀଡ଼ିତାଙ୍କ ସମ୍ପର୍କୀୟଙ୍କ ଆକ୍ରମଣରେ ଉକ୍ତ ଡାକ୍ତର ଗୁରୁତର ଆହତ ହେବା ସହ ଆଇସିୟୁରେ ଭର୍ତ୍ତି ହୋଇଛନ୍ତି।  ଡାକ୍ତରଙ୍କ ପରିବାର ଲୋକ ମଙ୍ଗଳାବାଗ ଥାନାରେ ମଧ୍ୟ ଏକ ଏତଲା ଦାଏର କରିଛନ୍ତି।  ପୋଲିସ ୨ ଟି ଯାକ ମାମଲାକୁ ନେଇ ତଦନ୍ତ କରୁଛି। ଖୁବଶୀଘ୍ର ସତ ସାମ୍ନାକୁ ଆସିବ ଏବଂ ଆଇନ ମୁତାବକ କାର୍ଯ୍ୟାନୁଷ୍ଠାନ ହେବ ବୋଲି ପୋଲିସ କହିଛି।