ରାଜଗାଙ୍ଗପୁର, ୧୬/୪ : ଆଜି ସର୍ଵ ଭାରତୀୟ ପ୍ରଶାସନିକ ସେବାର  ପରୀକ୍ଷା ଫଳ ପ୍ରକାଶିତ ହୋଇଛି । ଏହି ପରୀକ୍ଷାରେ ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହରର ଅଙ୍କିତ ଅଗ୍ରୱାଲ ୨୯୭ ରାଙ୍କ ରଖି କୃତକାର୍ଯ୍ୟ ହୋଇଛନ୍ତି । ତାଙ୍କ ଏହି ସଫଳତା ହାସଲ ଖବର ଜଣାପଡିବା ପରେ ତାଙ୍କ ପରିବାର ଲୋକଙ୍କ ସମେତ ସହରରେ ଖୁସିର ଲହରୀ ଖେଳି ଯାଇଛି ।  ଅଙ୍କିତ   ୪ଥର ପ୍ରୟାସ କରିବା ପରେ  ଏହି ସଫଳତା ହାସଲ କରିଛନ୍ତି । ଏହି ସଫଳତାର ଶ୍ରେୟ ସେ ତାଙ୍କ ପିତା ମାତା , ଶିକ୍ଷକଙ୍କ  ସମେତ ସମସ୍ତ ପରିବାର ଲୋକଙ୍କୁ ଦେଇଥିଲେ।

ଅଙ୍କିତ ରାଜଗାଙ୍ଗପୁରର ଜଣାଶୁଣା ବ୍ୟବସାୟୀ କମଲ ଅଗ୍ରୱାଲ  ଏବଂ ବେବି ଅଗ୍ରୱାଲଙ୍କ ଜ୍ୟେଷ୍ଠ ସନ୍ତାନ।  ରାଜଗାଙ୍ଗପୁର  ଡ଼ାଲମିଆ ବିଦ୍ୟ।ମନ୍ଦିରରୁ ପାଠ ପଢା କରିବା ପରେ ବାଙ୍ଗାଲୋର ସ୍ଥିତ ଆର.ବି ଇଂଜିନିୟରିଂ କଲେଜରୁ ମେକାନିକକାଲ ଇଞ୍ଜିନିୟରିଂ ପାସ କରିଥିଲେ । ଏହା ପରେ ସେ ପୁନେ ଆଉ ବାଙ୍ଗାଲୋରରେ  ବିଭିନ୍ନ ଘରୋଇ କମ୍ପାନୀରେ କାର୍ଯ୍ୟ କରିଥିଲେ । ୨୦୧୯ ରେ ଚାକିରୀ ଛାଡି ୟୁପିଏସସି ପରୀକ୍ଷା ପାଇଁ  ଘରେ ରହି ପରୀକ୍ଷା ପ୍ରସ୍ତୁତ ହୋଇଥିଲେ । ୫ବର୍ଷ କଠିନ ପରିଶ୍ରମ ପରେ  ସଫଳତା ହାତ ଲାଗିଥିବା ସେ ପ୍ରକାଶ କରିଛନ୍ତି । କଠିନ ପରିଶ୍ରମ ଦ୍ଵାରା ସମସ୍ତ ଲକ୍ଷ୍ୟ ହାସଲ କରାଯାଇ ପାରିବ ବୋଲି ଅଙ୍କିତ ଉଲ୍ଲେଖ କରିଛନ୍ତି ।